Физика әлеміне саяхат

Қ.Бекқожин атындағы №12 жалпы орта білім беру мектебі

Сыныптан тыс жұмыс

«Физика әлеміне саяхат»

Павлодар қаласы, 2017ж

Күні: 20.10.17ж

Сыныбы: 8 «а», «ә», «б»

Тақырыбы: «Фи зика әлеміне саяхат»

Мақсаты: Оқушылардың белсенділігін және логикалық ойлау қабілеттерін арттыра отырып, оларды
зеректілікке, ой шапшаңдылығына, тапқырлыққа, төзімділікке және өзара сыйластыққа, сөйлеу мәдениетілігіне тәрбиелеу. Татулық қарым – қатынасын нығайта отырып, оқушылардың адамгершілік қасиеттерін қалыптастыру және пәнге деген қызығушылығын туғызу.

Сабақтың әдісі: Топпен жұмыс, сайыс.

Көрнекілік: интерактивті тақта,слайд, үлестірмелер.

Сайыс барысы:

1. Білімділер ғасыры (логикалық сұрақтар)

2. Сөздік пазл

3. Формулалар қоржыны

4. FIND WORDS (сөздерді табу)

5. Lip reading

6. Есептер әлеміне саяхат

Бастамас бұрын әр сынып өздерінің командаларының атауларын атайды. Сонда 3 команда шығу керек.

І тур: Білімділер ғасыры. Әр топқа физикаға байланысты 10 сұрақ оқылады, соның ішінде логикалық сұрақтар да болады. Әр жауап 1 балл. 

1 топқа:

1. Қандай денеде конвекция болмайды? (қатты дене)

2. Елеуішпен су әкелуге бола ма? ( болады егер қар немесе мұз болса) 

3. Ашық ыдыстағы су неге азаяды? (буланады)

4. Көзіңмен  көресің, бірақ  ұстай  алмайсың?  (көлеңке)

5. Архимед күшінің әрекетінен пайда болатын жылудың түрі? (конвекция)

6. Қандай жолмен еш уақытта адам жүрмейді? ( Құс жолы) 

7. Қозғалып келе жатқан денеде қандай энергия болады? (кинетикалық)

8. Егер стакандағы судың бәрін ішіп қойса не қалады? ( ауа) 

9. Жылу өткізгіштік дегеніміз не? 

10. Ньютонның заңының ашуына себеп болған не? ( алма) 

2 топқа:

1. Аспан денелерін бақылауға, зерттеуге арналған құрал? (Телескоп)

2. Македонский заманындағы уақыт көрсеткіші немесе өлшеуіші болған не? (тауық)

3. Ең кішкентай заряд? (электрон)

4. Қандай ыдыстарға су құйылмайды? ( су толы ыдысқа) 

5. Ареометр нені өлшеуге арналған құрал? (Сұйықтың тығыздығын)

6. Сағат тілі ұшының қозғалыс траекториясы қандай сызық сызады? (Шеңбер тәрізді траектория)

7. Жылу берілудің қандай түрлері бар?( жылу өткізгіштік, конвекция, сәуле шығару)

8. Теңізде қандай тастар болмайды? ( құрғақ) 

9. Жылу мөлшері дегеніміз не? (жылу берілу кезінде дененің алатын немесе жоғалтатын энергиясы)

10. Екі адам шахматты 2 сағат ойнады. Бір адам неше сағат ойнайды? (2сағат)

3 топқа:

1. Басқа денелер әрекетін тигізбегенде дененің жылдамдығын сақтау құбылысы, ол....? (инерция)

2. Қайың ағашы өсіп тұр. Оның 28 сабағы болды. Әр сабағында 5 алмадан. Ағашта қанша алма өсіп тұр? (Қайыңда алма өспейді)

3. Заттың сұйық күйден қатты күйге ауысуы – (Қатаю, кристалдану)

4. Термометр аяз болғасын – үш градус көрсетіп тұр. Осындай екі термометр неше градус көрсетеді?( үш)

5. Жылу мөлшерінің халықаралық жүйедегі өлшем бірлігі? (Джоуль)

6. Үстел үстінде үш стакан шие тұр. Марат бір стакан шиені жеп қойды. Неше стакан қалды? (үш стакан)

7. Заттың меншікті жану жылуы дегеніміз не? (массасы 1 кг отын толық жанғанда бөлінетін жылу мөлшерін көрсететін физикалық шама)

8. Қараңғы бөлмеде майшам мен керосин лампасы бар. Бірінші не жағасыз? (шырпы-спички)

9. Сәуле шығару дегеніміз не? - (электромагниттік толқындар көмегімен 1 денеден 2-ші денеге энергияның берілу процесі)

10. Жерден көтеру оңай бірақ лақтыру қиын. Ол не? ( мамық)

ІІ тур «Сөздік пазл». Бұл турда «температура» сөзінен жаңа сөздер ойлап табулары керек. Әр жаңа сөзге 1 балл.

ІІІ тур «Формулалар қоржыны». А4 параққа физикадан қанша формула біледі, соны жазады. Әр формулаға 1 балл.

IV тур. FIND WORDS (сөздерді табу). Әр табылған сөз үшін 1 балл.

Сөздер: жол, орын ауыстыру, қысым, ауырлық күші, масса, қатынас ыдыс, серпімділік күші, уақыт, жылдамдық, шкала, литр.

V тур. «Lip reading». Әр топтан кезекпен 2 оқушыдан ортаға шығып, стикерге жазылған сөздерді іштерінен оқиды. Бұл сөзді олар өз топтарына айтпайды, тек ерінді қозғалту арқылы жеткізуі қажет. Сөзді топ тауып айтса, 1 балл қосылады. Әр сөз үшін 1 балл.

Сөздер: конвекция, джоуль, құбылыс, энергия, аудан, булану.

VI тур «Есептер әлеміне саяхат». Әр топқа есеп беріледі. Дұрыс шығарылған есеп 1 балл. Есептер бірдей, барлығы 3 есеп.

1. 100кг антрацит толық жанғанда қанша жылу мөлшері бөлінеді? (q=3,0*10⁷ Дж/кг)

2. 250 г суды 5 ⁰С-қа қыздыру үшін қанша жылу мөлшері кетеді? (с=4200 Дж/кг*⁰С)

3. Массасы 3 кг оқ дәрі жанғанда 11400 кДж энергия бөлінген, Оқ дәрінің меншікті жану жылуын есептеңдер.

Қорытындылау.