Химияны оқыту әдістемесінің басқа ғылымдармен байланысы

Зат құрылымының қарапайым бөлшектерден басталып күрделі деңгейлеріне дейін жүйелі түрде күрделенеді. Мұны пайдалану арқылы заттардың биогеохимиялық айналымы, әр деңгейді зерттейтін жаратылыстану ғылымдарының объектісі және аралық ғылымдар жөніндегі нақтылы ұғымдар жүйесін қалыптастыруға болады.

Әр түрлі күрделілену сатысындағы заттарды, олардан түзілетін табиғи және жасанды денелерді жаратылыстану ғылымы зерттейді. Химия солардың бірі ретінде, заттардың бір-біріне айналу өзгерістерін атом-молекулалық деңгейде қарастырады, өзінің зерттеу объектісі жағынан физика мен биологияның аралығындағы ғылым. Ал жоғарыда аталғаннан да гөрі төменірек деңгейдегі ауысу, өзгерулерді зерттеу физиканың химиямен шектес саласы – қарапайым бөлшектер химиясының еншісіне жатады. Химия заттардың химиялық қасиеттерін зерттеуде физиканың әдістері мен теориялық көзқарастарын пайдаланады, осыдан келіп, екі ғылымның бірігуінен - физикалық химия пайда болады. Өйткені олардың зерттейтін объектісі бір - әр деңгейдегі заттар құрылымы.

Жер туралы ғылым - геология жер қыртысындағы химиялық элементтер миграциясы процесі мен таралуын зерттейді. Оның химиямен сабақтасуынан пайда болатын геохимия минералдар мен тау жыныстарындағы өзгерісін биохимия қарастырады.

Ғылымдардың  үштен бірігуі нәтижесінде биогеохимия ұғымы туындайды. Биогеохимия дегеніміз - биосферадағы химиялық элементтердің жинақталуы мен таралуын, миграциясы мен айналымын, тау жыныстары мен минералдар бұзылуындағы тірі ағзалар рөлін зерттейтін ғылыми пән. Мұндай биогенді процестер біздің планетамызда маңызды рөл атқарады.