«Жалпы адамзаттық құндылықтардың отбасы тәрбиесіндегі негіздері»

Мақсаты:

1. Ата - ананың өмірге деген көзқарасын өзгерту.
   2. Ата - аналарды балаларға жауапкершілікпен қарауға шақыру.
   3. Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.

Міндеті:
1. Балаларды адамгершілікке тәрбиелеудегі ата - ананың жауапкершілігі.
2. Мектепте ата - ананың оқу - тәрбие саласындағы рөлі.
3. Алдағы уақытта оқушыларды тәрбиелеуде мұғалім мен ата - ананың бірігіп жұмыс жасауы.

Ресурстар

Жоспар

1. Тыныштық cәті «Нұрға бөлену»

2. «Өзін-өзі тану» рухани- адамгершілік білім беру бағдарламасының маңыздылығын түсіндіру. Пән туралы түсінік беру

3. Отбасында атa-аналар балалардың жалпы адамзаттық құндылықтар негізінде тәрбиелеуге ықпал ету.

4. Қызығушылығын ояту

5. Бейнеролик

6. Қызықты сұрақтар тренингі

7. Дәйексөз

8. Мұғалім сыйы:

9. Шығармашылық жұмыс.

10. Ән айту

11. Үй тапсырмасы

12. Қорытынды

Семинар барысы: «Сәлемдесу!»

Тыныштық сәті: «Нұрға бөлену»

Сұрақтар:

Қандай сезімде болдыңыздар?

Осындай сезімде әсер алған сізге ұнады ма?

Әр қашан осындай көңіл күйде жүруге болады ма?

• 1. Өзін-өзі тану» рухани- адамгершілік білім беру бағдарламасының маңыздылығын түсіндіру

Жалпыадамзаттық құндылықтар туралы түсінік.

Рухани-адамгершілік тәрбие мазмұнының негізіне айналатын білім материалдарын іріктеу кезіңде гуманистік бағытымен, жалпыадамзаттық мәнімен, маңыздылық деңгейін, жан –жақтылығымен ерекшеленетін құндылықтарды басшылыққа алу керек. Оқушы бойында адамгершілік құндылықты дамытудың өзі білім болып саналады. Ақиқат, Дұрыс әрекет, Тыныштық, Сүйіспеншілік, Қиянат жасамау сияқты адамгершілік құндылықтарды жете түсінген адам, осы құндылықтарды іс жүзінде қолданып, оларды адал ниетпен және ақ пейілмен таратса, сол адамды нағыз білімді адам деп атауға болады.

Өміріміздің негізі – тамыр, ол ақиқат.

Ағаштың тамыры көрінбейді, сол себепті де ақиқат сырт көзге көрінбейді, оны іспен дәлелдеу қажет. …..

Тамыр мықты болу үшін, оны суару қажет. Су – сүйіспеншілік.

Ағаштың діңгегі – дұрыс іс-әрекет. Егер адам дұрыс өмір сүрсе, оның жаны тыныштыққа толы болады. Ағаштың гүлдері тыныштықтың белгісі.

Ағаштың жемісі, алмалары – біздің өмірдегі жемісіміз, яғни ол - басқаға және өзіңе қиянат жасамау.

Барлық жалпыадамзаттық құндылықтар – бір адамдықтың қыры. Дұрыс әрекет – бұл іс – әрекеттегі сүйіспеншілік. Сүйіспеншілік барлық құндылықтар арқылы өтеді

Адам ойы, сөзі, ісімен ішкі үйлесілімділікке жетуі үшін ұстанған жалпы адамзаттық құндылықтар адам тұлғасының мынадай құрылымдық деңгейіне сәйкес болуы керек:

Қызығушылығын ояту
Ата - аналар бір біріне жүрекше сыйлау арқылы ыстық лебізін білдіреді.

Бейнеролик: Бақытты отбасы үлгісі

Қандай әсер алдыңыздар?

