Химиялық тәжірибелер

Мақсаты : Оқушыларға химия ғылымының құпиясы мен қызығы мол екенін жеткізе отырып, ойын элементтері арқылы, қосымша материалдардан мағлұмат беру, өздігінен ізденуге, топтасып жұмыс істеуге, ұйымшылдыққа баулу, тапқырлыққа үйрету.

Көрнекіліктер : Интерактивті тақта, ас содасы, сірке қышқылы, йод ерітіндісі, лимон, құты, су

Жоспар:

1. Кіріспе :Құрметті ұстаздар, оқушылар кош келдіңіздер.

2. 1- тәжірибе: «Шар үрлеу»

1. Құтыға аздап 50 мл сірке қышқылын құямыз.

2. Шардың ішіне 4-5 шай қасық ас содасын салып, шарды құтыға кигіземіз.

3. Шарды баяу көтеріп, ас содасын сірке қышқылына біртіндеп салаа бастаймыз

4. Шар баяу үлкейе бастағанын көреміз.

5. Шар неліктен үрленді? Оқушылар тиісті реакция теңдеуін жазып көрсетіп, шардың үрлену себебін түсіндіреді.

2- тәжірибе. «Жасырын жазу»

1. жайпақ табақшаға жарты 125 мл су құямыз.

2. Оған 10 тамшы йодты тамызып, араластырамыз.

3. Бөлек ыдысқа лимонның суын сығамыз.

4.Жайпақ табақшаға еркін сыятындай етіп қағаз дайындаймыз.

5. Жазу жазатын қылқаламды лимон шырынына батырып, қағазға кез келген жазу жазамыз.

6. Қағазды табақшадағы йод ерітіндісіне батырамыз.

Нәтижесі: Қағаздың сөз жазылған жерден өзге бүкіл беті көк түске боялады. Жазу бөлініп көрінеді.

Себебі: Қағаздың құрамындағы крахмал йодпен қосылып, көк күлгін молекулалар түзеді. Лимонда С витамині болғандықтан қағазға лимон шырыны тиген жерлер ақ күйінде қалады.