Есте сақтау қабілетін дамытуға арналған ойындар

Есте сақтау қабілетін дамытуға арналған ойындар
«Мен 10 заттың атауын білемін…»
Бұл топтық ойын. Оқушылар шеңберге отырғызылады. Допты шеңбер бойынша
бір-біріне бере отырып, əр оқушы бір сөзден айтады: «Мен… ағаштардың… 10…
атауын… білемін… қайың – бір, самырсын – екі, емен – үш» деп ары қарай
жалғастырады. Жалғастыра алмаған оқушы ойыннан шығады.

«Қайтала» сіріңке шиімен ұйымдастырылады
Бұл ойынды оқушылар жұптарымен ойнайды. Əр балаға сіріңкенің 6 шиінен беріледі.
Екеуінің біреуі сол шилерден қандай да бір затты құрайды. Екіншісі бірнеше секунд
көлемінде қарап алады да, оны қайтадан жасауға тырысады. Содан кейін оқушылар
орнын ауыстырады, екіншісі көрсетеді, біріншісі қайталайды.

«Сөздер тізбегі» ойыны
Оқушылар шеңберге отырғызылады. Бірінші оқушы кез-келген бір заттың атын атайды.
Мысалы: «ірімшік». Екіншісі алдыңғы айтылған сөзді атайды да, өзі бір сөз қосып
айтады. Осылайша жалғаса береді. Əрбір келесі ойыншы алдында айтылған барлық
сөзді ретімен атап шығады да, өзінің сөзін қосып отырады. Кім шатасады, сол ойыншы
ойыннан шығады. Ал ең соңында қалған оқушы жеңімпаз атанады.