І жартыжылдық тәрбие жұмысына талдау

Мемлекет Басшысы Қасым-Жомарт Тоқаев Ұлттық құрылтайдың «Әділетті Қазақстан – Адал азамат» атты екінші отырысындағы тапсырмасына сәйкес 2023 жылы «Біртұтас тәрбие» бағдарламасы әзірленіп, барлық білім беру ұйымдарына енгізілді.

Қазақстан Республикасының Президенті Қ. Тоқаев 2024 жылы Ұлттық құрылтайдың «Адал адам – Адал еңбек – Адал табыс» атты үшінші отырысындағы тапсырмасына сәйкес Біртұтас тәрбие бағдарламасының мазмұны жаңартылды.

Еліміздің болашақтағы негізгі сұлбасын «Әділетті Қазақстан – Адал азамат – Озық ойлы ұлт» деген үштаған ұғым арқылы сипаттады. Үштаған – бір-бірінен бастау алатын және өзара тығыз байланысты ұғымдар, ел ішінде заң мен тәртіпті қатаң сақтауды қамтамасыз етуді саясатымыздың тұғырлы қағидатына айналдыратын мықты демократиялық институттары мен дамыған құқықтық жүйесі бар әділетті мемлекетті құрудың шарты және еліміздің жаңғыруы мен әрі қарай дамуының стратегиялық бағдарын айқындайды. Бұл «Біртұтас тәрбие» бағдарламасының басты идеясына айналды.

Сыныптың қысқаша сипаттамасы

2024-2025 оқу жылының басында сыныпта - 13оқушы болды. І-ші жартыжылдықтың соңында – 13оқушы: оның ішінде ұлдар – 8, қыздар – 5.

Сыныпта келесі санаттағы балалар бар:

Көп балалы отбасылардан – 5 оқушы

Әлеуметтік аз қамтылған отбасылардан – жоқ;

Ата-анасы қайтыс болған – 1 оқушы;

Есепте тұрған отбасылардан – жоқ.

Сотты болған отбасы - жоқ

Сынып ерекшеліктері: ұйымшыл сынып, тәрбие сағаттарына белсенді қатысады,оқуда қиыншылықтары бар оқушылар бар. Тәртіптері жақсы.

2024-2025 оқужылы «БІРТҰТАС ТӘРБИЕ » бағдарламасын оқып, оны іске асырудан басталды

Бұл бағдарлама тәрбиенің үздіксіздігін қамтамасыз ететін және 0 жастан 18 жасқа дейінгі балаларға арналған 6 құндылықты қамтиды. Сынып жетекшілерінің әдістемелік отырыстарында құжат егжей-тегжейлі талқыланып, бағдарламаны іскеасыру жоспары жасалды.

Мектептің тәрбие жұмысының негізгі мақсаты:

Қазақстандық мәдениеттің құндылықтары негізінде азаматтық жауапкершілік пен патриотизмді, адалдық пен әділдікті, рухани-адамгершілік қасиеттерді қалыптастырған үйлесімді дамыған тұлғаны тәрбиелеу.

Бағдарлама құндылықтарын жүзеге асыру

2024-2025 оқу жылындағы «БІРТҰТАС ТӘРБИЕ» бағдарламасының негізінде тәрбие жұмысы келесі құндылықтарды қамтиды:

• Тәуелсіздік және патриотизм;

• Бірлік жәнеынтымақ;

• Әділдік және жауапкершілік;

• Заң және тәртіп;

• Еңбекқорлық және кәсіби құзыреттілік;

• Шығармашылық және инновациялар.

Тәрбие жұмысы жоспары жоғарыда аталған құндылықтарға негізделіп, толық орындалды. Сынып сағаттары мен іс-шаралар бекітілген жоспарға сәйкес өткізілді.

Әр айдың іс-шаралары :

• «Менің Қазақстаным» – оқу аптасының басында бірінші сабақта білім алушылар Қазақстан Республикасының Әнұранын орындайды

• «Апта дәйексөздері» – бүкіл білім беру ұйымның оқу және оқудан тыс іс-әрекетінің лейтмотиві ретінде қызмет ететін мақал-мәтелдер, халық даналығы, көрнекті тұлғалардың ұлағатты сөздері. Аптаның дәйексөздері ақпараттық стендтерде, Led-экрандарда, сынып тақталарында және т.б. орналастырылады.

