Сабақтың тақырыбы: Геометриялық пішіндер.

Сабақтың мақсаты : Балаларға бір түсті заттарды көлеміне сәйкес топтауға, салыстыруға, геометриялық пішіндерді ажырата білуге үйрету. Ойын арқылы балалардыі ой- өрісін,ойлау қабілетін, есте сақтау қабілеттерін дамыту. Ойын кезінде сөздік қорларын молайту.

Коррекциялық түзету: Сөздегі дыбыстарды айқын естіп, дұрыс айтуға үйрету.

Көрнекі құралдар: Үлгі материалдар: геометриялық пішіндер, суреттер.

Әдістемелік әдістер: Түсіндіру, ойын, сұрақ-жауап.

Әрекет кезеңдері: Мотивациялық қозғаушы күш.

Мұғалімнің іс-әрекеті: Балалар көңіл- күйлерің қалай?.

Балалардың іс – әрекетті: Балалар көңіл- күйлерінің өте тамаша екенін айтады. Олай болса шаттық шеңберін құрайықшы. Әдептен озбай бүгінгі келген қонақтармен сәлемдесіп алайық.

Үлкенге де «сіз»,

Кішіге де «сіз».

Баршаңызға құрметпен,

Бас иеміз біз.

Сабақтың барысы: Ұйымдастыру кезеңі.

Балалармен амандасып, түгендеп, сабаққа көңілдерін аудару.

Өткен сабақты еске түсіру: Балалар біз сендермен өткен сабақтардан 1-5 ке дейінгі сандармен танысқан болатынбыз. Кәне еске түсірейікші.Балаларды 0 ден 5 дейін, 5 тен 0 ге дейін санатамын.

-Енді «көршілес санды тап» деген ойынды ойнайық. 34 23 ойын ойналады.

Жаңа сабақ:

Мұғалім:

-Бәріміз, бері қарайықшы.

-Мына, сиқырлы қапшықтың ішінде неше түрлі пішіндер бар екен. Қане, кім маған пішіндерді атап береді?.

-Дұрыс айтасыңдар,ұшбұрыш, төртбұрыш дөңгелек екен.

-Балалар, осы пішіндерді ауада жасап көрейікші.

-Үшбұрыш, ал мынау төртбұрыш, ал мынау –дөңгелек.

Тапсырма: «Құстың ұясы».

Шарты: Қағазды қиып балалар құстарға ұя жасайды.

Дидактикалық ойын:«Мынау қай пішін?».

Мақсаты: Геометриялық пішінді сипалап анықтау арқылы айта білу.

Шарты: «Сиқырлы қапшықтың» ішіндегі затты ұстап көріп, қандай геометриялық пішін екенін анықтайды, түсін айтады.

Логикалық есеп:

Табақта 3 алма.

Қолымда 1 алма,

Қосқанда барлығын,

Болады неше алма?,

Тапсырма: «Өз ұяшығына орналастыру».

Мақсаты: Геометриялық пішіндерді өз ұяшығына орналастыру.

Сергіту сәті:

-Ал енді балалар орнымыздан тұрайық, сәл демалып алайық.

Ормандағы аюдың,

Құлпынайы көп екен.

Теріп- теріп аламыз,

Қалтамызға саламыз.

Тапсырма: Кедергілерден өту.

А) Геометриялық пішіндеріне қарай.

Ә) Түстеріне қарай (қызыл,жасыл, сары)

Дәптермен жұмыс:

Сызғышты қолданып үшбұрыш, дөңгелек, төртбұрыш геометриялық пішіндерді салу.

Шырша құрастыру: Балаларды қатыстыра отырып ,үлгі ретінде шыршаны құрастырамыз.

- Биназар, үшбұрыштардың ішінен ең үлкенін алып ең астына қойшы. Енді үлкенірек үшбұрышты алып, жоғарырақ орналастырады, ең кішкентайын алып оны үстіне қояды. Сонымен, жұмыс аяқталды.

-Ал қане біз не құрастырдық?

- Шырша.

- Шыршаның түсі қандай ?.

- Жасыл.

Балалар менің сендерге қоятын жұмбағым бар, соны шешейік:

Тікен- тікен тік пісте

Қысы- жазы бір түсте.

Ол не ?

Балалар : Шырша.

Тапсырма: Геометриялық пішіндерден кез- келген зат құрастыру.

Сабақты қорытындылау:

-Балалар, бүгін біз немен таныстық?.

-Дұрыс айтасыңдар, пішіндер туралы білімдерімізді кеңейте түстік.

-Пішіндер неше түрлі болады?.

- Үш түрлі көлемдегі үшбұрыштан не құрастырдық?.

Мұғалімнің қойған сұрақтарына толық жауап бере отырып, ұйымдасқан оқу- іс әрекеті қорытындылайды.

Үйге тапсырма: Геометриялық пішіндерді бояп келу.

Күтілетін нәтиже:

Білу немесе хабарлар болды. Пішіндер туралы жалпы түсінік.

Қалыптасқан әдеті: Пішіндердің түсін , көлемін ажырату.

Істей білуі:

Геометриялық пішіндерді біледі, әр түрлі пішіндер құрай алады.

Оханова Багила Нускабеккызы , Түркістан облысы Түлкібас ауданы

«Психологиялық- педагогикалық түзету кабинеті» Олигофренопедагог