Ғажайып математика

№46 «Балбұлақ» бөбекжай

Тақырыбы: «Ғажайып математика»

Дайындаған тәрбиеші: Даулетбаева Н.Қ

Ақтау 2025ж

Мақсаты: Қазақ халқының ұлттық құндылығымызды дәріптей отырып, балалардың қарапайым математикалық ұғымдарын қалыптастыру. 1-5 дейін санап, реттік сандарды атай білуге дағдыландыру. Геометриялық фигуралар туралы балалардың түсініктерін бекіту: геометриялық фигураларды ажырата білу, оларды қасиеттері бойынша (түсі, пішіні және көлемі) Ұлттық ойындар арқылы ойлау қабілеттерін қалыптастыру, талдау жасай білуге үйрету.

Кейіпкер: Алдар көсе

Қажетті көрнекіліктер:  Көрпеше, геометриялық пішіндер, асықтар, теңгелер, аттар

Тәрбиеші: Сәлеметсіңдер ме? балалар! Қалдарың қалай?

Балалар: жақсы

Тәрбиеші: Жақсы, ендеше ұйымдастырған іс-әрекетімізді жақсы сөздермен бастайық.

Шаттық шеңбері

Кел балалар күлейік,

Күлкіменен түлейік.

Қабақ түйген не керек? .

Көңілді болып жүрейік. Есектің тұқайы музыкасы

Сұрақ жауап

«Мен Алдармын» музыкасы ойналады.

Мен Алдармын, Алдармын,

Досымын адал жандардың

Қоржыным толы тақия

Балаларға арнадым.

Алдар көсе: Сәлеметсіңдер ме? балақайлар!

Тәрбиеші: Сәлеметсің бе? Алдар көсе. Сен біздің балаларды алдау үшін келдің бе?

Алдар көсе: Жоооқ, мен сіздердің білімдеріңізді тексеруге келдім. Менің қапшығымда көптеген теңгелер мен асықтар бар. Мен сендерге ойын мен тапсырмалар ала келдім.

Тәрбиеші: Жарайды, біздің балалар тапсырмаларды орындауға әзір.

Ендеше, төстеріңдегі белгінің көмегімен екі топқа бөлініңдер.

(Балалардың төсінде асықтардың суреттері бейджикке тағылған) Үстел үстінде асықтардың суреттері орналасқан. Әр бала бейджиктеріндегі суретке сәйкес орындарын табады.

№1 тапсырма

«Сандарды ретіне қарай орналастыр» , «Көршісін тап» .

Шарты: Қапшықтардың ішіндегі араласқан сандарды, 1 ші топ тура , 2 ші топ кері орнына санап орналастыру керек.

№2 тапсырма

Ойын «Арқан тартыс»

Шарты: Балалар үстел үстінде білімдері арқылы арқан тартысады. Әр ұяшықтағы сұрақтарға жауап береді.

Тәрбиеші: Жарайсыңдар, балалар. Енді бір серігіп алайық .

Сергіту сәті

Әуенді ырғақты жаттығу.

№3 тапсырма

Алдар көсе: Балалар, менімен бірге «Асықтарды қандай түсті және нешеу?»

ойынын ойнайық. Менімен бірге үстелдің жанына келіңдер. Үстел үстінде не көріп тұрсыңдар?

Балалар: асықтарды, құмды көріп тұрмыз.

Алдар көсе: Балалар, дұрыс. Ендеше құмның үстіндегі асықтарды санап алыңдар, түсін атаңдар.

Балалар құмның үстінен 5 асықты жинап алады, санайды, түстерін атайды.

Алдар көсе: Балалар, қанша асық жинап алдыңдар?

Балалар: 5 асық жинап алдық.

Алдар көсе: жинаған асықтардан геометриялық пішіндерді салуымыз керек.

Тәрбиеші: Жарайсыңдар, балалар. Балалар топырақтың астында бір зат бар сияқты, қараңдаршы.

Балалар құмның астынан геометриялық фигураларды көреді.

Алдар көсе: Балалар, мен сендерге капшығымнан бес-бестен асықтар берейін, сендер сол асықтардан кілем үстіне көрген пішіндеріңді құрастырып беріңіздер.

Балалар асықтан геометриялық фигураларды үстел үстіне құрастырады, пішіндерді атайды.

Алдар көсе: Жарайсыңдар, балалар менің жолға аттанатын уақытымда келіп қалды. Сау болыңдар.

Балалар қоштасады.

Тәрбиеші: -Балалар, Алдар көсенің ойыны ұнадыма ма?

-Алдарды жиі көргілерің келе ме?

-Қандай ұлттық ойынды ойнадық?