Интеллектуалды сайыс "Көңілді тапқырлар" 1 сыныптар

Күні: 27.01.2017

Тақырыбы:«Көңілді тапқырлар интеллектуалды сайыс»
Мақсаты: Оқушыларды өз бетінше ізденуге, ойларын еркін жеткізе білуге үйрету. Ой - өрісін, тілін, ойлау қабілетін дамыту. Шығармашыл белсенді тұлға тәрбиелеу.
Көрнекіліктер: интербелсенді тақта, мақал - мәтелдер жазылған карташалар, сызба, сандар.
Түрі: ойын.
Сабақтың барысы:
І. Ұйымдастыру кезеңі
- Құрметті ұстаздар, оқушылар! Еліміздің болашағы тек қана білімді жастар екені даусыз. Осы мақсатпен 1 - ші сынып оқушыларының арасында «Көңілді тапқырлар » атты интеллектуалды ойынын өткізгелі отырмыз.
Көңілді тапқыштар, алғырлар,
Бар өнерін алдарыңа салады.
Кім білімді, көп оқыған болса егер,
Бүгінгі күн жеңімпазы болады.
І - кезең.

- Ең алдымен сайысқа қатысушылармен танысып өтейік.

1 «А» - «Тапқырлар»

1 «Ә»- «Сұңқар»

1«Б»- «Білгіштер»

1 «В»- «Қырандар »

1 «Г» -« Достық »

Біздің міндетіміз сапалы, білімді жастарды тәрбиелеу.
Сайыстың әділ бағасын беретін, әділқазы алқасымен таныс болыңыздар.

Бастауыш сынып мұғалімі 1.Жанабаева М.К

2. Ермаханова А.С

3.Аралбаева В.Е

2-кезең

«Бәйге»

«Тапқырлар» тобы

1. Қазақтан шыққан тұңғыш ғарышкер?

2. Түйе пірі кім?

3. Күйді орындаушы адам?

«Сұңқар» тобы

1. Заттың атын білдіретін сөз табы?

2. Әліппенің атасы кім?

3. Мемлекеттік рәміздерге нелер жатады?

«Білгіштер» тобы

1. Алғаш мектеп ашқан ұстаз кім?

2. Дауысты дыбыстар нешеге бөлінеді?

3. Заттың қимылын білдіретін сөз табы?

«Қырандар» тобы

1. Орман дәрігері не?

2. Қазақтың ұлы ақыны кім?

3. Заттың санын білдіретін сөз табы?

«Достық» тобы

1. Табиғат нешеге бөлінеді?

2. Өзара кері амалдарды ата?

3. 16 желтоқсан қандай мереке?

Мәңгі бақи есте қалар,
Қызықты бір жиын болсын.
Білімдірек шәкірт озар
Сұрақтары қиын болсын – дей отырып

 ІІІ кезең. «Тіл өнері».

« Буындардан мақал құрастыру »

А на ның кө ңі лі ба ла да

Ба ла ның кө ңі лі да ла да

IV кезең «Ойнайық та ойлайық» Бұл кезеңде суреттен ертегі кейіпкерлерін құрастыру.
Қорытынды жасаймыз.
Сөз әділқазы алқасына беріледі.
Тауды биік деме сен,
Талаптансаң, шығарсың.
Қарсылас мықты деме сен,
Білімді болсаң, шығарсың – дей отырып, сайысымыздың жеңімпазын анықтау үшін сөз кезегін әділ - қазыларға береміз.
Жеңімпаз топты анықтау, дипломдар мен сыйлықтар табыс ету.

«Теміртау қаласының №4 жалпы білім беретін орта мектебі»КММ

«Көңілді тапқырлар» интеллектуалдық сайысы

(1-сынып)

2016-2017оқу жылы