Ғылыми жоба. Арифметикалық амалдар қолданылуы

Сабақтың тақырыбы: С дыбысы мен әрпін түзету.

Кезең:дыбысты қою кезеңі

Сабақтың мақсаты:. [С] дыбысын буында , дұрыс, анық айтуға үйрету. Фонетикалық есту қабілетін дамыту, ойлау ,есте сақтау қабілетін жетілдіру. Сөйлеу мүшелерінің қимыл-қозғалысын дамыту ,сөздік қорын байыту, дұрыс, анық сөйлеуге жаттықтыру

Көрнекіліктер: Суреттер, айна , С фонемасының артикуляциялық кескіні, шар тапсырмалар.

Сабақтың барысы:

1.Ұйымдастыру кезеңі:

Біз көңілді баламыз,

Айтқан тілді аламыз.

Достарымызды көргенде,

Қуана қарсы аламыз.

Сәлем,сәлем,сәлем!

-Балалар бүгін аптаның қай күні?

-Жақсы жарайсыңдар!

Ғажайып сәт:

«Үй жануарлары»

-Балалар, бізге қонаққа бұзауқан, қошақан, құлыншақ,ботақан және балапан келді..

- Бұларды біз қандай жануарлар дейміз?

- үй (дұрыс)

-Ол біздерге өздерімен бірге тапсырмалар алып келіпті, соны орындайық.

Бұзауқанның тапсырмасы.

Бұл не?

Ертемен күнде сен ,

Қолыңды сүйкесең.

Кетіріп кір-ласың,

Тап-таза боласың.( ------)

-Осы сабын деген сөзде ең бірінші тұрған дыбыс,әріп қандай?

-Дұрыс

С дыбысықалай айтылады?

«С» дыбысының артикуляциясын еске түсіру.

-Ерін жымиып тұрады.

-Тістердің арасы ашық.

-Тілдің ұшы төменгі тістерге тіреледі.

-Тілдің ортасы көтерінкі,ортасында жырашық болады, сонымен ауа жолы жүреді.

-Тілдің бүйір жақтаулары жоғарғы азу тістерге тиіп тұрады.

ІІІ Дайындық кезінде қолданатын жаттығуларды жасату.

Тіл туралы ертегіден үзінді. -Ерте,ерте ертеде бір көңілді тіл болыпты. Ол тұратын үйдің есігі үнемі ашылып-жабылып тұрады екен.Бір күні ол таңертең ерте тұрып, терезені кең ашып, далаға қарапты. Оңға-солға қарайды. Далаға шығып,таза ауада ,таңғы жаттығу жасайды.«алтыбақан» жаттығуынан кейін таңғы асын ішті. Үйге кіріп жуынды. «науа»Шәй ішеді.Шәй ішіп отырып ерініне тәтті тосап жағып алды да ернін жалады. «тәтті тосап» . Таңғы астан кейін далаға шығып ойнады.Тілдің көңілі өте тамаша еді.

Тыныс алу жаттығуы: «Кімнің көбелегі алысқа ұшады.»

Фонематикалық есту:

3 тапсырма

-Мен дыбыстарды айтамынcендер [С ] дыбысын естісеңдер қолдарыңды шапалақтаңдар. А,у,с,ш,қ,с,ч,с,щ,щ,с

Жылан қандай дыбыс шығарады?

4.Балапанның тапсырмасы :

Суреттерді с дыбысының айтылуына байланысты орналастыр.

5 .Құлыншақтың тапсырмасы.

Суреттерді мұқият қара.әріптерді дұрыс жаз.

Сағат,маса, троллейбус.

6.Ботақаның тапсырмасы.

Мына сөздердегі бірінші дыбыстың,әрпінің орнына «С» дыбысын,әрпін қойып,жаңа сөздерді құра.

7.тапсырма « Сөз ойла,тез ойла » дидактикалық ойын

«С» дыбысы бар аңдар: арыстан,жолбарыс, қасқыр.

«С» дыбысы бар адам аты: Сара,Сақан.

« С»дыбысы бар аспап: Сыбызғы,Сырнай,Скрипка.

Қорытынды.

-Балалар,біз бүгін сабақта не істедік?

Қандай дыбысты дұрыс айтуға үйрендік?

Балаларды мақтап,мадақтап бағалау.

«Жасбуын жалпы білім беретін орта мектебі»

коммуналдық мемлекеттік мекемесі

Ашық сабақ

Сабақтың тақырыбы: [С] дыбысы мен әрпін түзету

Өткізген : логопед Смагулова Жанар Жұмсаққызы