Эссе:Менын суйыкты мамандыгым

Қазақстан Республикасы

Білім ғылым министірлігі

Эссе тақырыбы:

«Менің сүйікті

мамандығым!»

Орындаған: Толебаева М.Қ

« Менің сүйікті мамандығым!»

«Ел боламын десең,бесігіңді түзе» демекші «Тәрбие-тал бесіктен» басталады. Адам баласы шыр етіп, дуниеге келгеннен бастап-ақ жеке тұлға ретінде қалыптаса бастайды. Жеке тұлғаның қалыптасу іс-әрекеттеріне,отбасы мен қоғамдық ортасы әсер етеді. Отбасындағы іс-әрекеттерді,тұтастырып тәрбиелеген өте абзал.

Тәрбие-адам тағдырын шешетін ұлы іс.Тәрбиенің бастауы да,белгісіде отбасы.Отбасындағы өнегені, балабақшамен тұтастыру, тәлім-тәрбиенің айғағы. Бала тәрбесінің негізі балабақшада қаланады. Ия,шынында да балабақшадағы, мектептегі аяулы ұстаздарымыздың арқасында,өмірде тұлға ретінде өз орнымызды тауып, бүгінде «Тәрбиеші маманының иесімін». Белгілі орыс педагогы С.Ушинский айтқандай «Тәрбиенің қайнар көзі,тек адамның жеке басына негізделген»шындығында да, әрбір адамның болашағы мамандығына байланысты. Мамандық тандау-өте жауапкершілік және маңызды іс. Ісім оңсын десеңіз, Сол істің маманы болыңыз, Даңқым шықсын десеңіз, Көпшіліктің адамы болыңыз - деп Әл-Фараби ғалым айтқандай,әр адамның өз өмірінде,табысты болуы,әлеуметтік ортада,барлық қабілетін толық ашуға болатындығы,ғалымдар өз еңбектерінде дәлелдеп шықты. Жас ұрпақты білім нәрімен сусындатар,бала жанының бағбаны аяулы ұстаздар емеспе? Иә ,ғылым иесі де,ғалымда,ел қорғаған батыр да,тілінен бал тамған ақын да,егін еккен дихан да,бәрі-бәрі ұстаздан білім алған.Сондықтанда,мен осы мамандықты таңдадым.

2010жылы өзімнің туған жерім,Жетісай қаласындағы Ғани Муратбаев атындағы Жетісай гуманитарлық колледжіне оқуға түстім.Мектепке дейінгі білім беру факультетінде,білім алып 2013жылы оқуымды үздік бітіріп Тәрбиеші мамандығының иесі атандым. Сол кездегі «Армандар орындалады» көңіл-күйіммен Сырдария университетіндегі Бастауыш білім беру факультетінің сыртқы бөлімінде оқуымды жалғастырдым.

2015жылы 14 сәуірде «Ілес-Ана бөбекжай балабақшасына» жұмысқа орналастым,Мектепке дейінгі ересектер тобының тәрбиешісі атандым.Менде «Тәрбиеші мамандығына»қызығушылығым оянды.Алғашқы кезде,кез-келген тұлғаның бойында үрей болады.Мен жасай аламын ба? Қабілеттімін бе? деген сұраққа жиі ойландым. «Армансыз адам-тұл» демекші менің алғашқы армандарым орындалды. «Балабақша,Тәрбиеші,Бала»сөздерінің өзі қандай ғажап.

Бала-бүкіл адамзаттың,табиғаттың нәрі.Баланың күлкісі көңілімізге жылу беріп қана қоймай,жанымызды тыныштандырады. «Ұстаздық еткен жалықпас,уйретуден балаға» демекші,қазіргі таңда тұрмыс-жағдайыма байланысты Шымкент қаласына қоныс аудардым.Сол себептен Тассай елді мекеніндегі Арайлым-Ай бөбекжай балабақшасында Тәрбиеші болып жұмыс жасаймын.Менің тобымда 25 тәрбиеленуші бар.Олар әр отбасының еркесі мен тәттісі. Күнде Саламатсызба апай,Қайырлы күн,Мен сізді жақсы көрем сөздері, менің жүрегімнен терең орын алған. Тәрбиеші: Бұл әрдайым үлкен әріптермен жазылатын,мазмұнды сөз деп танимын.Өйткені,біз елдің ертеңгі азаматтарын тәрбиелеудеміз.Жас ұрпаққа қазыналы да бай ана тілі-қазақ тілін сіңірудеміз.Тіл арқылы бала бойына,ұлттық құндылықтарды,салт-дәстүрімізді,адамгершілік,мейірімділік ұстанымдарды жұғысты етеміз.

Батыр Бауыржан Момышұлы «Ешкім батыр болып туылмайды,батырлықта мінез секілді өскен орта,тәрбиеге байланысты қалыптасады» деп ұлы ой айтқан болатын.Біз балабақшадағы жақсылық атаулыға,ел тізгінін ұстайтын батыр болуға,мейірім шапағатқа, ақыл-парасатқа,тәрбиелеуге жауаптымыз.Сондықтанда, «Баланы жастан» саналы ұрпақ тәрбиелеу біздің мақсатымыз.

Мен осы шығармамды қорытындылай келе ,Тәрбиеші мамандығының «Тәрбие саласындағы маңызды,орны бар екенін жеткізе білдім,Мен мамандығымды мақтан тұтамын!»

Байланыс телефоны: 8771-241-47-04

Электронная почта: tulebaevamoldir1993@mail.ru