Сабақтың тақырыбы: Гг дыбысы мен әрпі
Сабақтың мақсаты:
А) Білімділік: Гг дыбысы мен әріп таныстыру, дұрыс оқуға, дыбыстауға жаттықтыру.
Гг дыбысы бар сөздерді дұрыс оқыту, сөздерге дыбыстық талдау жасауға үйрету.
Гг дыбысын сөз ішінен табуға, г дыбысы арқылы сөздер табу, оқу, жазуға үйрету.
Ә) Дамытушылық: Оқушылардың сөздік қорын, есте сақтауын, шығармашылық қабілетін, жазу дағдыларын дамыту.
Б) Тәрбиелік: Ұқыптылыққа, сауаттылыққа. сауатты жазуға, адамгершілікке, ізденімпаздыққа тәрбиелеу. Сыйластыққа, әдептілікке тәрбиелеу.

Сабақтың түрі: Аралас сабақ
Сабақтың әдісі: Түсіндіру, сұрақ - жауап
Пән аралық байланыс: Еңбек, музыка, дүниетану.
Сабақтың көрнекілігі: кеспе әріп, суреттер, жеке суреттер, буындар
Сабақтың барысы:
І. Ұйымдастыру кезеңі:(тренинг)
Қуанамын мен де,
Қуанасың сен де.
Қуанайық достарым,
Арайлап атқан күнге.

ІІ. Үй тапсырмасын пысықтау.
Балалар, үйге не берілді?
«Кім кінәлі» өлеңін жатқа айту.
А) Ойын « Жапырақ теру»
- Қазір қай мезгіл?
- Күз мезгілі
- Күзде жапырақтар қалай өзгереді?
- Күзде жапырақтар сарғаяды, жерге түседі.
- Олай болса, біз сендермен орманға жапырақ теруге барамыз. Әр жапырақ ортасындағы сұрақтарға жауап беру.
1. Дауысты дыбыстарды ата?
2. Дауысты дыбыстар нешеге бөлінеді?
3. Дыбыс деген не?
4. Әріп деген не?
5. Ү қандай дыбыс?
Ә) «Кім тапқыр?» (ойын)
Тақтаға екі оқушы шығып үйрек, күшік - сөздерін жазып, дауысты, дауыссыз дыбыстардың астын сызу.(қызыл, көк бормен) үйрек, күшік.
Б) Өткен дыбыстарды жатқа айту.

ІІІ. Жаңа сабақ.
Қызығушылығын ояту
Жұмбақ шешу.
1) Жұпар исі еді,
Жайнап бақта өседі (гүл )
2) Газда бар, ауада жоқ.
Гүлде бар, жуада жоқ - бұл қандай әріп? (Гг)
Балалар, біз жаңа Гг әрпімен танысамыз
Тақтамен жұмыс
Гг - дыбысы мен әрпімен танысу
Гг - дауыссыз, ұяң дыбыс
Гг - баспа, жазба түрімен таныстыру
Суреттегі заттардың атауын атап, орнын анықтау, г дыбысының дауыссыз екенін аңғарту. Көк ұяшыққа енгізу
Суретпен жұмыс
(гүл, дәрігер, жүгері)
Оқулықпен жұмыс
«Гүл» сөзіне дыбыстық талдау жасау
Г - дауыссыз, ұяң
Ү - дауысты, жіңішке
Л - дауыссыз үнді
Сөйлем құрастыру
А) Сөздерді оқу, мағынасын ашу
Ә) Кеспе әріптермен жазу
Б) «Көгершін» өлеңін мәнерлеп оқу, мағынасын ашу
Көгершін не? (құс)
Көгершін - бейбітшілік құсы
Сергіту сәті.
Орнымыздан тұрайық,
Көгершінге ұқсайық.
Көгершін боп ұшып ап,
Кәне, қанат қағайық.
Орнымызды табайық
Әдемі етіп жазайық.
А) Тақтамен жұмыс
Ә) Ауда салу
Баспа, жазба түрін ажыратып түсіндіру
Дәптермен жұмыс
Дәптерімізді ашайық,
Қолға қалам алайық
Салақтықтан қашайық,
Әдемі етіп жазайық
Тізбектеп оқу
Сабақты бекіту
«Кім шапшаң?» (ойын)
Гг дыбысы бар сөздер ойлап табу

