Ғажайып алаң

Музыка пәнінен сабақтан тыс іс-шара

«Ғажайып алаң»

Тақырыбы:

Мақсаты: Музыкаға деген қабілеттерін, ұлттық өнер негізінде шығармашылық ойлауын дамыту.

Көрнекі – құралдар:

1. Ойын алаңы.

2. Айналдырғыш барабан.

3. Екі қобдиша.

4. Слайдтар.

5. Жеңімпаздарға сыйлық, марапаттау қағаздары.

Ойын жоспары:

1. Жүргізушінің сөзі.

2. Ғажайып алаң ойынының шартымен таныстыру.

3. Әр турдың үштік ойыншыларымен таныстыру, олардың ішінен ойы ұшқыр, жеңімпазды табу.

4. Олардың ішінен финалда нағыз жеңімпазды таңдау, онымен супер ойынды ойнау.

Жүргізуші: Құрметті көрермендер! «Ғажайып алаң» ойынымызды бастағалы отырмыз. Тақырыбы: 

Ендеше құрметті көрермендер, әділқазы алқасымен таныстырып өтейін.

__________________________________________

__________________________________________

__________________________________________

Ойынның шарты:

1. Ойында бір – бірлеріңізге көмектесуге болмайды.

2. Ұпайларыңызды әділқазы алқасы санайды.

3. Барабанды айналдырғанда, айтқан әріпіңіз дәл келмеген жағдайда ойын келесі ойыншы жалғастырады.

4. Егер ойыншы ойында бірден үш сұраққа дұрыс жауап берген жағдайда, оған сыйлық беріледі.

5. Ойын барысында барабанды тек бір рет қана айналдырамыз.

6. «П» -СЫЙЛЫҚ – ойыншы сыйлықты таңдап, ойынды тоқтатуына болады. Алайда сыйлығымыз қара қобдишаның ішінде жасырылған. Сыйлық үшін қобдишаның ішіндегі затқа саудаласады.

7. «+» - ҚОСУ – ойыншы жасырылған сөздің кез келгенін ашуға мүмкіндік алады.

8. «Б» - банкротқа түскен жағдайда ойыншының бар ұпайы күйіп кетеді.

9. «О» – 0 ұпай алған кезде ойыншы келесі ойыншыға кезегін береді.

10. Ойын 3 турдан тұрады, оның ішінен 3 жеңімпаз анықталады, ол 3 жеңімпаздың ішінен «Нағыз» жеңімпазды соңғы мәреге ойынына және супер ойынға өз қалауы бойынша шақырамыз.

Жүргізуші:

Құр айқай бақырған
Құлаққа ән бе екен?
Өнерсіз шатылған,
Кісіге сән бе екен?- деп бүгінгі ойынымызды бастауға рұқсат

етіңіздер.

1 тур. Бізде қазір іріктеу комиссиясынан өтіп, осы ойынымызға жолдама алған оқушыларымыз бен мұғалімдеріміздің бірінші үштігін ортаға шақырамыз.

Сәлемдесу – игі дәстүр киелі,

Сөзбен қарап, кейде шешер шиені.

Жақсы сөзге жан семірер қашанда

Жолданады сайыскерлер сәлемі.

Бірінші үштікке сұрақ:

• Алғашқы театр сахнасында қойылған пьеса

Жауабы: М.Әуезовтің «Еңлік - Кебек»

2 тур. Екінші үштік ойыншыны алдыға шақырамыз.

Шындап тұрған шынардай арманы бар,

Өнерлерін көрсетсін ұл мен қыздар.

«Өнерпаз болсаң» кезеңіне келіп жеттік,

Ойлантып отырғанды таң қалдырар, - деп келесі 2 турымызды бастайық.

Ойнайық, ойлайықта ойнайық!

Қатардан артта қылып қоймайық,

Белсенді болайық ортада

Уақытты тектен текке жоймайық!

Екінші үштікке сұрақ:

Сыдық Мұхамеджановтың ораториясы

Жауабы:  «Ғасырлар үні»

3 тур.Үшінші үштік ойыншыны алдыға шақырамыз.

Білімді ұрпақ – еліміздің тірегі!

Жер бетінде адам өмір өткізер,

Бар нәрсеге біліммен қол жеткізер.

Бар ізгілік тек білімнен алынар,

Білімменен аспанға жол салынар

Үшінші үштікке сұрақ:

• Аттас дыбыстар аралығы

Жауабы:

Октава

Жүргізуші: Финалға үш турдан жеңіп шыққан 3 жеңімпазымыз шақырамыз.

Соңғы мәре ойыны

«Біреу озса сайыста, біреу артта қалады,

Ренжімей тараса, озбағандар жарады.

Жарыс заңы ежелден – жеңімпазды анықтау,

Озат болу шарты сол – еңбектену, жалықпау.»

Сұрақ:

• Қазақтың халық аспаптар оркестрін алғаш құрған

Жауабы: Ахмет Жұбанов

Жүргізуші: Финалда 3 жеңімпаздың 1 – еуі ғана жеңіп шығады. Ал қасындағы 2 кісіге сыйлық беріп, сахнадан шығарып саламыз. Соңғы мәреде жеңімпаз ойыншыға екі жол беріледі.

1. Супер ойынға қатысады.

2. Не сыйлығын алып, ойыннан шығып кетеді.

Супер ойын :

Жүргізушінің берген сұрағына 1 минуттың ішінде дұрыс жауап берсе, ұпайы екі еселенеді. Ал дұрыс жауабын бере алмаған жағдайда барабанды айналдыру арқылы бір әріптен табады.

• Бір әуенді бірнеше дауыстардың қайталау ережесі

Жауабы: Канон

Жеңімпаздарға сыйлық беріліп, марапатталады..

Құрметті көрермендер! Бүгінгі «Ғажайып алаң» атты сыныптан тыс жұмысымыз өз мәресіне жетті. Қатысып қолдау көрсеткендеріңізге көптен-көп рахмет айтамыз.