Инновациялық топ

Н.Баймұратов атындағы орта мектебі

2025–2026 оқу жылы

Мектепішілік пән олимпиадасының қорытындысы бойынша проблемалық талдау

Оқу ісі меңгерушісінің талдауы

Мақсаты:

Оқушылардың пәндік білім деңгейін анықтау, дарынды оқушыларды іріктеу, аудандық кезеңге үміткерлер дайындау.

Жалпы сипаттама:

2025 жылдың қараша айында мектепішілік пән олимпиадасы 5–11 сыныптар арасында өткізілді. Олимпиадаға 10 пән бойынша 23 оқушы қатысты. Қатысу көрсеткіші өткен жылмен салыстырғанда 8% артқан.

Нәтижелердің талдауы:

- Жоғары нәтиже көрсеткен пәндер: математика, биология, қазақ тілі мен әдебиеті.

- Орташа нәтиже көрсеткен пәндер: география, тарих, ағылшын тілі.

- Төмен нәтиже: физика, орыс тілі, химия.

Проблемалар:

1. Кей пәндер бойынша (физика, орыс тілі) оқушылардың пәндік дайындық деңгейі төмен.

2. Кей сыныптардан (әсіресе 9–10) қатысу белсенділігі төмен болды.

3. Оқушылардың логикалық ойлау мен тапсырма құрылымын түсіну қабілеттері жеткіліксіз.

4. Кей мұғалімдер олимпиадаға дайындықты жүйелі түрде ұйымдастырмаған.

Ұсыныстар:

- Әр пән мұғалімі дарынды оқушылармен тұрақты дайындық кестесін бекітсін;

- Олимпиадалық резерв үйірмелері жұмысын жандандыру;

- Оқушылардың логикалық ойлауын дамытуға бағытталған қосымша сабақтар өткізу;

- Қатыспаған сынып жетекшілермен түсіндіру жұмыстарын жүргізу;

- Төмен нәтиже көрсеткен пән мұғалімдеріне әдістемелік көмек көрсету.

Қорытынды:

Мектепішілік олимпиада – дарынды оқушыларды анықтауда маңызды құрал. Мәселелерді шешу үшін мұғалімдердің бірлескен жұмысы мен жүйелі дайындық қажет.

Н.Баймұратов атындағы орта мектебі

Озық тәжірибелі мұғалімдердің ашық есік күні

Мақсаты:

Мектеп мұғалімдерінің кәсіби тәжірибе алмасуын ұйымдастыру, жас мамандарға әдістемелік қолдау көрсету, үздік педагогтердің озық іс-тәжірибесін тарату.

Өткізу формасы:

- Ашық сабақтар

- Шеберлік сағаттары

- Пікір алмасу алаңы

- Рефлексия және кері байланыс

Қатысушылар:

- Озық тәжірибелі мұғалімдер

- Жас мамандар

- ӘБ жетекшілері

- Әкімшілік өкілдері

Күтілетін нәтиже:

- Мұғалімдердің әдістемелік шеберлігін арттыру

- Сабақ сапасын жақсарту

- Ынтымақтастық пен кәсіби қолдау мәдениетін дамыту

Ұсыныс:

Ашық есік күнін тоқсан сайын өткізіп, нәтижелерін әдістемелік бірлестік отырыстарында талқылау.