эссе «Педагог мәртебесін көтеру-жаңашыл мұғалімді қалыптастыруд

эссе

«Педагог мәртебесін көтеру-жаңашыл мұғалімді қалыптастырудың бастауы»

Ұлы Абай «Адамның адамшылығы жақсы ұстаздан болады» деп

айтқаны белгілі. Жақсы ұстаз-бұл қай кезде де ең алдымен кәсіби деңгейі жоғары,интеллектуальдық ,шығармашылық әлеуеті мол тұлға .Ол оқытудың жаңа технологияларын өмірге ендіруге дайын ,оқу-тәрбие ісіне шынайы жанашырлық танытатын қоғамның ең озық бөлігінің бірі деп есептеймін және солай болуы тиіс.Мен үшін бұл міндетті орындау , оқушының пәнге деген қызығушылығын арттыру үшін оқытудың көптеген жаңа әдіс –тәсілдерін алып,өз іс-тәжірибемде ұтымды пайдалана білуге тырысамын.Мен өзімнің инновацияны сабақтастыру іс-әрекетімді төрт түрлі өлшеммен сипаттаймын:

-инновациялық іс-әрекеттің қажеттілігін сезіну.

-оқу үрдісіне жаңалық енгізуде шығармашылықпен қызмет етуге даярлығымның болуы.

- енгізілетін жаңалықтардың бағытының дұрыстығына ,тиімді нәтиже әкелетініне сенімді болуым.

-белгілі проблеманы шешудегі қолданылатын инновациялық іс-әрекетті толық өзіме қабылдап, оны енгізе білуім.

Мұғалімдерге қойылатын талаптардың бірі – шығармашылық.Мұғалім өз шығармашылығы арқылы оқушы шығармашылығын ұйымдастырады.Ал менің мақсатым -

оқушыға оқу үрдісін ұйымдастыру барысында шығармашылықтың маңызын

білдіру ,баланың басқаға ұқсамайтын қабілетін ашу.

Мен қарапайым ауыл мұғалімімін.Сондықтан менің алдымда тұрған мәселе көп. Бірақ ұлы Абай атамыздың :Ақырын жүріп анық бас,

Еңбегің кетпес далаға.

Ұстаздық еткен жалықпас,

Үйретуден балаға ,-деп айтқан сөзін жиі есіме түсіріп, кәсіби шеберлігімді үнемі жетілдіріп, ізденушіліктемін.

Мұғалім үшін оқу-тәрбие үрдісін ұйымдастырудың негізгі көзі- сабақ

болып табылғандықтан ,әр сабағымды жақсы жоспарлап, тыңғылықты дайындап, жан-жақты ойластырып өткізуге тырысамын.

Қорыта келгенде ,«Тамызығын тапсаң, тас та жанады»дегендей әр мұғалім өз ісіне шығармашылықпен ,сүйіспеншілікпен қараса , оның алдынан жақсы, талантты, білімді оқушы шығары сөзсіз.