Эссе

«Тәуелсіз елдің баласымын»

Тәуелсіздік - қандай қарапайым, әрі қасиетті сөздердің бірі. Қазақ баласы осынау қасиетті ұғымды қаншама ғасыр күткен десеңізші...Тәуелсіздік бізге оңай жолмен келген жоқ: найзаның ұшымен, қылыштың жүзімен, ата- бабамыздың табандылығы мен қайтпас қажырлығы да себепші . Намыс жігерін болат кездіктей жаныған батыр бабаларымыздың азаттық жолындағы күрестері осының жемісі деп білемін. Татулық пен теңдікті, елдік пен еркіндікті ту етіп ұстаған қылыштың қыры, садақтың жебесіне қарсы тұрған ата -бабаларымыздың арқасында тәуелсіздік туына да қол жеткіздік. Мен тәуелсіз елдің ұрпағымын. Ел үшін жан аямай соғысқан, жанын пида еткен батыр бабаларымызды «елім деп» жүрегі соққан әр азамат мақтан тұтары сөзсіз. Міне, бүгінде тәуелсіздігімізді алып, бейбітшілік пен татулықтың бақытты да мамыражай күндерін кешудеміз.. Еркіндігімізді нығайтып, тәуелсіздігіміздің көк туын шет елдерде желбіретіп, әлемге танылуымыз көреген де мықты қолбасшыдан деп ойлаймын. Президентіміздің жүргізіп отырған парасатты саясатының нәтижесі деп білемін.

Қазақстан - тәуелсіз мемлекет. Біз -Мәңгілік елміз. Ата- бабаларымыз салып кеткен ізгілік пен парасаттылық, батылдық пен қайсарлық, білім мен даналықтың дара жолымен жүріп, елім мен жерімді көркейтіп, Тәуелсіздігімізді келер ұрпаққа аманат етіп жеткізетінімді нық сеніммен айта аламын.