"Графика мен диаграмма тұрғызу. Диаграмма шебері" ашық сабақ

Сабақтың тақырыбы: Графика мен диаграмма тұрғызу. Диаграмма шебері.

Сабақтың мақсаты:

Білімділік: MS Excel-дің графиктік мүмкіндіктері  туралы студенттерге түсінік беріп, диаграмма шеберінің көмегімен диаграммалар тұрғызуды және әртүрлі типті диаграммалар құруды үйрету;

Дамытушылық: студенттердің MS Excel программасы мүмкіндіктерін пайдалана отырып, диаграмма тұрғызу дағдыларын қалыптастыру, шығармашылық қабілеттерін жетілдіру және олардың компьютерлік сауаттылықтарын дамыту;

Тәрбиелік: студенттерді ұжымдық , жекелей жұмысқа, жауапкершілікке тәрбиелеу және ұқыптылық пен тиянақтылыққа, шапшаңдыққа баулу.

Сабақтың түрі: Аралас сабақ

Сабақтың типі: жаңа сабақты меңгерту

Сабақтың әдісі: жұптық және жекелеген жұмыс,интербелсенді әдіс.

Сабақтың көрнекілігі: интерактивті тақта,Ispring QuizMaker, kahoot.it, LearningApps бағдарламалық құралдары, компьютер, презентация, бағалау жетондары, таратпа қағаздар.

Сабақтың барысы: 

I. Ұйымдастыру кезеңі: (2 мин)

 - Студенттермен амандасу.
 - Студенттерді түгендеу.
 - Оқу құралдарын тексеру.

II. Үй тапсырмасын тексеру: (3 мин)

Студенттерге MS Excel бағдарламасы туралы алған білімдерін тексеру мақсатында Ispring QuizMaker бағдарламасында дайындалған интерактивті тапсырмалар .

ІІІ. Үй тапсырмасын қорытындылау (1 мин)

Семантикалық карта

ІҮ. Қызығушылығын ояту. (2 мин)

LearningApps бағдарламасында дайындалған пазл (пазл арқылы сабақтың тақырыбын ашу)

Ү. Негізгі бөлім (10 мин)

Жаңа сабақ

Диаграмма – бұл мәліметтерді талдау мен салыстыру ыңғайлы болу үшін кестедегі мәліметтердің көрнекі графиктік түрде берілуі.
1. Диаграмманы құру үшін: Қою менюдегі Диаграмма командасын таңдау
2. Стандарт аспаптар тақтасындағы Диаграмма шеберінің жұмысы төрт қадамнан тұрады, батырманы шерткеннен кейін оның
бірінші қадамы экранға шығады: Стандартты ішкі бетіндегі Тип өрісінен қажетті диаграмма типін, ал Вид(түр) өрісінен түрін таңдаймыз және оны Нәтижені көру (Просмотр результата) батырмасы басулы күйде қарауға болады. Дөңгелек диаграмма бүтін нәрсенің бөліктерге бөлінуін көрнекі көрсететін болғандықтан және әр бөлік бүтіннің қандай бөлігін құрайтыны анық көрінетіндіктен оқушылардың таңдауы бойынша осы тип алынды.
Диаграмма құрудың екінші қадамы – мәліметтер аралығын енгізу. Біздің мысалымызда мәліметтерді таңдау әрекеті оларды белгілеу арқылы орындалған еді.
Диаграмма шеберінің үшінші қадамында оған түрлі түсініктемелер (легенда) енгізіп, осьтерді белгілеуге, диаграмманың тақырыбын жазуға, мәліметтерді диаграммада көрсетіп жазып қоюға, т. б. әрекеттер орындауға болады.
Егер диаграмма дұрыс құрылған болса, оның қандай мақсатқа арналғанын анықтау оңай болады. Ол үшін оған берілген, енгізілген мәліметтер анық әрі түсінікті болуы керек.
Диаграмманың орналасуын таңдау үшін төртінші қадамды пайдаланамыз. Диаграмманы орналастырудың екі мүмкіндігі бар: біріншісі – жеке бетке орналастыру, екіншісі – кесте тұрған бетке қатар орналастыру.
Біздің мысалымызда көрнекілігі үшін қатар орналастыру мүмкіндігін таңдаймыз.
Диаграмма құру барысында Кері (Далее), соңынан Дайын (Готово) батырмасын басу арқылы жасап отырған диаграммамызды аламыз.

Дөңгелек диаграммалардан басқа диаграммалардың барлығының екі осі бар:

- Горизонталь немесе категориялар осі
- Вертикаль немесе мәндер осі

Диаграмманың негізгі элементтері:

Тақырып диаграмманың жеке элементтерін түсіндіру үшін қолданылады.

Аңыз диаграммаларда берілген деректердің қатарларын ажыратуға көмектеседі.

Дөңгелек диаграмма

Графикалық обьектілерді кірістіру: 

1. Жаңа файл ашамыз.
2. Меңзерді А1 ұяшығына орналастырамыз, себебі суретті бос А бағанына кірістіреміз.
3. Ол үшін Вставка – Столбцы командасын орындап, бүкіл кестені бір бағанға оңға жылжытамыз.
4. Вставка – Рисунок – Картинки командасын орындаймыз.
5. Microsoft Clip Gallery диалогтік терезесінде Картинки қосымшасын және сурет категориясын таңдаймыз.
6. Суреттер бар терезе ашылады, ұнаған суретімізге маусты шертеміз.
7. Вставить батырмасын шертеміз, жақтаудағы сурет кестеге кірістіріледі.
8. Егер сурет көлемі ұнамаса, оны өзіміз қалауымызша үлкейтіп немесе кішірейтуімізге болады.

ҮІ. Жаңа сабақты бекіту: (7 мин)

Жаңа сабақты бекіту мақсатында Kahoot.it бағдарламасында тест тапсырмалары.
2. Тәжірибелік жұмыс орындау (10 мин )
1 -тапсырма. Кестедегі мәліметтерді  қолдана отырып, сақина түріндегі диаграмма құрастыр.
«2016-2017 жылдың жарты жылдығындағы Ақтау кеме айлағынан жөнелтілген мұнай көлемі»

2-тапсырма. Диаграмма шеберін пайдаланып, гистограмма құрастыр. Кестедегі есептеулерді орындаңдар.
«Информатика пәні бойынша  І семестрдің қорытындысы»

3-тапсырма.  Кеме жабдықтары туралы мәліметтерді енгізіп, гистограмма құрыңыз.

ҮІІ. Рефлексия: « Екі жұлдыз, бір тілек » студенттер өз пікірімен бөліседі (2 мин)

ҮІІІ. Бағалау: (2 мин)

ІХ. Үйге тапсырма: (1 мин)

1. EXCEL-дің графикалық мүмкіндіктері
   2. Үйден кеме жасақтауға арналған жабдықтардың пайыздық өлшеміне кесте жасап келу. (Кестені келесі сабақта компьютерге түсіреді.)

ЖШС «КАСПИЙ ӨҢІРІ «БОЛАШАҚ» КОЛЛЕДЖІ»

Пәні: Информатика

Тақырыбы: «Графика мен диаграмма тұрғызу. Диаграмма шебері»

Оқытушысы: Сапарова А.С

Тобы: ЭВТ-17

2017 жыл