Интеграция мысал

Базилбекова Д.С.

Алматы облысы, Көксу ауданы,

Айнабұлақ бекеті

№12 орта мектебі КММ

Дүниетану сабағы

2 сынып

Тақырыбы: «Cудың қасиеті»

Адам денесі 70 пайыз судан құралады. Су тіршілік көзі деп бекер айтылмаған. Себебі алғашқы тіршілік судан басталады жердегі көп таралған заттың бірі су. Су барлық адамзатқа ештеңе дәметпей риясыз қызмет етеді.

Мұхит, теңіз көл, өзендерден басқа барлық тірі ағзаның құрамы судан тұрады. Судың өзіндік қасиеті бар. Ол түссіз, еріткіш, пішінсіз, ағатын, иіссіз, дәмсіз.

Біздің мемлекетіміз үшін су қорын қорғау негізгі мәселелердің бірі. Дүние жүзінде адамдардың суды өндірістік және шаруашылық мақсатта пайдалануының салдарынан тұщы су қоры азайып, олардың ластануына әкеліп соғуда.

Сол үшін жер шарының әр тұрғыны су көздерін үнемді пайдаланып, су көздерінің тазалығын сақтауы қажет.

Су табиғаттың сыйы. Су мөлдір, таза. Сондықтан судан үлгі алуымыз керек. Адам да су сияқты үнемі өз бойын таза ұстауы керек. Яғни судың мөлдірлік, тазалық қасиеттері сияқты адам да өз бойындағы қасиеттерін мөлдірдей таза ұстауы тиіс.

Судың есте сақтау қабілеті бар. Жапония зерттеушісі Эмото Масару су құрамының өзгеретіндігін зерттеген. Екі бірдей ыдысқа су құйып, біреуіне жақсы, ұнамды, жағымды сөз, екіншісіне жаман, жағымсыз сөз жазылған қағаз жапсырған. Сулардан түзілген кристалдарға қарағанда, жағымды сөз жазылған су кристалының өте әдемі, ал жағымсыз сөз жазылған судағы кристалдардың пішіні бүлінгендігі анықталған. Суды ішкен кезде адамның ойы, көңіл күйі жақсы болса, судың құрамы да жақсы болып өзгереді, ал адамның ойы, көңіл күйі жаман болса, судың құрамы жаман болып өзгереді де адамға жаман әсер етеді.

Сол себепті адамның ойы жақсы ниетті, сөзі ойына сай жақсы, таза, ісі де ойы мен сөзіне сәйкес дұрыс, адал, қайырымды болуы керек.

Суды үнемдеу, қорғау, сақтау әрбір адамның парызы.