«Формуладан — форматқа: Сабақтың жаңа архитектурасы»

«Н.Бекбосынов атындағы Маңғыстау энергетикалық колледжі» МКҚК

(білім беру ұйымының атауы)

ШЕБЕР СЫНЫП ЖОСПАРЫ

Тақырыбы «Формуладан — форматқа: Сабақтың жаңа архитектурасы»

Педагог Саулебаева Гүлбаршын Қосқалиқызы дайындады

2026 жылғы « 14» 04

1. Жалпы мәліметтер

Түрі Шебер сынып

Қатысушылар Оқытушылар

2. Мақсаты, міндеттері

Оқытушыларды заманауи педагогикалық әдістер мен цифрлық құралдарды ұштастыра отырып, нәтижелі әрі интерактивті сабақ жоспарлауға баулу; ойын технологиялары арқылы кәсіби дағдыларын шыңдау. Педагогтардың кәсіби шеберлігін арттыру мақсатында өзара тәжірибе алмасу алаңын құру. Жас мамандарға әдістемелік қолдау көрсете отырып, ұстаздардың шығармашылық әлеуетін шыңдау және білім беру сапасын жаңа деңгейге көтеру.

3. Күтілетін нәтижелер

Оқытушылар арасында жаңа педагогикалық «архитектура» қалыптасып, сабақты жоспарлау мен өткізудегі креативті тәсілдер (квест-сабақтар, ойын технологиялары) жүйеленеді;

Блум таксономиясы мен белсенді оқыту әдістерін (Домино, Жалған/Ақиқат, Мозайка) практикада қолдану дағдылары бекиді;

Педагогтардың ІТ-құзыреттілігі артып, цифрлық платформаларды сабақтың әр кезеңінде тиімді пайдалану көрсеткіші жоғарылайды;

Оқытушылар арасындағы кәсіби байланыс нығайып, «ұстаз – ұстазға» қағидасы негізінде тәжірибелік-әдістемелік қор (Пайдалы пакеттер, жаднамалар) жинақталады.

4. Қажетті ресурстар

Интерактивті тақта, ноутбуктер, Блум таксономиясының деңгейлері жазылған карточкалар, «Педагогикалық домино» тақташалары, «Педагогикалық детектив» квестіне арналған конверттер мен тапсырмалар, маркерлер (түрлі-түсті).

1 –ӘДІС. «ПЕДАГОГИКАЛЫҚ ДЕТЕКТИВ: ИДЕАЛДЫ САБАҚ ІЗДЕУДЕ»

Аңыз: «Сіздер колледждің «Идеалды мұғалім» атты жабық архивінде қалып қойдыңыз. Есікті ашып, сабаққа үлгеру үшін педагогикалық шеберліктеріңізді пайдаланып, 3 құлыптың кодын табуларыңыз керек. Уақыт — 3 минут!»

1-кезең: «Блум таксономиясының коды» (Логикалық құлып)

Үстел үстінде Блум таксономиясының 6 деңгейі жазылған ретсіз карточкалар жатыр: Талдау, Білу, Жинақтау, Түсіну, Бағалау, Қолдану.

Тапсырма: «Осы деңгейлерді төменнен жоғары қарай дұрыс ретімен орналастырыңыз. Әр деңгейдің реттік нөмірі — кодтың бір бөлігі».

Дұрыс реттілік:

1. Білу код: 2

2. Түсіну код: 6

3. Қолдану код: 1

4. Талдау код: 3

5. Жинақтау код: 5

6. Бағалау код: 4

Код: Бірінші, үшінші және алтыншы деңгейлердің бастапқы әріптерін немесе сандарын біріктіру.

КІЛТ: Ретімен қойғанда 2, 6, 1, 3, 5, 4 болады. Тапсырма бойынша 2, 1, 4 сандары — бірінші код.

Бірінші код: 214

2-кезең: «Цифрлық мұғалім» (QR-құлып)

Бөлменің бір бұрышында 4 түрлі цифрлық құралдың логотипі мен сипаттамасы жатыр, бірақ олар шатасып кеткен.

