9-сыныпқа арналған информатика пәнінен

«Информатика білгірлері» сайыс сабақ жоспары

Информатика пәні мұғалімі: Д.Сатымбекова

Тақырыбы: «Информатика білгірлері»

Мақсаты:

Оқушылардың информатика пәнінен білімдерін тереңдету;

Логикалық ойлау қабілетін дамыту;

Компьютерлік сауаттылықты арттыру.

Сабақтың түрі: Сайыс сабақ

Құрал-жабдықтар: Компьютер, интерактивті тақта, презентация, тест тапсырмалары

Сайыстың құрылымы:

1. Ұйымдастыру кезеңі

2. Сайыс кезеңдері

3. Қорытынды және марапаттау

1. Ұйымдастыру кезеңі

Қайырлы күн құрметті әріптестер және білімге құштар оқушылар. Бүгінгі 9 «А және Ә» сыныптардың «Информатика білгірлері» сайысына қош келдіңіздер. Ендеше сайысқа қатысатын командалармен таныс болсақ 9 «А» сыныбы «Қыран» командасы және 9 «Ә» сыныбы «Алаш» командасы. Командалармен таныс болсақ сайысымызды бастаймыз.

1-кезең: «Информатика білгірлері» сұрақтарға жауап беру,

Әрбір дұрыс жауапқа 1 балл

2-кезең: «Кім жылдам?» баскетбол тест яғни жылдам жауап беру

Әрбір дұрыс жауапқа 1 балл

3-кезең: «Сәйкестендір» берілген құралдарды сәйкестендіру қай команда бірінші сәйкестендіріп болады сол командаға 6 балл беріледі.

4-кезең: «Домино» ойыны қай команданың қолында карта қалмайды сол командаға 5 балл беріледі

1-кезең: Интерактивті тақтада тұрған «Кітапханадағы қызықты кітапшалар» әдісі арқылы сұрақтарға жауап беру

(Әр дұрыс жауапқа 1 ұпай)

1. Ақпаратты уақытша сақтайтын құрылғы қалай аталады?

Жауабы: Жедел жады (RAM).

2. Компьютерге қосылған сыртқы құрылғылар қалай аталады?

Жауабы: Принтер, сканер, флешка

3. Chatbot деген не?

Жауабы: Автоматты түрде жауап беретін бағдарламалық агент

4. Жасанды интеллект (AI) дегеніміз не?

Жауабы: Машиналардың адам секілді ойлау қабілетін дамытуға бағытталған технология

5. Робототехника дегеніміз не?

Жауабы: Роботтарды жасау және бағдарламалау саласы

6. Архиватор дегеніміз не?

Жауабы: Файлдардың көлемін қысқартуға арналған бағдарлама (мысалы, WinRAR, 7-Zip)

7. Браузер дегеніміз не?

Жауабы: Интернетті көруге арналған бағдарлама (мысалы, Chrome, Firefox, Edge)

8. Компьютерлік вирус дегеніміз не?

Жауабы: Компьютердің жұмысына зиян келтіретін бағдарлама

9. Программа дегеніміз не?

Жауабы: Компьютерде белгілі бір тапсырманы орындауға арналған кодтар жиынтығы

10. Алгоритм дегеніміз не?

Жауабы: Белгілі бір мақсатқа жету үшін орындалатын әрекеттер тізбегі

11. Word бағдарламасы не үшін қолданылады?

Жауабы: Мәтіндік құжаттарды жасау, өңдеу және форматтау үшін

12. Windows дегеніміз не?

Жауабы: Операциялық жүйе

2-кезең: «Баскетбол» әдісі арқылы интерактивті тақтадағы сұрақтарға «Кім жылдам?» жылдам жауап беру

(Әр дұрыс жауапқа 1 ұпай)

1. Ақпараттың өлшем бірлігі қандай?

А) Километр, метр

В) Бит, байт

С) Литр, грам

D) Ампер, вольт

2. Компьютердің негізгі құрылғыларына не жатады?

А) Принтер, сканер, калонка

В) Флешка, модем, диск

С) Пернетақта, монитор, жүйелік блок, тышқан

D) Процессор, аналық тақша, желдеткіш

3. Бағдарламалау тілдерінің мысалын көрсетіңіз?

А) HTML, CSS

В) Photoshop, CorelDRAW

С) Python, C++, Java

D) Google Chrome, Mozilla Firefox

4. Компьютердің ең басты құрылғысы қандай?

А) Жүйелік блок

В) Пернетақта

С) Монитор

D) Принтер

5. Компьютер жадының түрлері қандай?

А) Пернетақта, тышқан

В) Аналық тақша, процессор

С) Принтер, сканер

D) HDD, SSD, RAM, ROM

6. Алгоритмнің түрлері қандай?

А) Көпбұрышты, тікбұрышты

В) Мәтіндік, графикалық

С) Дыбыстық, бейнелік

D) Сызықтық, тармақталған, циклдік

7. Excel бағдарламасында формула қандай символмен басталады?

А) +

В) =

С) -

D) *

8. Вирусқа қарсы бағдарламаларды көрсетіңіз?

А) Avast, Kaspersky, Dr.Web

В) Microsoft Word, Excel

С) Google Chrome, Mozilla Firefox

D) Photoshop, CorelDRAW

9. Компьютердегі деректерді уақытша сақтайтын жад қалай аталады?

А) ROM (тұрақты жад)

В) RAM (Жедел жад)

С) HDD (Қатқыл диск)

D) SSD (Жылдам диск)

10. Paint қандай бағдарлама түріне жатады?

А) Антивирус

В) Браузер

С) Графикалық редактор

D) Операциялық жүйе

11. Оперциялық жүйенің қызметі қандай?

А) Интернетке қосылу

В) Программаларды орнату

С) Компьютердің жұмысын басқару

D) Файлдарды сақтау

12. Компьютердің тұрақты жады қалай аталады?

А) ROM

В) HDD

С) SSD D) RAM

13. Excel бағдарламасында қандай элементтер бар?

А) Слайд, анимация, бейне

В) Блок-схема, алгоритм, код

С) Графика, дыбыс, видео

D) Ұяшық, жол, баған

14. Компьютердің жылдам жұмыс істеуіне әсер ететін негізгі компонент қандай?

А) Монитор

В) Тышқан

С) Принтер

D) Процессор

15. Python қандай бағдарламалау тіліне жатады?

А) Компьютерлік вирус

В) Жоғары деңгейлі бағдарламалау тілі

С) Операциялық жүйе

D) Графикалық редактор

16. Компьютерлік вирустардан қорғану үшін не қолданылады?

А) Антивирус бағдарламалары

В) Калькулятор

С) Блокнот

D) Дыбыс жазу бағдарламасы

3-кезең: «Сәйкестендір» берілген құралдарды сәйкестендіру

Партада тұрған информатика сабағында қолданылатын құралдарды сәйкестендіру керек, кім бірінші сәйкестендіріп бітеді сол командаға 6 балл беріледі. Ал ендеше командалар дайын болса бастаймыз.

4-кезең: «Домино» ойыны бұл ойынды бәріміз білеміз, қай команданың қолында карта қалмайды сол командаға 5 балл беріледі. Ендеше біз бастаймыз.

Қорытынды және марапаттау