Айдос Жапаркул 7
В
Жетістікке жеткен, бәсекеге
қабілетті ұжым, кәсіпорын немесе бір сыныптың оқушыларына
қарайықшы. Олардың алдыңғы қатарда болуының басты себебі – мықты
көшбасшы. Көшбасшы деген кім және қандай қасиеттері болуы керек
деген сұраққа жауап іздейтін
боламыз.
Көшбасшы – әлбетте өз
саласының білгір маманы, сонымен қатар өзге саладан да хабары бар
жан. Көшбасшы басқа адамдарды, олардың алғашқы ниеті қандай
болғанына қарамастан, өзі қалаған нәрсені жасауға көндіре алатын
адам болып табылады, сонымен қатар топтағы адамдардың қасиеттері
мен қабілеттерін қолдана отырып, оларды көшбасшы мақсатын іске
асыруға бағыттай алады. Көшбасшылықты әдетте ақыл, сауаттылық
деңгейі, сенімділік пен әлеуметтік қатысу, әлеуметтік-экономикалық
статус түсініктерімен
байланыстырады.
Ол топпен жұмыс істей білуі
керек, қол астындағы адамдардың пікірімен санаса білетін, бар
пікірлерден сөздің тобықтай түйінін шығара білетін жан. Үлкен
жауапкершілігі бар, бойында сабырлылық қасиетін қалыптастыра білген
жан. Бұл адамдарды өз-өзін белгілі бір мәнерде ұстауына мәжбүр ету
арқылы олардың мінез-құлықтарына әсер ету үшін басқарушының
қолданатын құралы. Бір ұжымның жетістікке жетуі тек көшбасшыға
байланысты емес. Сондай-ақ топ мүшелері де өз ісін жасауда
белсенділік танытуы керек.
Барлық адам көшбасшы бола
алмайды. Бірақ әрбір адам жақсы көшбасшыға бағынып, үлкен мақсаттар
жолында қызмет ете алады.