Геометриялық пішіндер

Сабақтың тақырыбы: Геометриялық пішіндер

Сабақтың мақсаты:

Түзету мақсаты: Баланың геометриялық пішіндер туралы білімін қалыптастыру, ойлау қабілетін арттыру, зейінін тұрақтандыру.

Тәрбиелік мақсаты: шыдамдылыққа, белсенділікке, байқағыштыққа тәрбиелеу.

Сабақтың әдісі: көрсету, түсіндіру, сұрақ жауап.

К өрнекіліктер: геометриялық пішіндер :

Сабақтың барысы:

I.Ұйымдастыру кезеңі:

-Балалар, бүгін бізге қонақтар келіпті, сондықтан балалар шуағын төккен «Күнмен», «мейірімді аспан атамен», және бізге келген қонақтармен амандасайық:

Армысың, қайырымды Аспан Ата!

Армысың мейірімді Жер Ана!

Армысың шұғылалы Алтын күн!

Армысың аяулы ұстаздар!

-Өте жақсы балалар. Ал енді орнымызға отырып, бүгінгі сабағымызды бастайық.

II.Жаңа сабақ

-Бүгін бізге ұстаздарымыз сиқырлы хат әкеліпті. Сиқырлы хатымызды ашайық. Ішінен не шығар екен?! Сиқырлы хаттың ішінде неше түрлі пішіндер бар екен: . Ал енді менің қолыма қараңыздаршы, қандай пішін көріп тұрсыздар? Түстері қандай?

Сонымен қатар, сіріңкені пайдалана отырып, пішіндерді салайықшы.

-Жарайсыңдар балалар!

Сергіту сәті

Жел соғады гу гу

Жаңбыр жауады тырс тырс

Жаңбыр басылды

Күн ашылды.

-Орнымызға отырайық. Қане балалар берілген пішіндерден өзімізге үй құрастырайықшы.

-Үйіміздің бірінші қандай бөлшегін тұрғызамыз? -Ірге тасын, қабырғасын.

-Ол қандай геометриялық пішіннен тұрады? -Шаршы.

-Енді үйдің қай бөлшегін тұрғызамыз? -Төбесін.

-Ол қандай геометриялық пішіннен тұрады? -Үшбұрыш.

Және де енді үйіміздің есік, терезелерін орнына қойып, орналастырайық.

-Жарайсыңдар, бәрекелді!

Сыныбымыздағы терезенің орнын көрсетші? Терезе сенің қай жағыңда орналасқан? Ал есік ше?

Қорытынды

Бүгінгі сабағымызда қандай пішіндермен таныстық?

Мадақтау

Күтілетін нәтиже

Геометриялық пішіндерді, түстерді айыра білуі.