Х дыбысы мен әрпі

Пәні : сауат ашу

Сыныбы: 1

Мұғалімі: Ыбырай М.

Сабақтың тақырыбы:  «Хх дыбысы мен әрпі»

Сабақтың  мақсаты:  

1)    Білімділік:Оқушыларға  дауыссыз х дыбысы мен әрпін таныстыру, оқу мен жазу дағдыларын қалыптастыру .

2)    Дамытушылық:Оқушылардың білімін жетілдіру, сөздік қорын, тілін дамыту.

3)    Тәрбиелік:Сауаттылыққа, білімділікке, ұқыптылыққа баулу, салауатты өмір салтын ұстануға тәрбиелеу.

  Сабақтың типі: Жаңа тақырыпты меңгерту

  Сабақтың түрі: Аралас

  Әдіс- тәсілдер: қабылдау, түсіндіру, сұрақ- жауап, көрнекілік, талдау, интерактивтік тақтамен жұмыс.

  Көрнекіліктер: Хх әрпі,  ребус, суреттер, кеспе әріптер, интерактивті тақта

Сабақтың барысы:

І. Ұйымдастыру кезеңі.

1. Психологиялық дайындық 
Сыныбымыз тап-таза,
Бор да дайын тақтада.
Ойымызды жинақтап,
Отырайық партаға.
Әдепті елдің баласы алдымен сәлем береді.

Күндей жадырап,

Айдай арайлап,

Жұлдыздай жарқырап,

Судай таза көңілмен бүгінгі сабағымызды бастайық.

2.Үй тапсырмасын тексеру.

- Қазақ тілінде неше әріп бар?

- Дыбыс дегеніміз не?

- Әріп дегеніміз не?

- Дыбыстар нешеге бөлінеді?

- «Жарыс» мәтінін оқып түсінік айту

ІІ. Жаңа тақырыпты меңгерту.  

- Балалар, бүгін жаңа әріппен танысамыз.

Слайд

(Х дыбысын айту, сипаттау)

- Балалар, біз Х дыбысын қай кезде айтамыз? ( тамақ шайғанда, тамағымызда бірдеңе тұрып қалғанда т.б.)

- Х дыбысы- дауыссыз, ауа кедергіге ұшырап тұр.  

(Х әрпінің суретін іліп қою.)

- Бұл не? (Әріп)

- Әріптер мен дыбыстардың айырмашылығы неде? (Әріптерді біз көреміз, оқимыз, жазамыз. Ал дыбыстарды айтамыз, естиміз.)

- Әріптердің қандай түрлері бар? (Әріптердің баспа және жазба түрлері бар.Баспа әріптерді оқимыз, ал жазба әріптермен жазамыз.)

Оқушыларға  Х әрпіне сөздер айту, буынға бөлу.

- Не байқадық? Х әрпі сөздердің қай жерінде кездеседі? Х әрпі сөздердің басында, ортасында және кейде сөздің соңында кездеседі. Мысалы: халат, хат, шахмат, шах, асхана.

 1.     Тақтада жазылған сөздерді оқу, буындарға бөлу, дыбыстық талдау жасау,дауыссыз, дауысты дыбыстарды табу.

хор                       хабар             кітапхана             асхана

хат                       халат              шеберхана           дәріхана 

   Х әрпі сөздердің басында, ортасында кездесіп тұр.

  Тірек сызбалардағы сөздерді оқу.

   
« Адасқан әріптер » ойыны

1.     ю , қ , о .

2.     п , а , і , к , т .

3.     қ , а , т , я .

4.     і , ә , т , т , т .

«Артығын тап ! » ойыны

Сергіту сәті.    

  Суретпен жұмыс.

 Суретке қарап, сөйлемдер құрастыру.

Оқулықпен жұмыс.

1.Оқушыларға мәтінді оқып беру.

2.Мәтінді оқушыларға дауыстап оқыту.     

         Мәтінмен жұмыс

Сұрақ- жауап:

-         Хасан мен Хамит қандай ойын жақсы көреді?

-         Хасан ойында кім?  (Хасан- қақпашы .)

-         Хамит ше?                (Хамит- шабуылшы .)

-          Ойын қалай өтті?   (Хасанның тобы жеңіп шықты.)

-         Кім хоккей ойынын ойнап көрді?

-         Хасан мен Хамит біздердің келгенімізге разы болды.      

Ребус шешу:

(Дәптермен жұмыс)

Хх  әрпінің емлесімен танысу. Х әрпін жұмыс дәптерлеріне жазу.

Сөздік диктант.

Қарға ,  аю , қоян , қаһарман , асхана .

Сергіту сәті

 Ауылға оралу. Слайд

(Көп нүктенің орнына  қ немесе х әрпін қой.)

1.     Ша...мат,  ас...ана,  ...алам,  ...абар,  ...алық,  ба...а         

  ІІІ. Сабақты қорытындылау.

1.     Оқушыларды бағалау.

2.     Үйге тапсырма беру.

Хх дыбысы мен әрпі .