Бөлім:

2. Картография және географиялық деректер базасы

Педагогтің аты-жөні:

Ертаева Ш

Күні:24.09.25 ж

Сыныбы: 7 В

Қатысушылар саны: Қатыспағандар саны:

Сабақтың тақырыбы:

Географиялық номенклатура

Оқу бағдарламасына сәйкес оқу мақсаты

7.2.1.2- географиялық номенклатура нысандарын картадан көрсетеді

Сабақтың мақсаты:

Барлық оқушылар үшін:

Географиялық номенклатура нысандарын картадан көрсете алады.

Көпшілік оқушылар үшін:

Географиялық нысан мен географиялық атауларды ажырата алады.

Кейбір оқушылар үшін:Географиялық номенклатурамен жұмыс жасай алады.

Құндылықтарға баулу:

«Мәңгілік ел» жалпыұлттық идеясы бойынша «Жалпыға бірдей еңбек қоғамы» құндылығына баулу. Бұл арқылы оқушыларда шығармашылық және сын тұрғысынан ойлауы, функционалдық сауаттылығы, қарым-қатынас жасау қабілеті мен жауапкершілігі артады.

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

Қызығушылықты ояту.

7 мин.

(Ұ). Ұйымдастыру кезеңі:

1. Оқушылармен амандасу, түгендеу.

2. Ынтымақтастық атмосферасын қалыптастыруда шаттық шеңбері жүзеге асырылады.

3. Оқушыларды топтарға біріктіру.

Әр оқушы қима қағаздарды таңдау арқылы ұқсас құралдармен 3 топқа бірігеді.

Мақсаты: Оқушылар бір-біріне тілек білдіреді, тыңдау дағдыларын дамытуға бағытталады, сондай-ақ барлық оқушылардың қатыстырылуы арқылы сабаққа белсенділігі артады.Тиімділігі: Оқушылар бір-біріне тілек айту арқылы жақындасады, көңіл-күйін көтереді және бауырмалдығын оятады. Саралау: Бұл жерде саралаудың «Жіктеу» тәсілі көрінеді. Оқушылардың оқуға деген қызығушылығын арттыру мақсатында мүмкіндігінше оларға таңдау еркіндігі беріледі.

Оқулық, жұмыс дәптерлері

Атластар

Жаңа сабаққа кіріспе

(Ұ) «Миға шабуыл» әдісі арқылы өткен тақырыппен жаңа сабақты байланыстыру мақсатында ой қозғау сұрақтарын ұжымдық талқылау. Бір-біріне сұрақтар қояды. Сыныптастырының пікірін толықтырады.

Өз ойымен бөліседі.

Оқушылар сұрақтарға жауап беріп, өзара ұжымдық талқылау жасағаннан кейін мұғалім оқушыларға сабақтың тақырыбы, мақсатымен таныстырады.

Географиялық номенклатура дегенді қалай түсінесің?

Географиялық нысан дегенді қалай түсінесің?

Географиялық атауларды қалай түсінесің?Топографиялық карта мен географиялық картаны салыстыру жасалады. Дәптермен жұмыс анықтамасын жазады.

Мақсаты: Жылдам әрі функционалды түрде сыни ойлануды дамыту.

Тиімділігі: оқушының танымдық дағдысы артады. Сонымен қатар оқушыға сабақтың өмірмен байланысын көрсетеді және сабақтың тақырыбы мен мақсатын анықтауға мүмкіндік береді.

Саралау: Бұл жерде саралаудың «Диалог және қолдау көрсету» тәсілі көрінеді. Дұрыс мағынада жауап беруге бағыттау мақсатында кейбір оқушыларға ашық сұрақтар, ал кейбір көмек қажет ететін оқушыларға жетелеуші сұрақтар қойылады.

Қалыптастырушы бағалау: Өз ойын дұрыс мағынада білдіріп, талқылауға белсенділікпен қатысқан оқушыға «Жарайсың!» деген мадақтау сөзімен ынталандыру.

Сабақтың ортасы

Мағынаны ашу.

Мәтінмен жұмыс:

«Бірлескен оқу» әдісі.