(Ойын) «Қатемді тап»
Қате жазылған сөздерді мұғалім тақтаға іледі?
Сеғіз, мерғен, ғұл
(сегіз, мерген, гүл)
Балалар, тақтаға шығып, түзеп жазады
Топтастыру
Гг әрпі дыбысы - шұғыл, тіл арқылы, дауыссыз, ұяң, ортасында, басында.
Бағалау:
Үйге тапсырма: Гг әрпін оқу, жазу.

Тақырыбы: Г дыбысы мен әрпі
Мақсаты: 1. Г дыбысы мен әрпін таныстыру және Г дыбысы бар сөздерді оқи білу дағдысын қалыптастыру.
2. Сөздердің мағынасын түсіндіру арқылы оқушылардың сөздік қорын молайту.
3. Г әрпінің ережесін сақтай отырып, таза, ұқыпты жазуға баулу.
Сабақтың әдісі: Сұрақ - жауап, ойын элементтерін пайдалану.
Көрнекілігі: Кеспе әріптер, суреттер.
Сабақтың барысы:
І. Ұйымдастыру кезеңі. Психологиялық дайындық.
Сыныбымыз тап таза, борда дайын тақтада.
Денемізді жинақтап, отырайық партаға.

ІІ. Үй тапсырмасын тексеру.
- Балалар өткен сабақта қандай дыбысты өттік?
- Ү қандай дыбыс?
/үкі, үйрек суреттерін іліп буындық, дыбыстық талдау жасау/
- Әріптерден не құралады?
- Сөзден не құралады?
Олай болса мына суреттерге қарап сөйлем құрастырайық. /үкі, үйрек/
- Кім кінәлі? Жатқа айту
- Рөлге бөліп ойнату

ІІІ. Жаңа сабақ. /жұмбақ жасыру/
Аналарға сыйлайтын, аралар бал жинайтын.
Үзуге адам қимайтын. 
Бұл немене, балалар? 
Балаларға хормен айтқызу – Гүл
- Ең бірінші қандай дыбыс естіледі?
Олай болса бүгінгі сабағымыздың тақырыбы «Г дыбысы мен әрпі»
- Г дауыссыз дыбыс, тіл арқылы жасалады, шұғыл айтылады
Г хормен айтқызу
- Г - дан басталатын сөздер айтқызу
- Г дыбысы сөздің басында, ортасында келеді

ІҮ. Ойын «Қол шапалақтау»
Шарты; Егер айтылған сөздің ішінде Г дыбысы болса, қол шапалақтаймыз
Жоқ болса шапалақтамаймыз
Көгершін, көбелек, бәйге, тай, гүл, балапан, газет, мысық, шеге, бүлдірген.

Ү Бағандағы сөздермен жұмыс
Сергіту сәті
Қане қанат жазайық,
Құс боп көкке ұшайық.
Ұшып - ұшып алайық,
Орнымызға қонайық.

ҮІ. Дәптермен жұмыс
Гг әрпін үлгі бойынша жазу.
ҮІІ. Оқулықпен жұмыс
Ақ көгершін / түсіндіру/
Әнін хормен айту.
ҮІІІ. «Буыннан сөз құрау» ойыны
Ше - та
Ма - ла
Да - ге
Қа - на
Ша - ла
ІХ. Қорытынды
Х. Үйге тапсырма «Ақ көгершін» жаттау
Үлгідегі сөздерді жазу.
ХІ Оқушыларды мадақтап, гүлмен бағалау.

