ЭссеМенің ұстаздық ұстанымымҰстаздың биігі-Ойлана қарасаң –биіктей береді,Үңіле қарасаң-тереңдей береді.Қол созсаң- қарсы алдыңда,Айналсаң- артыңда тұрады.СократӘлемде мыңдаған мамандықтар, көптеген қызығушылықтар, таңдаулар өте көп, және олардың барлығы маңызды. Және сол таңдауды жасаған кезде қателеспеу керек. Менің өмірімде де осы кезең болды, ересек өмірге аяқ басардың алдында, сүйікті ұстазым, география пәнінің мұғалімі – Полоник Мария Андревна дұрыс шешімге келіп, дара жолды таңдауыма елеулі үлесін қосты. Сол кезден бастап ұстаз - әрбір адам өміріндегі ең маңызды тұлға екенін түсіндім. Қазіргі таңда елбасымыз Н.Ә. Назарбаев айтқандай: Егеменді еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» демекші, ұстаз қолында адам тағдыры, болашақ ел тағдыры. Өйткені мұғалім балаларға білім беріп қана қоймай, өмірге дұрыс жолдама беріп, бағыт-бағдар көрсетеді. Меніңше, ұстаз болу – диплом алып, жұмысыңды жалғастыру ғана емес, оған қоса өзің тәрбиелеп жатқан жеткіншектердің бойына руханилығы жоғары қасиеттерді сіңіру, солардың бірі, әрине де, Отан анаға деген сүйіспеншілік. Мен өз сабақтарым арқылы, жай ғана география ілімінің қырсырларын емес, олардың танымдылығын, ішкі жан дүниесін ашып, адами құндылықтарды сіңіріп, қоғамға айтарлықтай үлес қосатын азаматтар екенін ұғындырғым келеді. Әр дайым оларға: «әр қайсысымыз кім болсақта, алдымен адамбыз»-дегенді ұғындырғым келеді, өзімде осы қағидамен өмір сүремін. Сондықтан да, мен үшін, ұстаз ол – адами қасиеттерді жоғалтпай, өз идеяларымен оқушыларды өзін-өзі дамытуға және жаңа ашуларға ынталандыратын, рухани байлықты жоғары бағалайтын адам. Десе де қазіргі глобализация заманында осының бәрін ақпаратты-технологиялық тұрғыда қамтамасыз ету өте маңызды. Сондықтан еліміздегі соңғы өзгерістер аясында Цифрлы Қазақстан жайлы айтатын болсақ, оған бірден-бір дайын болу керек адамдар ол – ұстаздар.Кезінде ұлы педагог К.Ушинский айтқандай: «Мұғалім өзінің білімін үздіксіз көтеріп отырғанда ғана мұғалім. Оқытуды, ізденуді тоқтата салысымен оның мұғалімділігі де жойылады» деген қағидасын мен әрдайым жадымда ұстаймын. Өмірдің күйбеңімен басылып қалмай, өмір ағымынан қалып қоймауға тырысамын.Компьютерді меңгеріп, сабақтарыма көрсетілімдерді өзім жасап, жаңа инновациялық технологияларды тиімді пайдаланып жүрмін. Мұғалім еңбегі адамзат қызметінің өте маңызды да күрделі түрі екені даусыз, ол жүрек жылуы мен күш-жігерді, тіпті уақытпен санаспай еңбек етуді қажет етеді. Осы жерде менің ұстаздық философиям жатыр, ол әрқашанда өз ісіңнің шебері болуға ұмтылу. Күнделікті қызметінде жас ұрпақ бойына сапалы білім, саналы тәрбие сіңіріп, қоғам мүддесіне үлес қосуда өзін-өзі белсенді көрсетуге дайын, бәсекеге қабілетті шығармашыл, білімді тұлғаны қалыптастыруға, адамгершілік қасиеттерді бойларына сіңіруге бар күш-жігерімді жұмсаймын.Әр дайым ізденістемін, өйткені өзі үйреніп, оқымайтын мұғалім ешқашан үздік ұстаз бола алмас.Сондықтан әр сабақ бір жаңалыққа, қызыққа толы болу керек, ол жерде ешқандай көшірмелер, шаблондар болмауы тиіс, мен және менің оқушыларым, біз шағын мемлекет іспеттеспіз, сондықтан оларға жай ғана тәлімгер болып қана қоймай, дос болып, олардың жасырын, жақсы жақтарын аша отырып, тұлғалық дамуын қамтамасыз ету менің басты міндетім. Осы арқылы олармен жұмыс жасау методикасыда айқындала түседі. Егер де сабақты шығармашылық атмосфераға толтырып, олармен диалог құрып, мотивациялаушы іс-шаралар өткізсе олар өздері ынталанып, саған сенім білдіре бастайды, ал бұл ұстаз үшін айнымас құрал. Менің жылдар бойғы жұмысымда нәтижесін беріп келе жатқан механизм.Мектеп – өмірімнің мәні, менің әлемім, ал ұстаз болу – өмірлік ұстанымым, стилім. Сондықтан ұстазға тән ізденімпаздық пен жанжақтылығымды барынша сабақ процесін жетілдіруге арнаймын. Елбасымыздың қойған әр бір талаптарына, жеткіншектерді жылдам түрде бейімдеп, өз үлесімді қосуға күшімді салып жүрмін. Мысалы, «Үш тұғырлы тіл» саясатын қарастырсақ,жас жеткіншектерге тілді игеру маңызын айқындап, географияны ағылшынша оқу мүмкіндігінің бар екенін көрсетуге тырысып жүрмін,яғни түрлі кітаптардың, сайттардың бар екенін оларға көрсету. Ал 12 жылдық білім беру жүйесіне көшу жағыдайында жас ұрпаққа білім беру ісіне, оның жеке даралық ерекшелігіне мейлінше мән бере отырып, оқушылардың мектепте алған білімдері олардың бүкіл өмірлік азығы болатындай етіп беру, оны өмірге дайындау мәселесі мен үшін негізгі ұстанымым болып табылады, әсіресе қазіргі жаңа білім беру жүйесінде. Бұрынғы базалық принциптерге сүйене отырып, олардың тәжірибелік жұмыстарына көбірек мән беруді алға қойып жүрмін. Ойткені заман талабына сай олардың не білетіні ғана емес, ал не істей алатыны және қолдана алатыны маңызды.Осының бәріне алдымен өзімнің жіті көңіл аударуым маңызды, өйткені мені өзеннің бастауы ретінде қарастырса, менен ғұмыр алатын ағыстары жылдам, сулары нәрлі өзендер ол менің оқушыларым. Сондықтан менің сабағым 40 минут өмір сүрмейді,”сабақ аяқталды” деген сөздермен бітпейді, ол әр оқушымда жалғасын табады, және мен оған сенімдімін. Мен бақыттымын, өйткені күнде таңертең мені тыным таппай күтетін оқушыларыма асығамын. Халық айтады, әділдік пен мейірімділікті дәріптейтін, жауапты мұғалімді кездестіру бақыт дейді, ал одан да асқан бақыт – сол ұстаздың өзі болу. Жылдар, ғасырлар өтер, өмір танымастай өзгерер. Қазіргі кездегі көп мамандықтар атымен жойылар, бірақ адамзат барда, мына әлемде Ұстаз атты даңқты есім мәңгі жалауын биік ұстар,ал мектеп деген өмірдің тынысы үзілмес......
ҚР Білім және Ғылым министірлігінің стандартымен жасалған
23 Наурыз 2018
1543
0 рет жүктелген
