Имиджік мақала-Әлеуметтік педагог және өзін-өзі тану мамандығы-қоғам сұранысы

Әлеуметтік педагог және өзін-өзі тану мамандығы-қоғам сұранысы

Бала шақтан болашаққа қадам басу-адам өміріндегі ең жауапты кезең.Болашаққа апарар жол мамандық таңдаудан басталады.Үлкен өмірге бағыт алғанда аяқты аңдап басып,ойланып шешім қабылдаған абзал.Мен төрт жыл бұрын ғылым жолын таңдап,Әл-Фараби атындағы Қазақ ұлттық университетіне «әлеуметтік педагогика және өзін-өзі тану»мамандығына оқуға түсемін деп шештім.Талай оқушылар арман еткен жоғары оқу орнында грантта оқу мүмкіндігіне ие болып,қазіргі уақытта білім алып жатқаныма шексіз бақыттымын.Бұл жоғары оқу орны оқу-ғылым жұмысындағы көп жылдық тәжірибеге бай.Әл-Фараби атындағы ҚазҰУ – Қазақстан университеттерінің жалпы рейтингінің көшбасшысы.Менің таңдауым «Әлеуметтік педагогика және өзін-өзу тану» мамандығы бойынша Философия және саясаттану факультетінде болды. Бұл факультетте гуманитарлық ғылымдарды оқыту саласында көп жылдық тәжірибесі бар жоғары кәсіби оқытушылар сабақ береді.Мен бұл мамандықты өзімнің жеке қалауыма, осы мамандықтың маңыздылығына және ата-анамның кеңесіне қарап таңдадым.Әлеуметтік педагог – ерекше мамандық.Әлеуметтік педагог – мәселенің алдын алатын, оның туындау себептерін анықтап, жойып, адамдардың мінез-құлқындағы, қарым-қатынасындағы барлық жағымсыз құбылыстардың,ауытқулардың алғашқы алдын алуды қамтамасыз ететін маман.Әлеуметтік педагог – қолайлы, қауіпсіз,салауатты микроортаны құруға бағытталған бастамаларын қолдап, дамыта отырып, мүмкіндігінше көп адамдарды қамтуға ұмтылатын белсенді қоғам қайраткері. Әлеуметтік педагог мамандығы маңызды және өзекті,себебі бұл маман балаларға өмірде өз орнын,өз жолын табуға көмектеседі.Әлеуметтік педагог жұмысының биік мақсаты – «қиын» балалардың қоғамның толыққанды мүшесі болуына көмектесу.Әлеуметтік педагогтың негізгі мақсаты:оқушыларды әлеуметтік қорғау,оларды дамыту,рухани бай,ішкі жан дүниесі еркін, адамгершілікке лайықты өмір құра алатын,бақытты және адамдарды бақытқа жеткізе алатын адамгершілігі мол тұлға тәрбиелеу. Оқушыларды және өз ісімді сүю,өткен және бүгінмен тұрақты диалог жүргізу, балаларды еркіндік пен шығармашылық рухта тәрбиелеу,білім алушыларды ұлы мәдениетімізді сақтау үшін жауапкершілікке дағдыландыру,өз шәкірттерін түсіну және оларға түсінікті болу – бұл менің педагогикалық философиям. Неліктен мен болашақ мамандығымды жақсы көремін?Әр күннің бірегейлігі мен болжауға болмайтындығы үшін,ол маған балалық шақ әлемімен күн сайын араласуға мүмкіндік беретіні үшін,менің мамандығым қажет болған және қажет болатыны үшін.Әлеуметтік педагог – маман, мектептегі жағдай мен ауа-райының барометрі,баланы да,мұғалімді де бірге алып жүретін мұғалім,мұғалім – оқушы – ата-ана арасындағы іс-әрекетті үйлестіруші.«Өзін-өзі тану» пәнінің негізгі міндеті – баршаға және әрбір адамға ортақ мейірімділік,адамгершілік,сүйіспеншілік мүмкіндіктерін ашу.Бұл бүкіл әлем өсіруге тура келетін құнарлы дәндер, сол әмбебап қабілеттер,соның арқасында адам тұлғаға айналады - сүйіспеншілік пен жанашыр,шыдамды,көпшіл және өзара түсіністік пен төзімділікке дайын,қарама-қайшы көзқарастарды және мәдени дәстүрлерді құрметтегені үшін,сондықтан бақытты өмірдің әрбір сәтінен қуаныш сезінеді.Қазақ Ұлттық Университетінен алған өмірлік сабағым,тәжірибелік сапалы білімім ұшан-теңіз.Осы оқу орнында оқи отырып өз мандығымның қыр-сырын аштым,балаларға деген сүйіспеншілігім артты,ғылымы зерттеу қабілетім дамыды.Болашақта шебер әлеуметтік педагог болуға мүмкіндік берген,әлемдік ең үздік оқу орны қатарындағы білім ордасы мен баланың жүрегіне нұр ұялата білетін әлеуметтік педагог болатынымды мақтан тұтамын.

Әл-Фараби атындағы ҚазҰУ

«Әлеуметтік педагогика және өзін-өзі тану» мамандығының

4 курс студенті-Жалғасбаев Серікбол

Ғылыми жетекші:Педагогика және білім беру менеджменті кафедрасы философия ғылымдарының кандидаты,доцент Ашекеева Қ.Н.