Сауат ашу
Сабақтың тақырыбы: Г дыбысы мен әрпі
Сабақтың мақсаты: Оқушыларға Г г дыбысын таныту. Г дыбысы бар сөздерді дұрыс оқыту, дыбыстық талдау жасауға үйрету, оқушылардың тілін, шығармашылық қабілеттерін дамыту, көркем жазу дағдыларын қалыптастыру. Әсемдікке, табиғатты сүюге тәрбиелеу.
Түрі: Аралас сабақ.
Әдісі: Ойын, суреттер, талдау.
Пәнаралық байланыс: Музыка, дүниетану
Көрнекілігі: Кеспе әріптер, суреттер, буындар, интер тақта

Сабақтың барысы: I Ұйымдастыру кезеңі
Психологиялық дайындық
Ой – жүйрік, тіл шебер
Танытса шындықты
Мәнді ойды тілмен бер,
Сөз тауып ұқыпты.
1 сл. Қайталау - білім анасы

II Үй тапсырмасын сұрау
1) Өткен сабақтағы өлеңді мәнерлеп оқыту.
(Кім кінәлі өлеңі)
2) Өлең мазмұнымен жұмыс
а) Өлеңдегі балалардың атын жазу
ә) Кінәлі кім? (Елемес)
б) Елеместің әрекеті дұрыс па?

3) Өткен сабақты қорытындылау.
− Өткен сабақта қандай әріппен таныстық? − Ү ү
− ол қандай дыбыс? − Дауысты, жіңішке
2 сл. 1. «Дыбыс және әріп» кестемен жұмыс.

Сөздер ----------- Дыбыс саны ---------- Әріп саны
көже
сән
әке
шана

2. «Адасқан буындар» ойыны.
түл ----- рек
жү ------ кі
түй ----- ше
күл ----- ме

буыннан сөз, сөзден сөйлем құрау, тақтаға жазу.
3сл. Оқимыз, үйренеміз, білеміз.

III. Жаңа сабақ. «Г г» дыбысы мен әрпі.
1. Жұмбақ шешу.
Қыр басында әрқилы,
Сары теңіз толқиды.
(егін)
Түскенде салқын күз,
Жинадық алтын тіс.
(жүгері)
Егін, жүгері сөздерін буынға бөлу.
е - гін, жү - ге - рі
екінші буында қандай дыбыс естіліп тұр? Г г
Г г дыбысымен таныстыру.
Г - дауыссыз дыбыс. Ғ дыбысына ұқсас.
г - жіңішке, ғ - жуан, ұяң.

4сл. Алдына буын қосу арқылы кісі атын құрап жазу.
.... гүл
.... 
.... 
5сл. Күш білімде, білім кітапта.

IV Оқулықпен жұмыс
а) Гүл сөзіне дыбыстық талдау жасату.
ә) Бағандағы сөздерді оқыту. Мағынасын түсіндіру.

6сл.
V «Ақ көгершін» өлеңі
а) Өлеңді мәнерлеп оқып беру.
ә) Оқушыларға оқыту
2. Өлеңмен жұмыс
а) Өлеңге А. Жұбанов ән жазғандығы туралы, көгершін ерекшелігіне тоқталу.
ә) көгершін сөзін буынға бөліп, дыбыстық талдау жасау.
7сл
VI Сергіту сәті
«Ақ көгершін» әнін тыңдап, билеп бойды сергіту.
8сл.
VII Қолға қалам алайық,
Көркем етіп жазайық.
Дәптермен жұмыс.
1. Жазу жолындағы әріптерді жазу.
2. Буындық диктант.
та, га, са, ра, ге, гіз.

9сл. Білімнің бәрін меңгерсек
Білімпаздық бізге тең келмек.

VIII. 1. «Г әрпі бар сөздерді үйге орналастыр»
Киіз үй - неге, бақыт, егін, кереге, сағат, құс, егіз, жүгері
2. Бағалау.
Үйге: Өлеңді жаттап, бағандағы сөздерді оқып келу.

