Эссе "Ұстаздық қызмет - ұлы құрмет"

Мен жас болсам да, бар өмірімді ұстаздық жолға арнауды мақсат еттім, сондықтан егеменді елімізге жас ұрпақ тәрбиесінің жақсы болғанын қалаймын. Жас ұрпақтың мектеп қабырғасынан тәлім – тәрбие сапалы білім алатыны белгілі. Сондықтан білім ордасы – мектеп, ал мектептің жүрегі – мұғалім екендігі бәрімізге белгілі. Ұлы ағартушы Ыбырай Алтынсарин: «Маған жақсы мұғалім бәрінен де қымбат, өйткені жақсы мұғалім – мектептің жүрегі», - деген. Әр мұғалімнің алдындағы мұраты – өз пәнін жетік біліп қана қоймай, әр оқушыны шығармашылық тұлғаға жетелеу. Әр баланың қабілетін, талантын ашу, өзіне өзінің сенімін нығайтып, өзіне – өзінің жол ашуына түрткі жасау – міне бүгінгі білім беру, тәрбие ісінің басты міндеті.