Интербелсенді сабақ "Мемлекет нысаны"

Сабақ тақырыбы: Мемлекет нысаны

Сабақтың мақсаты:

1. Білім алушыларға мемлекеттің басқару, құрылым, саяси жүйесін түсіндіріп, оның мемлекеттегі орны туралы мағлұмат беру.

2. Білім алушылардың танымдық қызығушылықтарын арттыру, ізденістерін дамыту, өзіндік көзқарастарын қалыптастыру.

3. Өз ойын толық, әрі еркін жеткізуге, ізеттілікке тәрбиелеу.

Көрнекіліктер және техникалық жабдығы: интерактивті тақта, үлестірмелі материалдар, құрал-жабдықтар, презентациялар, оқулықтар

Сабақтың түрі: ізденіс сабақ

Сабақтың әдісі: пікір алмасу, сұрақ-жауап

Пәнаралық байланыс: Қазақстан Республикасының мемлекет және құқық тарихы, Конституциялық құқық, құқық негіздері

Сабақтың барысы:

І. Ұйымдастыру: (1 минут)

1. Топ студенттерімен амандасу

2. Топ студенттерін түгендеу

3. Аудитория тазалығын қадағалау, топ студенттерін сабаққа бейімдеу

Жаңа сабақты түсіндірмес бұрын аудиториядағы білім алушыларды бүгінгі өтетін тақырыпқа сай 3 топқа бөліп аламыз. Ол үшін топтағы білім алушылар 3 түрлі фигураларды таңдайды.

1 топ қызыл- Мемлекетті басқару нысаны

2 топ сары -  Мемлекеттің құрылым нысаны

3 топ жасыл - Саяси режим

Сол таңдаған фигуралардың сәйкестігіне байланысты өз орындарына жайғасады.

ІІ. Жаңа материалды меңгеруге дайындық: (2)

Жаңа тақырыпты түсіндірмес бұрын оқытушы бүгінгі өтілетін тақырыпты ашу және мақсатын қою үшін біренеше сұрақтар қояды. Олар:

1.Билікті мұрагерлік бойынша өмір бойы иелену?
2.Күштеу арқылы құрылатын күрделі мемлекет?
3.Президентті және Үкіметті сайлау құқығына ие заң шығарушы орган?
4.Күрделі, одақтас мемлекет, оның бөліктері мемлекеттік құрылымдар болып табылады 5.Саяси құқықтар мен бостандықтарды жоққа шығаратын мелекет?

Соныменен жаңа сабағымыздың тақырыбын айқындап, «Мемлекет нысанына» қысқаша түсінік беріледі.

«Мемлекет нысаны» - бұл қоғамның басқару, мемлекеттік құрылым және саяси режим нысандарынан құралған құрылымдық ұйымдастырылуы.

ІІІ. Жаңа білімді меңгерту: (15 минут)

Әр топқа бөлінген білім алушыларға жеке тақырыптар бойынша мәтіндер мен кестелер беріледі. Сол материалдарды жинақтап, өздеріне берілген тақырыптар бойынша тақырыптың мәнін ашып постер қорғайды. Басқа топтағы білім алушыларға түсіндіреді.

1 топ қызыл- Мемлекетті басқару нысаны

2 топ сары -  Мемлекеттің құрылым нысаны

3 топ жасыл- Саяси режим

IV. Сабақты бекіту тапсырмалары: (20 минут)

1. «Тест» тапсырмасы

Әр топқа тест өтілген жаңа тақырып бойынша тест тапсырмалары беріледі. Тест тапсырмасы тақтада көрсетіледі. Монитордың көмегімен. Дұрыс емес жауап берілетін болса, қызыл жанады, дұрыс жауапқа жасыл.

2. «Ребус» шешу

Әр топқа суреттермен бейнеленген ребус беріледі. Бүгінгі тақырыпқа сай сөздерді табу керек.

3. «Жорамал диктант» «Мемлекет нысаны»

Әр топқа бірдей нұсқада бос орындар қалып қойған мәтіндер беріледі. Сол бос орындарға тақырыпқа сай сөздерді қойып, мәтіндерді толықтыру керек.

4. «Тапқыр болсан шешіп көр» ойыны

Ойын шарты бойынша: Студенттерге Ғ. Сапарғалиев, А. Ибраева «Мемлекет және құқық теориясы» оқулығы таратылады және 3 топқа 3 түрлі мемлекеттердің атауы беріледі. Сол берілген мемлекеттердің басқару, құрылым және саяси режимі бойынша сипаттама беру керек.

1. Қытай

2. Ресей

3. Корея

Сергіту сәті «Тәуелсіз Қазақстан» тақырыбында бейнефильм көрсету. /5 мин./

V. Бағалау. (1минут)

VI. Үйге тапсырма: (1 минут)                                                     

ЖШС «КАСПИЙ ӨҢІРІ «бОЛАШАҚ» колледжі»

«Келісілді» «Бекітемін»

Озат тәжірибе мектебінің Әдістемелік кабинет меңгерушісі

жетекшісі

­­­­____ Дүйсенова Г. _____________ Р.К. Кадирханова

« __» _ ­­­­__2019ж. « __ » _________ 2019ж.

Интербелсенді сабақ

Тақырыбы: «Мемлекет нысаны»

Өткізген: оқытушы А.А.Утенова

Ф.Ж.Ауезова