ЭССЕ. Ұлттық құндылықты бойына сіңірген жастар жаһандық бәсекеге қабілетті

Э С С Е

Ұлттық құндылықты бойына сіңірген жастар жаһандық бәсекеге қабілетті

Мен мектеп бітіріп,түлеп ұшқалы отырған талапкермін. «Ұлттық құндылық» сөзінің байыбына барып, қазір ойлап оытрсам, «ұлт» яғни, менің «қазақтығымның» құндылығы. Ұлттық құндылық мен шыр етіп дүниеге келген күннен бастап, менімен бірге. Менің бесікке салған, ақ кимешекті әжеммен, әлдиін айтып ұйықтатқан ақ жаулықты анам, ұрпағым туылды деп деп шілдехана жасаған әкем – міне, ұлттық құндылық менімен бірге дүниеге келген, өмір бойы менімен бірге жүреді. Мектепке барған уақытымнан бастап, ұстаздардан алған тәлім – тәрбиемде де ұлттық құндылық. Алаш азаматтары, көшпенді ғұмырын бастаған ежелгі ата – бабам, Керей мен Жәнібектің тарихынан бастау алатын елімнің өткені бәрі – бәрі мен үшін ұлттық құндылық.

Мен – ұлтымның бар жақсысын бойына сіңірген, Мағжан сенген жалындаған жас ұрпақпын. Ұлтымның бар асылын қабылдай отырып, мен елім үшін аянбай еңбек етіп, тер төгетініме сенімдімін. Өйткені, менің қанымда, бойымда ұлтыма деген сүйіспеншілік бар. ОСы қазақ елін «Мәңгілік Ел» еткім келеді. Яғни, ешуақытта көкбайрағы төмен қарамайтын,экономикасы топ 3 ел қатарына кіретін,даму жылдамдығы керемет елде өмір сүргім келеді. Сол үшін бар қабілетімді арнаймын. Өйткені бұл елдің келешегі – біз. Болашағы – біз. Қаншама ұстаз бен ата – ананың да арманы тоғысқан тұс осы емес пе? Елін – жарқын болашаққа жетелейтін ұрпақ. Қазіргі жаһандану заманының көшбасшысы болып тұрған – Қытай,АҚШ,Жапон ұлттарының қатарынан өз елімді көргім келеді. Сол үшін сапалы білім алу – менің мақсатым.

Ғасырдан ғасырға өтіп, «мың өліп, мың тірілген» қайтпас қайсар ұлттың өрені бола тұра, сапасыз өмір сүруге, алға ұмтылмау – ата – баба мұратына сын келтіру. Осы абыройлы істі сызат түсірмей, сенімділікпен алып өтетініме сенімдімін!