Эссе

" Ұстаз ұстанымы"

Ұстаздық сен мәңгілік керексің,

Мендегі бар жақсылыққа себепсің!

Ғылым мен білімге жол сілтеп,

Шәкіртті білімге баулыттың,

Тағылым жинатып өзіңнен!-деп, бүгінгі мен кешегі ұстаздарға ортақ құндылық болып табылатын "Ұстаз ұстанымы" туралы ой толғауға жетелейді.. Себебі, ұлағатты ұстаздар қатары көбейгенін көрсем кеудемде қуаныш орнайды.

Бұл бізді білім мен ғылым жолында алға жетелеп, тәжірибелі маман болып,үздіксіз еңбек етуге, талапшыл, кеңпейіл,мейірбан, ізденімпаз, білімгер,

және кемеңгер болуға жетелейді. Өз мамандығына жай қарамай, өнер сияқты шығармашылықпен,ізденіспен қарап, заманауи трендтерді үйлесіммен оқушыға қолдану арқылы еңбегі айшықталады. Осы тұста ұстаздардың бағыт-бағдарына себепші болатын қолдау,жетелеу, дамыту жолдары арта берсе, мықты ұстаздар көбейе бермек. Себебі, кез келген жақсы ұстаз, бір кездері ол да ұлағатты,тәжірибелі,талапшыл ұстаздан тәлім алған. Оны бізде "Ұстазы жақсының,ұстамы жақсы"деген құндылықпен түсіндіреді. Әр ұстаз болашақ ұрпақты қалыптастырудағы жақсы әдет пен мінезге бай болса, өз мамандығын таңдауда қателеспегені ғой деп,ойлаймын. Сонымен қатар әр ұстазда ерік-жігер, өнер, батылдық,сабырлық, белсенділік, жауапкершілік сияқты жалпы адами қасиеттер болса, оның оқытып жүрген шәкірттеріне де әсері бар болып табылады. Оқушыға білім нәрін тәрбие негіздерімен ұштастырып беруден адал, адами жоғары,білімді ұрпақ қалыптасады. Ол жақсы ұстазды үздіксіз дамуға жетелеп, білім көкжиегін,яғни оқушымен жоба, зерделеу сияқты жұмыстар жасауға шабыттандырады. Осы орайда әр баланы тыңдай білу арқылы оқушыларды өз ойын ашық айтуға мүмкіншілік береміз.

Біз білетін қатал ,не болмаса талапшыл ұстаздар шәкірттерге жолығып отырады.Әрине, барлық баланың сабақты үздік оқығанына кім қуанбайды дейсіз? Бірақ, іс-тәжірибеге сүйене келе білім алуда қолдау мен түсіністік оқушының оқуға құштарлығын ашатын, талап, қолдау керегі байқалады. Балаға жақсы оқуды үйрету барысында топпен,ұжыммен байланыстыру арқылы кемшіліктерді оң нәтижеге бағыттау білім көкжиегін дамытуға ықпал етеді.

Қазақ педагогикасы, соның ішінде этнопедагогика ұстанымдары арқылы тәрбие мен білімді ажыратпай жақсы тұлғаны қалыптастыру болашақ ұрпағымыздың толық болмысын ашады.Әрине, мұның бәрін ұлт ұстаздары Абай Құнанбаев, Ыбырай Алтынсарин, Мағжан Жұмабаев, Ахмет Байтұрсынов ,басқа да ұлағатты ұстаздар өнеге болмақ.

Білім берумен қатар өмірге құлшынысы, өзіне деген сыйластығы және жалпы адами көзқарасы маңызды рөл атқарады. Әр бала өсіп келе жатқан тұлға екенін естен шығармау керек.