Эссе "Тәуелсіздік қайткенде тұғырлы болмақ?"

Авторы: Жұмабек Нұрым 9б

Тәуелсіздік қайткенде тұғырлы болмақ?

1991 жылы 16 желтоқсан – ел есінде ерекше сақталған. Бұл – Тәуелсіздік күні. Әр жыл сайын осы мереке барша халық ішінде аталып өтіледі. Бәріміз бейбіт заманда, ашық аспан астында өмір сүргеніміз үшін бақыттымыз.Ел болып тойлайтын 16 желтоқсанға қалай қол жеткізгенімізді ұмытпауымыз керек.

Тәуелсіздік күні қазақ халқына аса ауыр жолмен келген болатын. Ата-бабаларымыз тәуелсіздік жолында қаншама қиыншылықты бастарыннан өткізді. Қазіргі ұрпақ байтақ мемлекетте өмір сүру үшін өз бастарын бәйгеге тігіп, шыбын жандарын құрбан етті. Бұған дейін айтылған ой-пікірді қазақ халқының ардақты жазушысы Н.Айтұлы бір сөзбен былайша жеткізген:

«Айығып ой тұманнан, сана бұлттан,

Жазылды ескі жара жан ауыртқан»

Қазақ халқының тәуелсіздікке қол жеткізу барысындағы жеңіліс пен жеңістің қалай келгенің барша ата -бабаларымыздың көптен бергі аңсаған тәуелсіздік әрекетін алтын қаламды қолына алып, ақ қағазға түсірген болатын.

Ал тәуелсіздік қайткенде тұғырлы болмақ? Әрине, тәуелсіздікке қол жеткізуге қарағанда,оны ұстап тұру қиынға соқпақ. Соншама уақыт күткен тәуелсіздікті тұғырлы қылу кімге болсын қиын. Осы жылы тәуелсіздікке қол жеткізгеңімізге 30 жыл болды. Осы уақыт ішінде, Қазақстан мемлекеті айтарлықтай жетістіктерге қол жеткізді және әлі де даму барысында. Мүмкін осы 30 жыл ішінде қойылған мақсаттарға қол жеткізген шығармыз.

«Тірісің-туған ана тілің барда,

Өлісің-түп тамырың жұлынғанда» –

демекші, ел болып қалыптасқан соң, ана тіліңнің болуы және оны халық арасында дұрыс сақтай білу керек. Бұл мәселе тек қана менің жеке ойым емес, көпшілікті мазалаған проблемалардың бірі деп ойлаймын. Қазіргі таңда Қазақстан тәуелсіз республика болғанымен, қазақ тілі екінші сөйлеу тілі. Ендігі қорқыныш – үшінші болмаса екен! Осы арада «неге?» деген сұрақ туындайды. Қарапайым халық, жастар, мемлекеттің алға тартар тұлғаларының өзі қазақ тілінде сөйлей алмауы – ұят!

Көтерілген мәселе бойынша, кінәлі адамды іздеудің қажеті жоқ. Мемлекетке, тілге жанымыз ашыса, өзімізден бастайық. Қазақ тілінің мәртебесі мен тәуелсіздігіміздің тұғырлы болуына әрбір қазақ жауапты.