Жалпы адамзаттық құндылықтар – адамгершілік бастауы

Жалпы адамзаттық құндылықтар жеке тұлғаның бойында өмірге келген сәтінен бастап бірге дамиды, жасы ұлғайған сайын қоршаған ортасына сәйкес бірге қалыптастады. Оларға: шындық, қайырымдылық, тұлға, бостандық, махаббат, шығармашылық, ізгілік, жанашырлық және т.б. жатады. Бұл сезім мен ақыл-ойдың ұштасуын және сол арқылы адамның іс-әрекетін белгілейді. Құндылықтар сезім арқылы қабылданады, сана арқылы түсінуге болады. Соның нәтижесінде тұлға құндылықты игереді де, іс-әрекет етеді. Осы аталмыш құндылықтардың бастау көзі халықтың мол мұрасында.

Жалпы адамзаттық құндылықтар арқылы тәрбие беру – рухани азғындықтан шығудың ең басты жолы. Осы орайда бүгінгі таңдағы мектептерде жүргізілетін өзін-өзі тану пәнінің алатын орыны да ерекше болып отыр. Бұл пән бірінші кезекте біздің дара тұлғаларымыз Абай Құнанбаев, Шәкәрім Құдайбердіұлының айтып кеткен өсиеттерінің, Ар ілімінің пән ретіндегі көрінісі. Осы ерекше пәннің жыл сайын ақпан айында «Өзін-өзі тану: Махаббат пен Шығармашылық педагогикасы» атты онкүндік өтіледі. Мақсаты: оқушы бойына ізгілік пен адамгершілік, қайырымдылық пен қамқорлық, мейірім мен махаббат шуағын шашып, оқушылардың өмірді танып үйренуімен қатар, рухани-адамгершілік құндылықтарды оқушы бойына сіңіру. Аталған онкүндік аясында мектебімізде көптеген іс – шаралар өткізілді. «Алтын жүректі анамыз» тақырыбында мәнерлеп оқу, «Сүйіспеншілікпен өмір сүру» тақырыбында эссе жазу, «Мейірім төккен - Ана» тақырыбында көрме ұйымдастыру байқаулары өтті. Сонымен қоса «Мейірімді жүректер ынтымақтастығы» атты акция ұйымдастырылып, сырқат балалардың счетына аударылды. Ата-аналармен жұмыс барысында «Мейірімділік бастауы отбасынан» тақырыбында 7 күндік марафон өткізілді. Мақсаты ана-аналардың өзін-өзі тану пәніне деген қызығушылығын ояту, тәрбиеге деген жаңашыл көзқарасын қалыптастыру. Онкүндік аясында жоспарланған іс-шаралар түгелдей қамтылып, оқушылар арасында позитивті қарым-қатынас, сүйсіпеншілік пен ізгілік қасиеттері жалғасын табуда.

Қазіргі тәуелсіз елімізде ғасырлар бойы халқымыздың ұлттық санасынан орын алған адамгершілік құндылықтарды, яғни ізгілік, қайырымдылық, адалдық, әділдік, қарым-қатынас сияқты қасиеттерді, қоғамда болып жатқан өзгерістерге байланыстырып, жеткіншек ұрпақты тәрбиелеудің қайнар бастауы деп қарастыруға болады. Өскелең ұрпақтың бойына қоғам талабына сай адамгершілік құндылықтарды қалыптастыруды мақсат еткен оқу-тәрбие процесі ғана уақытпен үндесіп, қоғам мен тәрбиенің өзара байланысын түзеді.

Көкдала орталау мектебі

Өзін-өзі тану пәнінің мұғалімі

Омарова Динара Асхаровна