• «Қауіпсіздік сабағы» – жол қозғалысы ережелерін, өмір қауіпсіздігі негіздерін зерделеу, білім алушылардың жеке қауіпсіздігін, қауіпсіз мінез-құлқын және т.б. сақтауы туралы сынып сағаты шеңберінде 10 минут ақпарат беру немесе әңгіме өткізу

• «Ұлттық ойын – ұлт қазынасы» – үзіліс кезінде білім алушылардың бос уақытын ойын түрінде ұйымдастыру – асық, тоғызқұмалақ, бес тас және т.б.

• «Өнегелі 15 минут» – ата-аналардың баласымен мінезқұлық және адамгершілік туралы күнделікті 15 минут жеке әңгімелесуі.

• «Үнемді тұтыну» – суды, тамақты, энергияны тұтыну бойынша күнделікті табиғи ресурстарға ұқыпты қарауды қалыптастыру: жадынамалар, нұсқаулықтар мен парақшалар әзірлеу

• «Күй күмбірі» – қоңыраудың орнына күйді пайдалану, сондай-ақ үлкен үзіліс кезінде күй тыңдау апта сайын.

Жалпы жетістіктер:

• «БІРТҰТАС ТӘРБИЕ» бағдарламасы сәтті жүзеге асырылды.

• Оқушылар арасында еңбекке, патриотизмге, бірлікке және әділдікке деген көзқарас қалыптастырылды.

• Барлық сыныптық және мектепішілік іс-шараларға қатысу қамтамасыз етілді.

Сынып сағаттарының негізгі тақырыптары:

Қыркүйек: еңбекқорлық және кәсіби біліктілік айы

• «Мектебім – мейірім мекені!»

• «Мектептегі оқушының міндеті мен ережесі»

• «Буллингтен қорған!»

• «Еңбегі адал жас өрен» жобасы «Еңбек түбі береке»

Қазан: тәуелсіздік және патриотизм айы

• «Қамқор» жобасы «Қоғамға қызмет ету» волонтерлық қызмет.

• «ЖҚЕ негізгі түсініктері мен терминдері»(жас ерекшелігіне қарай) /«Даналық ұстаздан» челленджі

• «Цифрлық әлемде қауіпсіз қадам»

• «Еңбегі адал жас өрен» жобасы Ұлттық мереке 25 қазан – «Республика күні»

«Тарихы сырлы, ертеңі нұрлы ғажап ел!» 

Қараша: әділдік және жауапкершілік айы

• «Еңбегі адал жас өрен» жобасы «Адал азамат – Адал еңбек – Адал табыс»

• 15 қараша – Ұлттық валюта – теңге күні «Ұлттық теңге - Тәуелсіздігіміздің нышаны»

• «Буллингтен қорған!»

• Тақырыпқа байланысты тележобалар мен деректі фильмдерді талқылау.

«Балалар мен жасөспірімдер арасындағы құқықбұзушылықтың алдын алу – басты міндет»

Желтоқсан: бірлік және ынтымақ айы

• «Қамқор» жобасы «Табиғатқа қамқорлық жасаймыз!» акциясы

• «Буллингтен қорған!»\ «Жетістігімді еліме арнаймын» челленджі

• Ойынға салауатты көзқарас

• Бірлік және ынтымақ» құндылығы «Таңғажайып жаңа жыл»

Жеке жұмыс және ата-аналармен қарым-қатынас талдауы

1-тоқсанда ата-аналармен байланысты нығайтуға көп көңіл бөлінді. Жеке әңгімелесулер, сауалнамалар мен жиналыстар нәтижесінде ата-аналар арасында мектепке деген көзқарастың жақсарғаны байқалды.

• Балалар мен ата-аналар арасындағы қарым-қатынастар көбінесе жақсы.

• Ата-аналардың мектеп өміріне қатысу белсенділігі артты.

Ата-аналар комитеті мектеп және сынып өміріне белсенді ат салысып, барлық іс-шараларды ұйымдастыруда көмек көрсетті.

І-ші жартыжылдықта қойылған барлық мақсаттар мен міндеттер орындалды. «БІРТҰТАС ТӘРБИЕ» бағдарламасы аясында оқушылардың тәрбиелік құндылықтары нығайтылды.

