эссе Өзін-өзі тану пәні менің мектебімде

Мақала авторы: Абдығали Ерасыл

9 сынып

«А.Малькеев атындағы Есік

мамандандырылған дарынды балаларға

арналған «БІЛІМ-ИННОВАЦИЯ»

лицей-интернаты»

Өзін-өзі тану пәні менің мектебімде

"Өзін-өзі тану" пәнінің мазмұны адамның жоғарғы рухани табиғатының көрінісі ретіндегі мәңгілік жалпыадамзаттық құндылықтарға негізделуі тиіс екендігі белгілі. Ол біздің мектепте ерекше орын алған деп айтуға болады."Өзін-өзі тану" пәні аталған лицейде бірінші орынға ізгілік идеялары мен бағдарларын шығаруды көздейді. Рухани-адамгершілік білімді яғни құндылықтарды оқулықтан, шеберлікпен оқылған дәрістен тауып, меңгеру мүмкін емес, оларды тәжірибеде қолдану қажет екендігі белгілі.Сондықтан да, теориялық алынған білімді тәжірибеде қолдану үшін әр түрлі іс-шаралар өтілуде.Мысалы сабақта әр түрлі тақырыпта музыка тыңдау,бейне көріністерді тамашалау,бір-бірімізді силау,біреудің көңіліне қаяу түсіретін сөз айтпау,ұйымшылдықпен топтық жұмыстар жасау,дәйексөздердің мағынасын терең түсіну,дәптерге эссе, шығарма жазу, тестілеу, ерекше көркем белгілерді қолдану арқылы сыныптастардың сабақтан тыс уақытта оқу материалы бойынша әрқилы жанрларды сахналауы,танымал философтар мен ойшылдардың, белгілі ғалымдардың, жазушылар мен ақындардың нақыл сөздерін талдау,түсіну т.с.с арқылы көп нәрсені білдік. Сыныптастардың еркін қарым-қатынасын қамтамасыз ететін «Қуаныш шеңберінде» әртүрлі сәлемдесу рәсімдерін қолданамыз,ол мені қуанышқа бөлейді.Сонымен бірге ұстазымыздың күлімсірей сабақ түсіндіруі,әңгімелесуі,бізге үміт артуы бізді жарқын болашаққа жетелейді,өзімізді толық тани отырып,жалпыадамзаттық құндылықтың мағынасын түсіндік. Сабақтан тыс уақытта да,кез келген ортада біз өзімізді қалай ұстау керек екендігін,адамдармен дұрыс қарым-қатынас жасау қағидаларын бойымызға сіңірдік. Өзін-өзі тану пәні кез келген оқушы үшін алары мол,өте қызықты пән ретінде маған ұнайды.