Эссе "Ұстаз-білім шырағы

«Ұстаз-білім шырағы»

(эссе)

Болғаннан соң өр талабы, ақылы,

Барған болар ерлікке де батылы.

Майдан емес, қолға қару ұстатқан,

Мынау тыныш, бейбіт күннің батыры.

(Ақын Муқағали Мақатаев)

Өмірдегі көп мамандықтардың ішінде жан-жақты білімділікті, икемділікті, шеберлікті, мейірімділікті қажет ететін мамандық – ұстаз мамандығы.Олай дейтінім, мұғалім еңбегі біріншіден, адамзат қоғамы тарихында жинақталған ғылым негіздерінен білім беруге тиіс болса, екіншіден, үнемі шәкірттермен қарым-қатынаста болу.Бүгінгі ұстаз шәкіртіне ғылым негіздерінен мәлімет беріп қана қоймай, оның дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеуі керек.Ол нағыз ұстаздың ғана қолынан келеді. Ұстаз – өз кәсібін, өз пәнін, барлық шәкіртін, мектебін шексіз сүйетін адам. Осы іске деген қызығушылық пен сүйіспеншілік қана оны небір қиын әрекеттерге жетелейді, іске батыл кірісуге септігін тигізеді.

Ұстаздың осыншама қадір-қасиет,құрметке бөленуі өзін қоршаған орта мен әрбір шәкіртіне асқан сезімталдықпен, жауапкершілікпен қарым-қатынас жасауында.Өйткені оның қарапайымдық сыпайы киім-киісі, мәдениетті сөзі, әдепті жүріс-тұрысы, жинақы ұқыптылығы бәріне де өнеге.Ұстаз өз шәкірттеріне тәлім-тәрбие беруде ең шыдамды да жауапкершілікті маман иесі.

Мамандық – бұл әрбір адамның қуана жасайтын ісі, оның болашағы.Мамандық таңдау бұл өте маңызды іс. Өйткені біз мамандықты таңдай отырып, өзіміздің болашағын таңдаймыз.Болашақта үлкен мамандық иесі болуды армандамайтын бала болмайды.Менің таңдаған мамандығым – мұғалім мамандығы. Қызығы мен қиындығы мол осы мамандықты бала күнімнен армандадым. Ұстаз мамандығын таңдау өте жауапкерлікті талап ететін жұмыс деп санаймын. Себебі, кез келген адам ұстаз бола алмайды. Ол үшін адамның бойында үлкен тіпті дара ойлар мен мақсаттар,табандылық пен шыдамдылық, сарқылмас білім болуы қажет.

Өз мектебімнің батыры болған барлық ұстаздарыма мың алғыс айтамын!!!