Іс-шара: Мақал – сөздің мәйегі

Іс-шараның тақырыбы: Мақал – сөздің мәйегі

Іс-шараның мақсаты: 

Мақал- мәтелдерді оқыту арқылы қазақ тіліне деген қызығушылын арттыру, сөздік қорын дамытуға, көркем сөйлеуге, өз ойын еркін және дәл жеткізуге, тоқсан ауыз сөздің тобықтай түйінін айтуға, ұшқыр және ұтымды ойлауға дағдыландыру. Мақал- мәтелдер арқылы қазақ тілінің тілдік байлығын, өміршеңдігін, әуезділігін бойларына сіңдіру.

Іс-шараның барысы: 

Жарыстың 1-бөлімі. Әр сынып жеке-жеке топ болып есептелінеді. Топ мүшелері топтың атауын ойластырып, топ басшысын тағайындау керек. Топтарға ақ парақ таратылады, топ басшысы топ мүшелерімен таныстырады, парақтағы сын есімдермен сипаттайды. Дұрыс және тез жұмыс жасаған топқа ұпай беріледі.

Жарыстың 2-бөлімі. Мақал немесе мәтел мағынасына салынған суреттер беріледі. Топтардың міндеті олардың мағынасын дұрыс табу. Әрбір дұрыс жауапқа ұпай саны беріліп отырады.

Аң патшасы – арыстан.

Қарға баласын «аппағым» дейді, кірпі баласын «жұмсағым» дейді.

Күш – білімде, білім – кітапта.

Ас атасы – нан.

Отансыз адам – ормансыз бұлбұл.

Бірінші байлық – денсаулық.

Сергіту сәті: «Қолтырауын» ойыны. Топ мүшелері адын ала дайындалған сөздерді қимыл-әрекет арқылы көрсетіп жасырады. Сөздер: қарға, арыстан, кітап, ана, нан, үй, күш, бұлбұл, кірпі, жұмсақ, аппақ, Отан, жеті, сүт, жапырақ, бала, ата, білім, орман, тіл.

Жарыстың 3-бөлімі. Қазақ тілінде берілген мақалды аяқта:

Өз үйім ... .

Ата – бәйтерек, ... .

Ата – анаң бар болсын, ... .

Ананың – сүті бал, ... .

Ердің анасы – ... .

Ағайын – алтау, ... .

Өнерлі өрге ... .

Жеті рет өлшеп, ... .

Аз сөз – алтын, ... .

Жарыстың 4-бөлімі. Мақал-мәтелдерге қатысты сөздер арқылы мақалдардың толық нұсқасын табу. Әр дұрыс жауапқа ұпай жинайды.

Сөздер: оттан, отбасынан, қорқақ, оқ, туған жердей, тіл кеспек, дақылымен.

Іс-шараның қорытындысы: 

Жинаған ұпай сандары бойынша жеңімпаздарды анықтау және ынталандыру сыйлықтарымен марапаттау.