Ислам дініндегі бағыттар. Шариғат. Мұсылман құқығының негізгі мектептері мен жолдары

9 сынып . «Зайырлылық және дінтану негіздері» 15.01.2018ж

Тақырып. Ислам дініндегі бағыттар. Шариғат. Мұсылман құқығының негізгі мектептері мен жолдары

Оқыту мен тәрбиелеудің міндеттері:

1.Оқушыларға Ислам дініндегі бағыттар. Шариғат. Мұсылман құқығының негізгі мектептері мен жолдары туралы тың мәліметтер беру, жалпы рухани-адамгершілік қасиеттердің маңызын түсіндіре отырып, олардың білімін қалыптастырып, дамыту.

2.Оқушылардың аналитикалық ойлау, есте сақтау, теологиялық тұрғыдан ойлауға және сыни көзқарастарын дамытуға ықпал ету.

3.Оқушыларға патриоттық тәрбие беру, діни-саяси мәдениетке баулу.

Мақсаты: діни сауаттылықтарын қалыптастырып, тұжырымдау дағдыларын дамыту.

Құрал-жабдықтар, көрнекті құралдар: қима-қағаздар, жетондар, трек-сызба, кубик, тақта т.б.

Сабақтың типі: жаңа тақырыпты түсіндіру сабағы.

Әдісі: интерактивті оқыту әдісі.

Сабақ барысы:

I. Ұйымдастыру кезеңі.

II. Жаңа материалды түсіндіру

Ислам

Орта Азия және Қазақстан территориясына Ислам VII ғ. ІІ жартысында Омеядтық халифа Муави Ибн Суфиянның тұсында енді. Дін таратушылардың қолбасшысы Құтайба Мүслім ұлы еді. Ол жаулауды Бұхара, Самарқанд, Насаф, Мерв, Хорезм, Баласағұн сияқты үлкен қалалар орналасқан Маверанахрдың төңірегінен бастаған еді. Ал қазіргі Қазақстан төңірегінде Исламның орнығуы Әбу Мүсілім бастаған мұсылман әскерінің 751 жылы шілде айында Талас маңындағы Ахлет (Атлах) деген жерде болған соғыстың жеңіске жетуі үлкен әсерін тигізді.Осы уақыттарда еліміз аумағы Қарахан хандығына қарасты болатын. Алтын Орданың мұсылмандықты қабылдауымен нығая түсті. Бұл процесс Берке (1255-1266ж.ж.) ханның тұсында басталған еді. Ислам XIV ғ. әмір Темірдің кезінде де ерекше беделді болды.

Ислам дінінің қандай бағыттары бар?

Исламның негізгі бағыттары. Сунниттік бағыт. Мұсылмандар Мұхаммед пайғамбар жолын ұстануды сүннет (суна) деп атайды. Әр істе пайғамбар сүнетін басшылыққа алатын мұсылмандарды сунниттер дейді. Сунниттер ұстанатын құқықтық мектептеріне қарай төрт мектепке (мазхабқа) бөлінеді. Ол мектептер – ханафи, шафиғи, малики және ханабали. Әлем мұсылмандарының 90% -ынан астамы сунниттік бағытты ұстанады.

Шиттер. Шиттердің сунниттерден басты ерекшелігі – олардың Әли ибн Әбу Тәліптен басқа исламдағы халифаларды мойындамайтындығы. Тіпті, араларында Әбу Тәліпті пайғамбар ретінде дәріптейтіндер де кездеседі. Әли әулетінен өрбіген он екі иманды дінбасарлары ретінде ерекше құрметтейді. Әли халифалық құрған тұста саяси алауыздық себебінен пайда болған шиттік топ уақыт өте келе өз алдына доктринасы бар бағытқа айналды. Шиттер бүгінде көптеген топтарға бөліненді. Шиттер бүгінде көптеген топтарға бөлінеді. Олар Иран, Ирак, Иордания, Сирия, Ливан, Пәкістан, Әзірбайжан елдерінде кездеседі.

Ағзам бастаған Ханифит мазхабының сунниттік бағыты.

III. Сабақты қорытындылау.

1. Ислам дінінің қандай бағыттары бар?

2. Суннит бағыты деген не?

3. Шииттер туралы айтып бер?

IV. Жеке оқушыларға озық тапсырма беру § 18.

V. Үйге тапсырма.

§ 17 оқу, талдау.