Оқулықтағы мәтін бойынша топтарға тақырыпшалар бөліп береді. Мәтінді оқуды тапсырады.

Оқып біткен соң топтық және топ аралық талқылау жүргізеді.

Қарқыны баяу оқушыларға жетелеуші, түрткі сұрақтар қояды. Қарқыны жылдам оқушыларға бағыттаушы сұрақтар қойып қолдау көрсетеді.

Топтық жұмыс:

Тапсырма:

1.Географиялық номенклатура.

2.Географиялық номенклатураны үйренудің реттілігі.

Тиімділігі: Бұл тапсырманы орындау арқылы оқушының сыный ойлана білуге, өз ойын еркін жеткізе алуға, өзгенің пікірін құрметтеу керектігіне дағдыланады.

Дескриптор: Жалпы - 3 балл.

-Мәтінді оқиды.

-Топтық талқылау жасайды.

-Топ арасында пікір алмасу жүргізеді.

Жасырын обьект ойыны,артық нысанды табу ауызша жүргізіледі.

Оқулық, жұмыс дәптері

Жұптық жұмыс

Сараптау және синтездеу деңгейіндегі тапсырманы орындатады.

Қарқыны баяу оқушыларға жетелеуші, түрткі сұрақтар қояды. Қарқыны жылдам оқушыларға бағыттаушы сұрақтар қойып қолдау көрсетеді.

Тапсырма:

1.«Картаны білу», «Картаны оқу» ұғымдарын түсіндіріңдер. Жергілікті жердің географиялық нысандарын пайдаланып, оған мысал келтіріңдер.

2 Шартты белгілерді пайдаланып хат жазу. Жеке жұмыс

Тиімділігі: Бұл тапсырманы орындау арқылы оқушы сауатты, қатесіз жазуғаға, өз ойын дәптерге түсіруге дағдыланады.

Дескриптор: Жалпы – 3 балл.

-Деңгейлік жұмыстарды орындауға белсенділікпен қатысады.

-№1-тапсырманы орындайды.

-№2-тапсырманы орындайды.

Оқулық, жұмыс дәптері

Жеке жұмыс

Қолдану деңгейіндегі тапсырманы орындатады. Қарқыны баяу оқушыларға жетелеуші, түрткі сұрақтар қояды. Қарқыны жылдам оқушыларға бағыттаушы сұрақтар қойып қолдау көрсетеді.

Тапсырма: Картамен жұмыс істегенде географиялық нысандардың орналасуын есіңде қалай сақтауға болады? Мысалдар келтіріңдер.

Дескриптор: Жалпы - 3 балл.

-Тапсырма бойынша өзіндік тұжырым жасайды.

-Тапсырма бойынша мысалдар келтіреді.

Оқулық, жұмыс дәптері

Сабақтың соңы

Ой толғаныс.

Рефлексия

7 мин.

«Бір ауыз сөз» әдісі.

Мұғалім сабақты қорытындылау мақсатында оқушылардың сабаққа деген көзқарасын, рефлексиясын тыңдайды.

Мақсаты: Оқушы алған білімін саралай білуге дағдыланады.

Тиімділігі: Тақырып бойынша оқушылардың пікірін анықтайды. Жинақталған деректердің құнды болуын қадағалайды.

Саралау: Бұл кезеңде саралаудың «Қорытынды» тәсілі көрінеді.

Жеке жұмыс:

Оқушылар бір ауыз сөзбен сабақ туралы өз ойларын түсіндіріп береді. Бір ауыз сөздеріне сабақты бағалайтын келесі сөздерді айтуға болады ұнады, пайдалы, қажет, білдім, үйрендім, қызықтым, ұмтылдым, есте сақтадым, жасай аламын. т.б.

Мұғалім оқушылардың сабаққа қатысқан белсенілігіне қарай 1-10 баллдық жүйе бойынша әр оқушының өзіне тиісті баллын қойып бағалайды. Сонымен қатар, оқушыларды ынталандыру үшін

«Қошеметтеу» әдісі арқылы бағалайды.