Құралдар: Kahoot, Padlet, Plickers, Canva.

Тапсырма: «Интерактивті онлайн тақта қайсысы? Оның логотипінің астындағы санды табыңыз».

Шешімі: Қатысушылар Padlet-ті табуы керек. Оның артында немесе астында жасырылған сан — «90» (Колледждегі сабақ уақыты).

Екінші код: 90

3-кезең: «Топты басқару» (Ситуациялық құлып)

Үстелде конверт жатыр. Ішінде педагогикалық жағдаят (кейс) жазылған:

Жағдаят: «Студент сабақ кезінде телефон қарап отыр. Оқытушының ең дұрыс әрекеті қандай?»

1. Студенттің қолынан телефонды үстелге қоюды талап етіп, алып қою.

2. Студентке ескерту жасап, телефонды сабақ мақсатына (сөздік қарау, Quizizz) қолдануды ұсыну.

3. Студентке: «Телефон қарағанша, мына тапсырманы орында» деп қосымша жұмыс беру.

Тапсырма: «Ең тиімді жауаптың рет санын табыңыз».

Шешімі: Ең дұрыс жауап — 2-нұсқа.

Үшінші код: 2

4-кезең: «Әдістер мозайкасы»

Материал: Конверттің ішінде 4 қима қағаз бар. Онда сабақ кезеңдері мен соған сәйкес келетін әдістер жазылған.

Тапсырма: Әдісті өз кезеңіне дұрыс сәйкестендіріңіз. Әр дұрыс жұптың тұсындағы әріптерден сөз құралады.

1. Ұйымдастыру кезеңі — [ ] «INSERT» әдісі (Р)

2. Үй тапсырмасын тексеру — [ ] «Шаттық шеңбері» (К)

3. Жаңа тақырыпты меңгеру — [ ] «Блиц-турнир» (О)

4. Рефлексия — [ ] «Табыс сатысы» (С)

ШЕШІМІ: Ретімен қойғанда: 1-К, 2-О, 3-Р, 4-С. Пайда болған сөз: «КОРС».

Мәре: Басты құлыпты ашу

Барлық кодтарды біріктіргенде: 214 - 90 - 2 КОРС. Қатысушылар осы санды «Есіктегі құлыпқа» (немесе модераторға) айтады.

Жас мамандарға арналған «Пайдалы пакет» (Сыйлық):

Есік ашылғанда, оларға мынадай құралдар салынған конверт беріледі:

1. «Сабақтың 5 алтын әдісі» жаднамасы.

2. «Конфликтіні шешудің 3 жолы» парақшасы.

3. Пайдалы сайттар тізімі (Umaigra, Jeda ai, NotebookLM және т.б.).

2 –ӘДІС. «Педагогикалық домино»

Қатысушылар есікті ашып, «Пайдалы пакетке» қол жеткізгеннен кейін, алған білімдерін бекіту үшін «Педагогикалық домино» ойынын ойнады.

Ойын барысы: Барлық оқытушылар тізбекті үзбей, доминоны толық жинап шығуы тиіс. Домино тақташасының бір жағында сұрақ , екінші жағында басқа сұрақтың жауабы жазылған. Сұраққа сәйкес келетін жауапты тауып, карточканың жанына қояды. Домино тақташалары соңында шеңбер құралатындай немесе ұзын тізбек болатындай жүйеленіп, толық жиналуы тиіс. Бұл әдіс қатысушылардың ұжымдық жұмысын және терминдерді жылдам есте сақтауын тексереді.

3 –ӘДІС. «Ақиқат па, әлде жалған ба?»

Мастер-класстың ең соңғы нүктесі ретінде оқытушылардың зейінін тексеруге арналған жылдам ойын өткізілді.

Қорытынды сөз: «Құрметті әріптестер! Бүгін біз формуладан форматқа өтіп, сабақтың жаңа архитектурасын құрдық. Есіңізде болсын, идеалды сабақ — бұл тек технология емес, бұл сіздің шеберлігіңіз бен студенттің қызығушылығының үйлесімі!»