Эссе

Студенттердің кәсіби және жеке дамуындағы тәлімгерліктің рөлі

Педагогика тарихындағы тәлімгерлік- бұл жаңа құбылыс емес, оның ғасырлар бойғы даму, көтерілу, құлдырау,ұмыту тарихы бар. Тәлімгерлік ұғымы грек мифологиясынан бастау алады.

Тәлімгерлік-ұзақ уақытқа созылатын, тәлімгер мен тәлім алушы арасындағы сенімді, жеке тұлғаға бағытталған қарым-қатынас құру үрдісі.

Тәлімгерлік жүйесін ендіру әсіресе қарқынды көтеріліп келе жатқан студенттер үшін маңызды. Алайда тәлімгерлік институты тегін болғанымен, барлық колледжде оны тренингтер мен тағылымдама т.б. сияқты белсенді қолдана бермейді. Көбінесе бұл ұйымға келгендегі алғашқы 3-6 жұмыс жасау айымен байланыстырамыз. Қызметкердің ары қарай дамуы, оның мүмкіншіліктерінің  ашылуы мақсатында бұл құрал ретінде кеңінен қолданыла бермейді. Кәсіби қызмет көрсетуге мамандандырылған ұйымдар үшін тәлімгерліктің нақты осы құрамдас бөлігі өзекті болып табылады. Кәсіпқойлар мансаптың дамуын мақсат тұтады, және олардың үздіксіз кәсіби дамуына тек тәлімгерлер көмектесе алады.

Тәлімгер басқару дағдыларын шыңдайды,ұйымдағы өз беделін арттырады, маман ретінде беделге және әріптестерінің сеніміне ие болады, мамандандырылған топ құруға үлесін қосады .

Мінсіз тәлімгердің портретін  сипаттағанда, қызметкерлер қағаз жүзінде лауазымы бойынша тәлімгер болуға лайық болғанымен, барлығы бірдей тәлімгердің роліне сәйкес келе бермейді деген ойға жетелеуі мүмкін. Демек, мынандай сұрақ туындайды: "Барлық адам тәлімгер бола ала ма?" және "Лайықты үміткерді қайдан табуға болады?Нақтырақ айтсақ: қызметкерлерден жақсы тәлімгер тәрбиелеп шығару үшін не істеу керек? Ең дұрысы, бұл сұрақтарға әмбебап жауаптар жоқ: тәлімгерді таңдап алу өлшемі, сонымен қатар олардың даму жолы нақты компанияның корпоративті мәдениетінің ерекшелігіне, оның басқару стиліне, басшының тәлімгерлік жүйесінің маңыздылығын түсінуіне және көптеген басқа да факторларға байланысты.

Жеңіл өнеркәсіп және сервис колледжінің өндірістік оқыту шебері: Ергешбаева Айман Анарбекқызы