"И" дыбысы мен әрпі

ІС-ӘРЕКЕТТІҢ МАҚСАТЫ

Тақырыбы: «И»дыбысы мен әрпі
Артикуляцияны және дыбыстың сипаттамасын нақтылайды. Дауысты дыбыстар қатарынан (екпінді) дыбысты ажыратуды үйрету. Сөздің ритмикалық үлгісін шапалақтау арқылы (буынға сәйкес) қалыптастыру. «И» дыбысы мен әрпін тануды әрі қарай жалғасытру. «И и» дыбысына қатысты жаңа сөздерді білдіру арқылы балалардың жалпы ой-өрісін, сөйлеу тілін дамыту.
СӨЗДІК ЖҰМЫС
Ит, ине, инелік, иек, киік, кит, киім, тиын, тиін, тиек, жиек, шие. 
ҚҰРАЛ-ЖАБДЫҚТАР
1. Көрнекілік материалдар.
Бейнежазба, суреттер, сіріңкенің шырпысы, табиғатқа байланысты суреттер.
ОҚУ ҚЫЗМЕТІНІҢ БАРЫСЫ
1. КІРІСПЕ БӨЛІМ
1.1. Логопед:
- Сәлеметсіңдер ме, балалар! Мен сендерді көргеніме өте куаныштымын. Ендеше, балалар, бір-бірімізге жылы лебіздерімізді білдірейік. Таңғы шаттық шеңберін құрайық.
Табиғатымыз тамаша!
Көз тоймайды қараса.
Табиғатты аялап,
Жүрейікші балаша.
Сәлем саған, нұрлы Күн!
Сәлем саған, Жер-Ана!
Қайырлы таң, Достарым!
- Балалар, бүгін біз табиғат туралы әңгімелейміз.
- Балалар, табиғат дегеніміз не?
- Дұрыс айтасыңдар, балалар! Бізді қоршаған ортада жан-жануарлар мен өсімдікте бар. Ай мен күн, аспан мен жер, жұлдыздар бұның барлығы табиғат деген ұғымды білдіреді.
Логопед балаларға өлеңді тыңдауды ұсынады.
Балалар мұқият тыңдайды.
И
Самолетке ұқсаған
Инелікті ұстағам.
Қойсаң болды қамалап,
Ит үреді абалап.
- Балалар, бүгін бізге ертегілер елінен бауырсақ келіпті. Ол өзімен бірге қоржын ала келіпті.

1.1. Логопед « и» дыбыстарынан басталатын сөздерді ойлап тапқан балаларға отыруды ұсынады. «и» дыбыстарынан басталатын сөзді атайды.
Балалар берілген дыбыстарға сөздер ойлап табады.
- Балалар, өткен жолы бізге кім келді?
Балалардың жауаптары.
Цирк сайқымазақтары бізге тағы да келді. Олар сендермен бірге қызықты ойындар ойнайды.

1.2«Қандай дыбыстар көп?», «сөздерді таңда», «кімге не сыйлады?», «балапандар»,«сөйлемді аяқта» ойындарын ойнау.

Нұсқаушы саусақпен еріннің шеттерінен ұстап, екі жаққа тартып, «И-И-Й» деп айту.
Жоғарыда берілген нұсқаулықтарды қолданамыз.
Екі сурет бірге қойылады.
- Балалар, қоянға қараймыз. Ол қалай жымияды?
- И-И-И!
- Ая қуыршаққа қараймыз. Балалар, Ая қалай жылайды?
- А-А-А!
- «И» мен «А» дыбыстарын бірге қосып айтамыз.
- «ИА».
Логопед жоғарыда берілген нұсқаулықтарды қолданады.
Екі сурет бірге қойылады.
- Кеменің суретіне қараймыз. Кеме қалай гуілдейді?
- У-У-У!
- Қоянға қараймыз. Ол қалай жымияды?
- И-И-И!
- «У» мен «И» дыбыстарын бірге қосып айтамыз.
- «УИ».
Логопед жоғарыда берілген нұсқаулықтарды қолданады.
2.6. «Қара және есте сақта» дидактикалық ойыны.
«И» дыбысы бар төрт суретті көрсетіп, оларды еске сақтауды ұсынады. Логопед балаларға суреттерді көрсетеді. Логопед балалардан теріс қарап тұруларын сұрайды. Балалар теріс қарап тұрғанда логопед кейбір суреттерді алып тастайды. Балалар суреттерге қайта бұрылып қарайды. Логопед балаларға қай суреттердің және қандай ретпен тұрғанын еске түсіруді ұсынады.
Мұқият тыңдайды.

3. ҚОРЫТЫНДЫ
Күтілетін нәтиже.
«И» дыбысын біледі.
Дауысты дыбыстар туралы түсініктері болады.
Дауысты (екпінді) дыбыстардың қатарынан дыбысты ажыратуды үйренеді. Шапалақтау арқылы сөздің ырғақтың суретін (буынға сәйкес) қалыптастыруды меңгереді.