«Ғажайып грамматика»

Астана қаласы білім басқармасы

Тақырыбы: «Ғажайып грамматика»

3-сыныпқа арналған оқыту бағдарламасы

Орындаған: №14 мектеп-гимназияның

бастауыш сынып мұғалімі:

Шуленбаева Г.С.

Астана 2018 ж

Түсінік хат

Мәдениетті сөйлей білу адамның жан дүниесінің әдемілігін көрсетеді. Ал сауатты жазу – білімділіктің көрінісі. Мәдениеттілік пен білім адамға ана тілі арқылы дариды.

Оқушылардың қазақ тілі пәніне деген қызығушылығын арттыру мақсатында сыныптан тыс жұмыстардың маңызы зор. Сыныптан тыс жұмыстарды жүйелі өткізу оқушылардың практикалық дағдысын дамытып, олардың шығармашылық қабілеттерін арттырады. Оқушылардың қызығушылығын арттыру үшін әр сабақты қосымша қызықты материалдармен толықтырып, әдіс-тәсілдері өзгертіп отырған тиімді. «Ғажайып грамматика» дәптеріндегі тапсырмалар жай ғана көшіру, сызу емес, шығармашылық әрекет арқылы жасалатын өздік жұмыстар. Осы дәптердегі тапсырмалар оқушылардың ой-өрісін кеңейтуге, естігенін жадында бекітуге, көре білуге үйренуге, байқағыштыққа, білімін тиянақтап отыруға, қиялдауға, ізденуге үйретеді.

Бағдарламалық талаптарға сай білім-білік дағдыларын қалыптастыру, каллиграфиялық талаптарға сай сауатты, көркем жазу дағдыларын жетілдіру; қазақ тілі салалары бойынша білім-білік дағдыларын тереңдету; сөздік қорларын молайту; ақыл –ойды, зейінін, қиялдарын дамыту жүзеге асырылады.

Бағдарламада жұмбақтар, ребус, бейнелі жазу, сызба жасау, талдау, сахналау, ұқсас тапсырмаларды жасау, ұйқастар іздеу, мысал, ертегілер, жазу сияқты сан алуан тапсырмалар бар. Осы тапсырмаларды орындау барысында бағдарламаны оқып біліп, нәтижесінде оқушылар естуі бойынша сауатты, көркем жаза білуі, грамматикалық және шығармашылық тапсырмаларды орындай алуы, сөз мағынасын аша алуы тиіс.

Бұл курс оқушылардың келешекте қазақ тілінен білім дәрежесі жоғары болуына, терең және тиянақты білім алуына, қазақ тілін қызыға оқуына көмектеседі. Қазақ тілінен алған білімдерін бекітіп, тиянақтай түседі. Бұл бағдарлама аптасына бір рет, барлығы – 34 сағатқа жоспарланған.

Осы талаптарды орындауында басты мәселе келешекте сауатты ұрпақты тәрбиелеу «Білім көзі-бастауышта» демекші бастауыш сатысынан басталады десек шатаспаған болар едік.

Бұл бағдарлама аптасына бір рет, барлығы-34 сағатқа жоспарланған.

Мақсаты мен міндеті

Мақсаты:

- Оқу және жазу дағдылары қалыптасқан, алғашқы тілдік мағлұматтарды, сөйлеу әрекетінің барлық түрлерін меңгерген, алған тілдік білімдерін өмір жағдайларында қолдана білетін жеке тұлғаның қалыптасуы мен дамуына мүмкіндік жасау.

Міндеті:

1. Дұрыс, түсініп және мәнерлеп оқу, жазу дағдыларын қалыптастыру.

2. Сөйлеу әрекетінің түрлерін меңгерту және сөйлеу жанрларын әртүрлі жағдайларда қолдана білуге уйрету.

3.Өздігінен мәтін құру, өз ойларын ауызша және жазбаша еркін жеткізе білу дағдыларын жетілдіру.

4.Оқушының бойында адами құндылықтарды: қарапайымдылыққа, сүйіспеншілікті, елжандылықты, имандылықты дамыту.

Әдістері мен түрлері: көрнекілік, сұрақ-жауап, ойын

Оқыту түрлері: топпен, жеке.

Күтілетін нәтиже: -сөзге толық дыбыстық талдау жасау;

- әңгімелеу және мәтін құрастыра білу;

-пікір айту, өз ойын дәлелдей білу:

-Өз беттерінше жеке жұмыстарды орындау

-Оқу және жазу дағдысын қалыптасқан оқушы

Бағдарлама

Пайдаланатын оқулықтар тізімі:

1. Қазақ тілі оқыту әдістемесі «Атамұра» баспасы, 2011 жыл Г.И.Уәйісова, Ә.Е.Жұмабаева

2. Қызықты грамматика Алматыкітап баспасы 2012ж З. Муфтибекова, Ж.Б. Шакиева

3. Оқу құралы Дайындауыш З.А., Ш.С.Қуанышбаева.