Бұл мақалада франкофония ұғымының мәні мен мазмұны, оның тілдік шеңберден шығып, әлемдік мәдениет пен халықаралық қатынастарға әсері жан-жақты қарастырылады. Француз тілі тек Францияда ғана емес, сондай-ақ Канада, Бельгия, Швейцария, Батыс және Орталық Африка елдерінде, Кариб бассейнінде де белсенді қолданысқа ие. Мақалада осы елдердегі тілдің рөлі, франкофон мәдениетінің ерекшеліктері, сондай-ақ франкофония ұйымының мақсаттары мен қызметі сараланады. Сонымен қатар, тіл арқылы мәдени ықпалдың таралуы, білім беру, БАҚ және дипломатия салаларындағы француз тілінің орны мен маңызы талданады.