Тақырыбы: Ғажайып математика

Мақсаты: Оқушылардың математикалық мәдениетін, шығармашылық қабілетін , есеп шығарудың тиімді тәсілдерін таба білу, есептеу дағдыларын қалыптастыру, математика пәнінің өмірдегі маңызын, оқушының өзіне-өзі сенімділігін, ұжымдық қарым-қатынасқа, жолдастыққа, жауапкершілікке, адалдыққа тәрбиелеу. Ойын арқылы сыныпта алған білімдерін тереңдете түсу, есте сақтау қабілеттерін, ой-өрістерін дамыту

Құрметті ұстаздар мен оқушылар 3-4 сынып оқушыларының «Ғажайып математика» интеллектуалды сайысына қош келдіңіздер!

Білім мен тәнті етеді тектілер,

Мұратына білім қалды жеткізер.

Бар ізгілік тек біліммен алынар,

Білімменен аспанға жол салынар. – дей келе «Ғажайып математика» ойынын бастайық.

Достық пен бірлікті етіп тұлға,

Жеңіске жеткен едің талай сында.

Қара қылды қақ жарып әділ қазым,

Еңбегін тапқырлардың әділ сына – деп әділ қазы алқаларын сайлап алайық.

Сонымен бүгінгі сайысымыздың әділ қазылар мүшелерімен таныс болдыңыздар. «Ақыл – арымас, алтын - шірімес» дегендей бүгінгі ойында сендерге тек қана сәттілік тілеймін.

Сонымен сайысымызды бастайық.

І кезең «Таныстыру»

ІІ кезең «Білгенге маржан»

Бұл кезеңнің шарты асық таңдап алу (1 минут ішінде лезде жауап беру керек)

1. Көбейтудің компоненттерін ата

2. 48-дің 6-ға бөліндісі(8)

3. Ең кіші екі таңбалы сан(10)

4. Ұзындық өлшем бірліктерін ата(мм.см,дм,км)

5. Көлемді қалай табамыз?(ұзындығын, енін, биіктігін көбейтеміз)

6. Жылдамдықты қалай табамыз?(қашықтықты уақытқа бөлеміз)

7. Уақытты қалай табамыз?(қашықтықты жылдамдыққа бөлеміз)

8. Ең үлкен үш таңбалы сан(999)

9. Бөлудің компонентін ата

10. Масса өлшем бірліктерін ата(гр, кг, ц,т)

11. Ең үлкен екі таңбалы сан(99)

12. Ауылда 3 күн, 3 түн боран соқты. Неше тәулік боран болды?(3тәулік)

13. Таразы табақшасына 2 аяғымен тұрғанда тырна 2 кг болды. Бір аяғымен тұрса, онда оның массасы қандай болады?(2кг)

14. 5 пен 7-нің көбейтіндісі нешеге тең?(35)

ІІІ тур «Логикалық есеп»

Мәңгі бақи есте қалар,

Қызықты бір ойын болсын.

Білімдірек топ озар,

Сұрақтары қиын болсын.

1-топқа сұрақтар

- Кесіндіні 4-ке бөлу үшін неше рет кесемін?(3)

- 3 –ті 4 рет қоссаң қанша болады?

- Шаршының сол жағында үшбұрыш, оң жағында дөңгелек. Шаршы қай жерде орналасқан?(ортада)

- Бір жанұяның 5 ұл баласы және әрқайсысының біреуден қарындасы бар. Жанұяда неше бала?(6)

- Анасы қалтадағы 3 алманы 3 баласына бөліп берді. Сонда қалтада 1 алма тұрды. Ол қалай?(1 алманы қалтасымен берді)

2-топқа сұрақтар

- Ұзындығы 20 см жіпті қақ ортасынан бөлсек әр бөлігі қанша болады?(10см)

- 15-тен 2 рет 3-ті азайтсақ қанша шығады?(9)

- Қандай санның жазылуында қанша әріп болса, сонша цифр бар?(он)

- Асан мектепке қарай бара жатты. Алдынан әкесі, анасы, қарындасы кездесті. Неше адам мектепке бара жатыр?(1)

- Мен екі сан ойладым. Ол сандарды бір біріне қосқанда 6 шықты. Ол сандарды бір-бірінен азайтып едім тағы да 6 шықты. Ол қандай сандар?(6,0)

Сергіту сәті «Суретке қарап мақал-мәтелді тап»

(бейнеролик)

ІV тур «Конструктор»

Мықты болсаң – алдағыны басып оз,

Мықты болсаң – арттағыны жеткізбе.

Мықты болсаң – тайғанама көк мұзда!

Мықты болсаң – мыналарды құрып көр!

Берілген геометриялық фигуралардан өз қиялдарына байланысты бір нәрсе құру.

V тур «Ұшқыр ой»

1-ден 9-ға дейінгі сандарды жазыңдар. Енді сол сандардың орнын ауыстырмай, мәні 99 шығатындай + амалын қойып шығыңдар. Орны ауыпаған қалыпта екі таңбалы сан қолдануға болады.

1 2 3 4 5 6 7 8 9=12+3+4+56+7+8+9=99 немесе 1+2+3+4+5+67+8+9

VІ тур «Кім жылдам?» Жаңылмастан айтып көр! Математикалық жаңылтпаш

Кім сызғышсыз?

Біз сызғышсызбыз!

Сызғышсыздарға,

Сызғышсыз сызғыз

Айқыш бұрыш, айқыш бұрыш

Тең-тең бұрыш, тұтас бұрыш

Тұстас бұрыш,тұстас бұрыш

Сәйкес бұрыш, құрған бұрыш

Қорытынды.

Сонау- сонау алысқа, жүзсін десең кемелер

Тылсым-сырлы ғарышқа, ұшсын десең денелер,

Жасау үшін бәрің де

Математика –

Ең маңызды ғылым бұл

Сондықтан да, сондықтан да сол ғылымның тілін біл

Сөз кезегін әділ қазыларға береміз.