Оқушылардың дамуына талдау

І-ші жартыжылдықта оқушылар сыныптық жән емектепішілік іс-шараларға, пәндік апталықтарға, мектеп және аудандық деңгейдегі олимпиадаларға белсенді қатысты. Сынып сағаттарында әртүрлі бағыттағы мәселелер қарастырылды. Оқушылар мұғалімдермен, құрдастарымен, қоғаммен белсенді қарым-қатынас жасайды. Балаларда құндылықтық бағыттар қалыптасқан, олар адамдарға, еңбекке, оқуға, мектепке, сыныпқа және мұғалімдерге оң көзқараспен қарайды.

Ата-аналар олардың өмірінде маңызды рөл атқаруды жалғастыруда, бірақ сыныптастарымен және құрдастарымен қарым-қатынас шешім қабылдауда барған сайын маңызды болуда. Сынып ұжымы оқушылардың әлеуметтік дамуына, жеке қасиеттерін, шығармашылық, интеллектуалдық, физикалық, ұйымдастырушылық және басқа да қабілеттерін қалыптастыруда үлкен рөл атқарады.

І-ші жартыжылдықта16 сынып сағаты өткізілді, олардың әрқайсысына қауіпсіздік сабақтарына арнайы 10 минут уақыт бөлінді. Тақырыптарына тоқталар болсақ:

Қыркүйекте

• «Жедел қызмет нөмерлері»

• «Іс- шараларда қауіпсіз ортаны сақтауда сіздің әрекеттеріңіз»

• «Қауіпсіз қаржылық оперцияларды жүргізу ережелері. Қаржылық пирамидалардың қауіптілігі»

• «Қауіпсіз еңбек жағдайларын қалай қамтамасыз ету керек?»

Қазан айында

• «Әрекетсіздік пен серіктестік үшін жауапкершілік»

• «Төтенше жағдайларда әрекет ете білу»

• «Секталардың ықпалына қалай түспеуге болады?»

• «Шынайы достық пен жалған достықты ажырату»

Қараша айы

• «Зорлық -зомбылықтан қорғану: қорғау әдістерін және көмекке жүгіну ережелерін білу»

• «Адамның жеке шекарасын қорғаудағы негізгі ережелері»

• «Жедел қызмет нөмерлері»

• «Іс- шараларда қауіпсіз ортаны сақтау сіздің әрекеттеріңіз»

Желтоқсан айы

• «Қауіпсіз қаржылық оперцияларды жүргізу ережелері. Қаржылық пирамидалардың қауіп»

• «Қауіпсіз еңбек жағдайларын қалай қамтамасыз ету керек?»

• «Әрекетсіздік пен серіктестік үшін жауапкершілік»

• «Төтенше жағдайларда әрекет ете білу»

Бөлінген 10 минуттың ішінде оқушыларға қауіпсіздік сабақтарының тақырыптары бойынша ақпараттар беріліп отырды.

Оқушылардың отбасыларымен педагогикалық өзара әрекеттесуіне талдау

І-ші тоқсанда оқушылардың отбасыларымен байланыс орнату жұмыстары жүргізілді. Ата-аналар сыныптық және мектеп ішілікіс-шараларға, бірлескен жобаларға, ата-аналар жиналыстарына, жеке кездесулерге тартылды. Менің байқауымша, оқу жылы ішінде ата-аналардың мектепке дегенкөз қарасы оң өзгерді.

Ата-аналармен жеке әңгімелесулер, ата-аналар жиналысында жүргізілген сауалнамалар нәтижесінде балалардың көпшілігі ата-аналарымен жақсы қарым-қатынаста екені анықталды.

Жоспар бойынша ата-аналар жиналысы өткізілді. Ата-аналар балалардың өмірі мен оқуына белсенді қатысуда. Биыл ата-аналар жиналыстарына қатысу деңгейі сәл жоғарылады. Ата-аналардың айтуы бойынша, олардың жиналыстарға қатыса алмауының басты себебі – күндізгі уақытта жұмыспен толықтай айналысуы.

Жиналыстарда жалпы педагогикалық мәселелерден бөлек, нақты тақырыптар да талқыланды: күн тәртібі, оқушылардың үлгерімі мен сабаққа қатысуы, сабақтарды жіберу себептері, мектептегі тамақтану және оқушыларды мектепке тасымалдау мәселелері, балалардың қауіпсіздігі, жол қозғалысы ережелері және т.б.