Сабақтың тақырыбы: Г дыбысы мен әрпі
Сабақтың мақсаты:
Білімділігі: Г дыбысы мен әрпін таныстыру; г әрпі бар сөздерді дұрыс оқыту, сөздерге дыбыстық талдау жасауға үйрету.
Дамытушылығы: Г дыбысын білдіру арқылы оқушылардың тіл байлығын, ой - өрісін, есте сақтау қабілеттерін дамыту.
Тәрбиелілігі: Ұқыптылыққа, жинақтылыққа, тиянақтылыққа тәрбиелеу.
Сабақтың түрі: Жаңа сабақ.
Әдіс - тәсілдері: әңгімелеу, түсіндіру, сұрақ - жауап.
Көрнекілігі: суреттер, буындар, сөздер, көгершін макеті, үнтаспа, кеспе әріптер.

Сабақтың барысы: 1. Ұйымдастыру.
Оқушылардың сабаққа қатысын тексеру.
Сабаққа зейіндерін аударту.
Психологиялық дайындық
Аспан түрді түндігін,
Жерге сәуле жайылды.
Неткен ашық күн бүгін.
Қайырлы күн, қайырлы!

2. Үй тапсырмасын пысықтау.
«Кім кінәлі» өлеңін жатқа сұрау( 2 - 3 оқушы)
1. Өткен сабақта қандай әріппен таныстық?
2. Баспа түрінен және жазба түрінен кім көрсетеді?
3. Ү дыбысының жазба түріндегі бас әрпін, кіші әрпін кім көрсетеді?
4. Үкі деген сөзді кім жазып көрсетеді?
5. Үкі деген сөзде неше дыбыс бар?
6. Үкі деген сөз бе, сөйлем бе?
7. Ү қандай дыбыс?
- Балалар, сұрақ - жауап арқылы нені құрастырдық?
- Гүл құрастырдық.
- Барлығың гүл деп айтып көрейікші. Гүл деген сөз бе, сөйлем бе?
- Гүл сөзінде неше дыбыс бар?
- Гүл деген сөзде бірінші қандай дыбыс естіліп тұр?

3. Жаңа сабақ
Балалар, олай болса біз бүгін «Гүл» дегенде келетін Г дыбысымен танысамыз. «Г» дыбысы мен әрпін көрсету. «Г» әрпінің баспа және жазба түрімен таныстыру.
Бағандағы сөздердің мағыналарын түсіндіре отырып, хормен буынға бөліп оқыту. Слайд арқылы суреттерін көрсету.

Сергіту сәті:
Шаршағанда ырғалып,
Гүлге ұқсап демалам.
Қанатымды бір қағып,
Гүлдей болып жайқалам.

Оқулықпен жұмыс кезеңі
«Г» дыбысына берілген бағандағы сөздерді оқушыларға буындатып оқыту.
- Г дыбысы бар буындарды теріп оқыту.
«Ақ көгершін»өлеңін бір оқушыға мәнерлеп оқыту. Мағынасына тоқталып өту.

Дәптермен жұмыс кезеңі
- Г әрпінің элементтерімен таныстыру.
- Ауада жазып көрсету.
- Тақтаға үлгі көрсету.

4. Сабақты қорыту
1 - қатар «Жоқ буынды тап» ойыны Ше..., өшір..., іл..., ір..., бәй.... 2 - қатар «Сөздерде неше буын бар» ойыны Шегіртке, бәйге, Құлагер, ілгіш, гүл.
3 - қатар «Буындардан сөз құра» ойыны
Әң, гі, ір, ге, ме, жі, гер, шін, кө.

«Ақ көгершін» әнін айтып сабақты қорыту
Оқушыларды мадақтау.
Үйге тапсырма: «Г дыбысы мен әрпін оқу».