Тақырыбы: «Жабайы жануарлар».

Мақсаты: Жабайы жануарлар туралы түсініктерін кеңейту.

Білімділік мақсаты: Жабайы жануарлармен таныстыруды жалғастыру, жануарлардың ажыратуға, атауларын және түстерін атауға, көрсете білуге үйрету. Нұсқауларды түсіне білуге, орындауға үйрету.

Түзету-дамыту мақсаты: Жалпы және ұсақ моторикаларын, ойлау, есте сақтау, сөйлеу қабілеттерін дамыту. Қайшымен қағазды қию, желімді жағу жұмыстарын жасауға машықтандыру.

Тәрбиелік мақсаты: Ұқыптылыққа тәрбиелеу.

Көрнекіліктер: Интерактивті тақта, жабайы аңдардың суреттерінен слайд, Д/ойын құралдары: жабайы аңдардың коленкелері, фетрдан жасалған жабайы аңдар мен азықтары, қайшы, желім.

Әдісі: Әңгімелеу, көрсету, түсіндіру, сұрақ-жауап, ойындар арқылы.

І. Кіріспе бөлімі:

Шаттық шеңбері музыка сүйемелдеуімен жүргізіледі:

Орнымыздан тұрайық

Алақанды ашайық

Күннің нұрын салайық

Жүрек жылуын сызайық

Осы жақсы лебізді

Апайларға сыйлайық.

ІІ. Негізгі бөлімі:

• Қазір қай жыл мезгілі, далада не жатыр, қыста ауа райы қандай болады, қыс айларын аташы?

Жабайы жануарды туралы әңгімелесу.

• Сен қандай жабайы жануарды білесің?

• Мынау қандай аң? (аю, қасқыр, түлкі, қоян).

Баланың назарын суреттерге аударып әңгімелесу.

• Суреттерге қарашы, мынау қоян, ол сәбізбен қоректенеді, түсі ақ, құлағы ұзын. Мынау аю, түсі қоңыр, оның сүйікті азығы бал, балық жеміс-жидектер, ол қыста ұйықтайды. Мынау қасқыр, оның түсі сүр, тістері үлкен, оның азығы ет, сүйектер. Ал мынау түлкі, оның түсі қызғылтсары, оның азығы балық, ет. Олар орманда өмір сүреді.

Әр аңнын ерекшелігін әңгімелеу.

Д/ойын: «Жануардың сүйікті асын тап».

Мақсаты: жабайы жануарды атауға, ажыратуға, асын табуға, санауға үйрету.

Барысы: жабайы жануарды суреттеріне қарап сүйікті астарын тауып апарады, атайды, санайды.

Жапсыру: «Аю».

Мақсаты: Қайшы және желіммен жұмыс жасау дағдыларын қалыптастыру, жұмыс барысында қауіпсіздік ережесін дұрыс пайдалануға икемдеу.

Барысы: Балаға суретті көрсете отырып ол қандай жануарлар екенін атайды. Суретте бейнеленген жануарды қайшымен қияды. Қию кезінде қайшымен жұмыс жасау қауіпсіздігін, есіне салу. (Интерактивтіқ тақта)

Сергіту сәті:

Көлбең, көлбең, көлеңкем

Көлбең деген көлеңкем

Кім көрсетіп береді?

Қоян қалай секіреді?

Қасқыр қалай жортады?

Түлкі қалай жүреді?

Аю қалай қорбандайды?

Қиылған аюдың суретің желімді пайдалана отырып ақ бетке жапсырады. Желіммен жұмыс жасау қауіпсіздігін, есіне салу.

ІІІ. Қорытынды бөлімі:

Д/ойын: «Көлеңкесін тап».

Мақсаты: Жабайы жануарларды ажыратуға, атауға үйрету.

Барысы: Жануарлардың көленкесіне сәйкес суреттерді тауып орналастырады.

Баланы мақтау!