"Х дыбысы мен әрпі" (ашық сабақ)

Оқу іс-әрекетінің тақырыбы:

Х және һ дыбыстары мен әріптері

Оқу іс-әрекетінің мақсаты:

Жаңа дыбыспен таныстыру, әріпті анық, дұрыс айтуға дағдыландыру. Балалардың ой - өрісін, тіл байлықтарын, тапқырлық, іздемпаздық қасиеттерін дамыту.

Сөздік жұмыс:

шахмат, қаһарман

Әдіс-тәсілдері:

Сұрақ-жауап, әңгімелеу, көрсету.

Оқу іс-әрекетінің көрнекіліктері:

Кеспе әріптер, тірек сызбалар, суреттер, дидактикалық материалдар.

Оқу іс-әрекетінің барысы:

Ұйымдастыру бөлімі

-Салематсыздар ма, балалар!

Психологиялық дайындық

Сыныбымыз тап-таза,
Бор да дайын тақтада.
Ойымызды жинақтап,
Отырайық партаға.

Жаңа сабақ

Оқушылармен бірге өткен әріптерді қайталау

- Дыбысты не істейміз? Әріпті не істейміз?

-Балалар, сендер көрме дегенді білесіздер ме?

-Көрменің не екенін білу үшін жұмбақ шешейік.

Жұмбақ айту:

Қабат-қабат қаттама,

Ақылың болса аттама. ( кітап)

- Олай болса, біз бүгін кітаптардан көрме жасаймыз.

-Көрме әр түрлі тақырыпта болады. Мысалы: үй жануарлары, спорттық тақырыпта т.б

Бүгін біз қызықты кітаптардан көрме жасаймыз.

Кітап не үшін керек? Оны қалай ұстау керек?

Алдымен кітап сөзін буынға бөлейік. Қанша әріп бар? Қанша дыбыс бар? Кітап сөзіне сөйлем құра.

-Қане көрмеміздегі бірінші кітаппен танысайық.

«Сауат ашу» кітабы. Бұл кітап бізге не үшін керек?

Бүгін біз қандай әріппен танысар екенбіз? Ол үшін маған назар салайық.

-Менің қолымдағы не? (хат)

-Хат деген не? Бірінші қай дыбыс естіліп тұр?

-Ал хатты ашайық. (Ішінен суреттер шығады)

(х және һ дыбысы)

Бүгін біз х және һ (ха) дыбыстарымен танысамыз.

-Х-ны айтқызу, Һ-ны айтқызу

Х,һ -Қандай дыбыс деп ойлайсыңдар?

-Екеуінің айтылуы ұқсас па?

Х дыбысын айтқанда іштегі ауа тамақты қырып шығады.

Һ дыбысын айтқанда іштегі ауа еркін көмейден шығады.

-Х, һ дыбысы бар сөздер айтқызу.

х дыбысы бар буындар құрату

Ха хо хат хор ха бар ха лат

Са я хат шах мат Хамит

Дыбыстық талдау жасау

-Балалар хабар деген не? Хабар сөзінде қанша әріп бар? Қанша дыбыс бар?

-Х әрпін салайық. Қане, екі қарындашты қолымызға алып, х әрпін көрсетейік. Дәптерге салайық.

Әріп неге ұқсайды?

Х-айқасқан қайшыға

Һ-орындыққа ұқсайды.

Сергіту сәті:

-Орнымыздан тұрып жақсылап билеп алайық.

-Ендігі кезекті һ дыбысына берейік.

-Айтқызу. Дыбыс қалай шықты?

Көрмеміздегі келесі кітап «Қазақ ертегілері» деп аталады. Ертегідегі қандай кейіпкерлерді білеміз?

-Айдаһар қандай? Ол не істейді?

Тақтадан һ дыбысына буын құрау

13-бет:

Һа һа һан һаз

Жа һан қа һар Гау һар

Тіл ұстарту жаттығуы:

Һар-һар –һаз

Өнерлі қыз Гауһар

Хат-хат- хат

Қызық ойын шахмат

Оқулықпен жұмыс жасау: оқу, жазу. Ауада жазу, дәптерге жазу

-Баллар біз бүгін сыныпта көрме ұйымдастырдық. Көрмені нелерден ұйымдастырдық?

-Қандай кітаптарды пайдаландық?

Бізде әлі де көп кітаптар қалды? Оны келесі сабақтарды оқитын боламыз. Сендер де көрмеге өз кітаптарыңды әкелулеріңе болады.

-Біз қандай әріптермен таныстық?

Сабаққа жақсы қатысқан балаларды бағалау