Тоқсан ішінде ата-аналармен жақсы қарым-қатынас орнатылды. Ең тиімді өзара әрекеттесутүрлері – ата-аналарға арналған жеке және топтық кеңестер болды.

Сыныптың ата-аналар комитеті сынып өміріне белсенді қатысып, барлық сыныптық және мектепішілік іс-шараларды ұйымдастыруға көмектесті, ағымдағы мәселелерді шешуде қолдау көрсетті.

Оқушылармен жеке жұмысқа талдау

Сыныпта сабақта мұқият және белсенді болып, танымдық қызығушылық деңгейі жоғары оқушылар бар. Оларға келесі оқушыларды жатқызуға болады: Қасымбекова Перизат, Омарқұл Сержан

Бұл оқушылар мектеп және сыныптық конкурстарға белсенді қатысты.

Жоспардың ерекшеліктері мен олардың орындалуы

• Әртүрлі іс-шараларды (сынып сағаттары, қауіпсіздік сабақтары, бейнероликтер, челлендждер, акциялар) ұйымдастыру оқушылардың қызығушылығын қолдауға және тәрбие жұмысының тиімділігін арттыруға ықпал етті.

Жалпы қорытынды

Жүргізілген жұмыстың талдауы көрсеткендей, «БІРТҰТАС ТӘРБИЕ» бағдарламасы аясында І-ші жартыжылдықта қойылған мақсаттар мен міндеттертолықтай орындалды. Барлық жоспарланған іс-шаралар мен сынып сағаттары жоғары деңгейде өткізілді. Бағдарлама оқушылардың негізгі құндылықтарын қалыптастыруға және оң дүниетанымын дамытуға ықпал етті.

Іс-шаралар жоспары осы сыныптағы тәрбие жұмысының талаптарына сәйкес жасалды. Іс-шаралар, акциялар, сынып сағаттары, нұсқаулықтар жүйелі түрде өткізілді. Көп уақыт зиянды әдеттердің алдын алу, құқыққа қайшы әрекеттердің алдын алу, оқушылардың денсаулығы мен қауіпсіздігі, рухани-адамгершілік және азаматтық-патриоттық тәрбие мәселелеріне арналды.

Осылайша, тәрбие жұмысының талдауы жалпы алғанда тәрбие процесінің дұрыс бағыты таңдалғанын көрсетті. Оқушылар оқу мен сабақтан тыс қызметте жақсы нәтижелер көрсетуде, ұжым қалыптасқан. Оқушылардың сыныптық және мектепішілік іс-шараларға қатысуы сынып ұжымын нығайтуға және қалыптастыруға ықпал етті.

Сыныптағы тәрбие жұмысының сәтті нәтижесіне келесі факторлар әсер етті:

• Тәрбие жұмысының мектеп жоспарына сәйкес кезеңдербойынша жоспарлануы;

• Тәрбие жұмысының оңтайлы формалары мен әдістерін қолдану (сынып сағаттары, әңгімелер, экскурсиялар, интеллектуалдық ойындар және т.б.);

• Тәрбие жұмысын жүргізуге қажетті жағдайлардың болуы;

• Ата-аналармен тұрақты байланыс орнату және оны қолдау;

• Баланы тәрбиелеуде отбасы мен мектеп талаптарының бірлігін қалыптастыру;

• Ата-аналарды сыныппен жұмыс ұйымдастыруға тарту.

Келесі жұмыс кезеңінде ата-аналардың белсенділігін арттыру, сыныптық істерді бірлесіп жоспарлау және жүзеге асыру, сыныптағы ұжымдық қарым-қатынастар деңгейін арттыру жұмысын жалғастыру, оқушылардың жеке дамуы мен әлеуметтенуіне жағдай жасау үшін ұжымдық шығармашылық қызмет дағдыларын дамыту қажет.

Сынып жетекшісі: А.Аргимбаева

Д.Қонаев атындағы жалпы білім беретін мектеп

2024-2025 оқу жылы

І жартыжылдықтағы тәрбие жұмысына

талдау

Сыныбы: 11 «А»

Сынып жетекшісі: А.Аргимбаева

Кентау