Физика

10 сынып

1. Автомобиль жолдың үштен бірін υ₁ жылдамдықпен, ал қалған бөлігін υ₂=50 км/сағ жылдамдықпен жүрді. Егер автомобилдің бүкіл жолдағы орташа жылдамдығы 37,5 км/сағ болса, жолдың бірінші бөлігіндегі жылдамдығы қандай?

4 ұпай

2. Ұзындығы 3 метр, массасы 180 кг қайық суда тыныштықта тұр. Егер массасы m₂ болатын адам қайықтың алдынғы жағынан артқы жағына орын ауыстырғанда қайық 0,75 метр қашықтыққа жылжыды. Адамның массасын табыңдар. Судың кедергі күшін ескермеңдер.

5 ұпай

3. Ұзындығы 5 метр, биіктігі 3 метр көлбеу жазықтықта массасы 50 кг жүк тұр. Осы жүкті көлбеу жазықтықпен жоғары қарай қозғау үшін қандай күш жұмсау керек?

а) Бірқалыпты. /Үйкеліс коэффиценті барлық жағдайда 0,2 ге тең

б) 1 м/с² үдеумен.

6 ұпай

4. ПӘК-і 90% болатын су турбинасының пайдалы қуатын анықтау керек. Егер турбинаға түсетін судың жылдамдығы 6 м/с, ал одан шығатын судың жылдамдығы 1 м/с. Су деңгейлерінің айырмасы 4 метр. 1 секундтағы су шығыны 20 м³.

5 ұпай

Физика

11. Сынып

1. Массасы m ге тең болат құйманы судан қатаңдығы k болатын темір арқанмен судан a үдеумен көтергенде, темір арқан қаншаға созылады? Болаттың тығыздығы ρ₁, судың тығыздығы ρ₂. Судың кедергі күшін ескермеңдер.

4 ұпай

2. Массасы 3,6 тонна автомобиль 40 литр бензинмен қанша жол жүреді? Үйкеліс күші автомобиль салмағының 0,05 бөлігіне тең. Қозғалтқыштың пәк –і 18 %. Қозғалыс бірқалыпты. Бензиннің меншікті ж ану жылуы q=4,6*10⁷Дж/кг. Бензиннің тығыздығы 700кг/м³

5 ұпай

3. Электр қозғаушы күштері 1,6 және 1,3 В және ішкі кедергілері 1,0 және 0,5 Ом болатын екі ток көзі параллель жалғанған. Олардың ұштарындағы кедергісі R= 0,6 Ом резисторға қосылған . Барлық тармақтардағы ток күштерін анықта. Жалғағыш сымдардың кедергісін есепке алмаңдар.

5 ұпай

4. Орам саны 800 болатын өзекшесіз катушкада ток күші 2,5 А- ден 14,5 А- ге өзгергенде магнит ағыны 0,0024 Вб – ге артады. Егер ток күшінің өзгерісі 0,15 с ішінде өзгеретін болса өздік индукция ЭКҚ – нің орташа мәнін анықта. Ток күші 5 А болған кездегі катушкадағы магнит өрісінің энергиясын анықта.

6 ұпай

Физика

9 сынып

1.Бір-біріне қарама-қарсы қозғалып келе жатқан екі қайықтың біреуі ағыс бойымен, екіншісі ағысқа қарсы жүзгенде, әрбір 10 секунд ішінде ара қашықтықтары 20 метрге азаяды. Егер қайықтар алғашқы жылдамдықтарындай жылдамдықпен ағыс бойымен жүзсе, 10 секунд ішінде олардың ара қашықтықтары 10 м-ге артады. Суға қатысты қайықтардың жылдамдықтары қандай?

5 ұпай

2. Трактордың артқы екі дөңгелегінің ара қашықтығы 2 м. Осы ара қашықтықтың ортасындағы нүкте трактор бұрылған кезде радиусы 9.0 м болатын доғамен қозғалды. Бұл кезде ішкі дөңгелек 8,4 айналым жасаған болса, сыртқы дөңгелек қанша айналым жасайды? Дөңгелектер жолмен сырғанамайды деп есептеу керек.

5 ұпай

3.Көлік жолдың 2/3 бөлігін 60 км/сағ жылдамдықпен, ал жолдың қалған бөлігін 40 км/сағ жылдамдықпен жүрсе, көліктің орташа жылдамдығын табыңдар.

4 ұпай

4. 20⁰ С температурада суы бар ыдысқа температурасы 100 г мұз салынды. Ыдыста қандай температура орнайды? Суы бар ыдыстың  жылу сыйымдылығы 1.67 кДж/К. Мұздың меншікті жылу сыйымдылығы 2100 Дж/кгС, мұз еруінің меншікті жылуы  3.4 Дж/кг.

6 ұпай

«Абай атындағы гимназия мектеп» КММ

Физика пәнінен олимпиада тапсырмалары

Ұзынағаш, 2022