Іскерлік қарым қатынас
этикасы
Әл-Фараби атындағы Қазақ
ұлттық университеті - бетке ұстар жетекші жоғары оқу орындарының
бірі. Негізі қаланғаннан бері әртүрлі жоғары белестерді бағындырып,
қазіргі таңда әлемдік оқу орындарының арасында өз дәрежесін нық
орнықтырған білім және ғылым ордаларының алпауыты болып
саналады.
Осындай алдыңғы қатарлы білім
ордасында болашақ мамандардың тұтас педагогикалық үдерісті және
басқару ісі бойынша кәсіптік-психологиялық құзіреттілігін
қалыптастыру мен дамыту мақсатында "Басқару психологиясы" пәні
оқытылады.
Басқару психологиясы
іс-әрекетті арнайы басқарудың және психологиялық жағдайдың
талдамалы модельдерін және еңбектің сапасын көтеруге бағытталған
пәнаралық ғылым. Ұжым мен компанияны, мекеме мен қоғам мүшелерін
тиімді басқару көздерін қарастырады.
Аталған пәннен психология
ғылымдарының кандидаты, профессор
Жұбаназарова Назираш
Сулейменовна 1 курс магистранттарына
“Іскерлік қатынас және кәсіби қарым-қатынас психологиясы”
тақырыбында дәріс оқыды. Семинар сабақтарында іскер адам
психологиясы, іскерлік этикасы, кәсіби қарым-қатынас тақырыптарын
талдап, пікір алмастық. Сабақ соңында дәрісте, семинарда айтылған
ақпараттарды қорытып “Іскер адамның психологиясы және іскерлік
этикасы” туралы психологиялық жоба
құрастырдық.
Іскерлік қарым-қатынас
(байланыс, коммуникация) дегеніміз қызмет саласында адамдар
арасында байланысты дамытудың күрделі, көпжоспарлы үрдісі, яғни,
бірлескен істе нақты нəтиже мен нақты мəселелерді шешетін іскерлік
ақпарат мен тəжірибе алмасу үрдісі.
Іскерлік
этика - қоғамның лауазымды тұлғалары,
қызметкерлері өз қызметінде басшылыққа
алатын қызметтік мінез-құлық
ережелері мен нормалар жиынтығы, іскерлік қарым-қатынастың
моральдық және этикалық принциптері мен
нормалары.
Іскерлік этикасы
жауапкершілік, уақытты дұрыс басқару (тайм менеджмент), киіну
мәдениеті, сыйластық сияқты қарапайым дүниелерден бастау алады.
Этикет одан әрі іскерлік қарым-қатынасқа ұласады. Оған әріптестерге
сіз деп сөйлеу, “мырза”, “ханым” атауларын қолдану т.б. жатады.
Сонымен, іскерлік этика мен іскерлік қарым-қатынас бір-бірімен
тікелей байланысты ұғымдар. Кез келген ұжымда қызмет атқаратын адам
іскерлік қарым-қатынас пен этиканы білуі
шарты.
Басқару психологиясы пәнін оқу
арқылы білім ордасынан диплом алып шыққан мамандар қоғамда және
кәсіби ортада коммуникативтік дағдыларды көрсетіп, топта ұжыммен
еркін жұмыс істей алады, даулы жағдайларды оңай шешеді, өз ойын
ұжымның пікірімен салыстыра алады.
Жубаназарова
Н.С.
психология ғылымдарының
кандидаты, профессор
Мұхтар
Тоқжан
Әл-Фараби атындағы ҚазҰУ
магистранты