Бөлімі:

1-бөлім. Ақпараттық этикет (ортақ тақырып: «Саяхат»)

Педагогтің аты-жөні:

Кожахметова Майя Мурадымовна

Күні:

22.01.2023

Сыныбы:

Қатысушылар саны: 21 Қатыспағандар саны: 0

Сабақтың тақырыбы:

Интернеттегі ақпараттың бәрі пайдалы ма?

Оқу бағдарламасына сәйкес оқу мақсаты

1.3.1.1 желідегі ақпараттың барлығы сенімді, пайдалы емес екенін түсіну.

Сабақтың мақсаты:

Интернет және желідегі ақпаратпен танысады.

Сабақ кезеңі/Уақыты

Педагогтің іс-әрекеті

Оқушының іс-әрекеті

Бағалау

Ресурстар

(Ұ) Ұйымдастыру кезеңі:

1-7 мин.

1. Сәлемдесу.

2. Оқушылар-ды түгендеу.

Ширату тапсырмасы. «Бұлт үстіндегі саяхат» ойыны

Нұсқау: көздеріңді жауып, ыңғайлы отырыңдар. Екі-үш рет терең дем алыңдар. Мен сендерді бұлт үстімен саяхатқа шақырмақшымын. Томпақ жастықтардан құралған жұмсақ тауға ұқсаған аппақ мамық бұлт үстіне секіріңдер. Аяқтарың, арқаларың, барлық денең осы үлкен бұлт жастыққа ыңғайлы орналасқанын сезініңдер. Саяхат басталады. Бұлт жайлап, көк аспанға көтеріледі. Самал жел беттеріңнен сипайды. Мұнда. Биік аспанда мүлгіген тыныштық орнаған. Бұлт сендерді өздеріңді бақытты сезінетін жерге жеткізеді. Бұл жерде сендер өздеріңді байсалды сезінесіңдер. Осы жерде ғажайып және таңқаларлық оқиға орын алуы мүмкін....(30 секунд). Енді сендер тағы да бұлт үстіндесіңдер. Ол сендерді қайтадан сынып ішіне әкеле жатыр. Бұлттан түсіп, оған рақмет айтыңдар...Бұлт ақырындап ауада ери бастайды. Қолдарыңды созып, көздеріңді ашыңдар, сендер сергек, ширақ, зейіндісіңдер. /Бұл ойын оқушыларға психологиялық жағымды көңіл-күй сыйлайды/.

Топтастыру:

«Мозаика» әдіс. Оқушылар мұғалім үстелінен сурет бөлігі бейнеленген бір дана қағаз қиындысын таңдап алады. Алынған қағаз қиындысында бейнеленген суретті жинақталып құрастыру арқылы екі топқа бірігеді.

1-топ: «Интернет»

2-топ: «Браузер»

Оқушылар сөздерді таңдап, топқа жиналған соң, сурет туралы өз ойларын айтады.

5. Сабақтың тақырыбы, мақсаты, критерийлерімен таныстыру

(МК, Ұ) Ой қозғау. «Миға шабуыл» әдісі.

Алдыңғы білім мен жаңа сабақты байланыстыру мақсатында төменде берілген сұрақтарға мұғалімнің көмегімен (бағыт-бағдары, нұсқауымен) жауап іздейді.

• Инернет, ютуб, желі сөздері таныс па саған?

• 1,2 -суреттерде не бейнелеген? Ойыңмен бөліс.

• Интернет, Ютубты не үшін қолданасың?

Сен қажетті ақпаратты қайдан іздейсің? Электронды оқулықта берілген 3-суретке қарап әңгімеле.

Электронды оқулық (флешка)

Жаңа сабаққа дайындық.

Жаңа сабақ. «Броундық қозғалыс» әдісі

Сынып ішіне тақырыпқа қатысты мәліметтер мен ақпараттар орналастырылады. Оқушылар бүкіл сынып ішінде қозғала жүріп, берілген тақырып бойынша ақпарат жинайды. Ары қарай оқушыларға жаңа білім бойынша мұғалімнің түсіндіру кіріспе сөзі жүргізіледі.

Желі – бір компьютерді екіншісімен жалғайтын сым.

Интернет – әлемдегі барлық компьютерді қосатын желі.

Браузер – компьютерден Интернетті ашатын программа.

Сабақтың ортасы

(26 мин)

(Т) «Суреттер сөйлейді» әдісі.

Интерактивті тақтадан екі түрлі бейнедегі сурет көрсетіледі. Оқушылар топта ақылдасып, өз ойларымен бөлісіп, суреттерді бейнелейді.

• 5-суретке назар аудар. Балалар не істеп жатыр?

• Олар бос уақытын қалай өткізуде?

• Екі суретті салыстыр. Ойыңмен бөліс.

Дескриптор:

• Топта бірігіп, суреттермен танысады.

• Суреттерді салыстырады.

• Топтар арасында өз ойымен бөліседі.

ҚБ: Мұғалім топтық жұмыста белсенділік танытқан оқушыларды «Фигуралар» әдісі арқылы бағалайды. Жұлдызша – «Жарайсың!». Тіктөртбұрыш – «Жақсы!». Үшбұрыш – «Талпын!».

Интерактивті тақта

(Ж) «Ойлан, жұптас, бөліс» әдісі.

Қай ақпараттық көзден басқасымен салыстырғанда көп ақпарат алуға болады (6-сурет)?

Дескриптор:

• Берілген суреттермен танысады.

• Суреттерді салыстырады.

Ең көп ақпарат алуға болатын ақпараттық көзді анықтайды

ҚБ: Мұғалім жұптық жұмыста белсенділік танытқан оқушыларды «Фигуралар» әдісі арқылы бағалайды. Жұлдызша – «Жарайсың!». Тіктөртбұрыш – «Жақсы!». Үшбұрыш –

«Талпын!».

(Ө) Оқулықта берілген 7-сурет бойынша талдау жасайды.

Қай суреттегі ақпарат сен үшін пайдалы (7-сурет)? Себебін түсіндір.

Дескриптор:

• Берілген суреттермен танысады.

• Суреттерді саыстырады.

• Пайдалы ақпаратпен қамтылған суретті анықтайды.

• Себебін түсіндіреді.

ҚБ: Мұғалім белсенділік танытқан оқушыларды «Фигуралар» әдісі арқылы бағалайды. Жұлдызша – «Жарайсың!». Тіктөртбұрыш – «Жақсы!». Үшбұрыш – «Талпын!».

Сабақтың соңы

7 мин.

Сабақты бекіту. Рефлексия.

(Ұ). Оқушылар төменде берілген қорытынды сұрақтарға жауап береді.

• Бүгін мен не білдім?

• Қалай жұмыс жасадым, кімге көмек бердім?

• Сабақ маған ұнадыма? Неліктен?

• Мен сабақта өзімді қалайша сезіндім?

• Интернеттің адам үшін қандай пайдасы бар?

ҚБ: Мұғалім сабақта белсенділік танытқан оқушыларды «Фигуралар» әдісі арқылы бағалайды. Жұлдызша – «Жарайсың!». Тіктөртбұрыш – «Жақсы!». Үшбұрыш – «Талпын!».

Интерактивті тақта