Grammar of English

Кіріспе сөз

« Қазақстан бүкіл әлемдегі халқы үш тілді пайдаланатын,

мәдениетті ел ретінде танылуға тиіс.

Бұлар: қазақ тілі-мемлекеттік тіл, орыс тілі-ұлтаралық

қатынас тілі, ағылшын тілі-жаhандық экономикаға

ойдағыдай кірігу тілі»

Н.Ә.Назарбаев

Түсінік хат.

Елімізде білім беру саласында қазір ізгілендіру іске асырылуда.Ағылшын тілі ана тілімен қоса оқушының сөйлеу қабілетін және жалпы дамуын ғана жетілдіріп қоймайды, оны өзін қоршаған айналасындағы адамдармен қарым-қатынас мәдениетіне де үйретеді.Оқушының ағылшын тілінде сөйлеу қабілетін жетілдіру мектепте берілетін білім мазмұнының негізгі мақсаты болып табылады,өйткені мұғаліммен және басқа оқушылармен қарым-қатынас барысында оқушы барлық пәндерді меңгереді.

Ағылшын тілі пәні бойынша оқыту оқушылардың ой-өрісін кеңейтетін тапсырмаларға негізделіп жасалған фонетикалық жаттығулармен қамтылған.

Бұл жоспар жалпы орта білім беретін мектептердің 6-7 сынып оқушыларына арналып жасалған.

Мақсат міндеттер:

1. Тереңдетілген сынып оқушыларын ағылшын тілінде сөйлей білуге үйрету, ағылшын тіліне тән дыбыстарды дұрыс айтуға жаттықтыру, өзіне берілген сұрақты тыңдап, түсініп, қысқа жауап беруге белгілі бір дәрежеде жүйелі сөйлей білуге, диалог түрінде әңгімелесе білуге үйрету.

2. Сөздік қорын дамыту

3. Грамматикалық тақырыптарды меңгерту: етістікке қарап

сөйлемдегі шақты, жұрнақ, жалғауды ажырата білу.

Есімдіктерді дұрыс қолдана білуін үйрету.

4. Ел тану қабілетін жетілдіре отырып, сол елдің салт- дәстүрі мен

әдет –ғұрыптарын терең меңгерту.

Күтілетін нәтижелер:

• Белгілі бір шақтарға байланысты сөйлемдерді қатесіз сауатты жазу.

• Фразалық етістіктерді, демеуліктерді, есептік, реттік сан есімдерді,

• сын есімнің шырайларын дұрыс қолдана білу.

• Сөйлемде түбірді, үстеуді ажырата білу

• Төл сөз бен автор сөзінде шақтарды дұрыс байланыстыра білу

• Ағылшын мақал- мәтелдерінің қазақша баламасын меңгеру

• Оқытылып отырған ел бойынша ұлттық нақыштары мен сол елдің

рәміздерін салт-дәстүрін, мерекелерін, басқару органдарын білу

8-сыныпта, бастауыш мектеп деңгейінде меңгерілген грамматикалық құрылымдарды қайталау және жаңа грамматикалық құрылымдарды меңгеру жалғастырылады. Бұл жаңа грамматикалық құрылымдар мыналардан тұрады: Present Continuous Passive, Past Continuous Passive Tense, Past Future Perfect Continuous Active, Could+ PerfectInfinitive, Should+ Perfect Infinitive, Need+ Perfect Infinitive; Second Conditional; Participle One, төл сөз бен төлеу сөз; есім сөздер that, which. where, when; If only, I wish.

Ағылшын тілін тереңдетілген бағытта оқыту бағдарламасымен оқытылатын сыныпта факультатив сабақтар аптасына 1 сағат, жылына 34 сағатқа бөлінген. Аталған сынып оқушыларына ағылшын тілінің бір сағатта өтілген грамматикасының бөлімдерін сол уақытқа сәйкес келген факультатив сабақтарында тереңдетіп оқытылады.