«Қызықты сұрақтар» тренингі
Таратылған парақтарға жауап жазу
1. Балаңыздың туылған күні?
2. Сынып жетекшісінің толық аты жөні?
3. Балаңыздың аяғының өлшемі?
4. Балаңыздың парталасы кім?
5. Балаңыздың сүйікті асы қандай?
6. Балаңыз қандай түсті жақсы көреді?
7. Балаңыз бірінші сыныпқа қай жылы барды?
8. Балаңызды еркелеткенде қандай сөздер пайдаланасыз?
9. Балаңызға ашуланғанда аузыңызға ең алдымен қандай сөз түседі?
10. Балаңыздың ең жақын досы кім?

Дәйексөз

Отбасы ар-намыс, қуаныш пен бақыт, тілек пен

үміт ұясы.Ұяны құс таза ұстайды.

Ұстаздан қалған ұлағат

-«Отбасы», «жанұя» сөзерінің мағынасын түсіндіріп беріңіз?

-Не үшін отбасы ар-намыс, қуаныш,бақыт,үміт ұясы?

-Отбасының тазалығын қалай сақтауға болады?

Мұғалімнің сыйы

Отбасы татулығы (Аңыз әңгіме)

Баяғыда бір үлкен отбасы өмір сүріпті. Отбасындағы адамдар саны өте көп екен,олар бірге тұрыпты.Ол отбасы ерекше екен, отбасының өзара келісімде, татулықта өмір сүруі елді таң қалдырады. Оларда ұрыс-керіс, дау-жанжал деген атымен болмайды екен. Бұл отбасы жайлы патшаның құлағына да жетеді. Патша естігенін растығын білгісі келіп, ауылға келеді. Ауыл тап-таза, барлығы да жеткілікті, тыныштық пен береке қонған. Патшаның көңілі толып,ерекше бір шаттыққа бөленеді. Сыйластығы жарасқан бақытты отбасында қариялардың орны төрде, уайым-қайғысыз, балалары бақытты, мәз-мейрам екен. Бұған патша таң қалып. Отбасының қалайша бақытты, тату-тәтті өмір сүруінің мәнісін білгісі келеді. Ауыл ақсақалына келіп, отбасындағы татулық пен бірлікке қалай жеткендерін айтуын өтінеді. Қарт үнсіз ғана жүз рет «сүйіспеншілік», жүз рет «тыныштық», жүз рет «татулық» деп қағазға мұқият жазып шығады. Үш сөзді оқыған патша таң қалып: Осы-ақ па? Ия, - деді ақсақал.-Барлық жақсы отбасылары тек осы қасиеттерден құралады,-деді де, сәл ойланып, «және шыдамдылық» деген сөзді қосып қойды.

Сұрақтар:

1. Отбасы татулық пен бірлікке қалай қол жеткізді?

2. Қария айтқан «сүйіспеншілік», «тыныштық», «татулық», «шыдамдылықтың» отбасында қандай маңызы бар?

3. Сіздің ойыңызша отбасында тыныштық болу үшін не істеу керек?

-Пікірлеріңізбен бөліскендеріңізге рахмет.

Адамға өмірде ең қымбаты- отбасы.Отбасында сүйіспеншілік, сыйластық, татулық, бауырмалдылық болғанда бірлік болады. Бір-бірін аялап, кешіре , түсіне білгенде отбасы берік болады.

Шығармашылық жұмыс.Топпен жұмыс

Ата-аналарды стикерлер арқылы топқа бөлемін.

«Менің жанұям» тақырыбында өз жанұяларының суреттерінен топпен коллаж жасап, жанұялары туралы әңгімелеп береді.

Стикерлерге тілектер жазып шаңыраққа іледі.

Топпен әң айту

Әбдіжаппар Әлқожа

Ана-әке

1) Жанашырым - ана, дара шыңым- ана

Бар асылым - ана, шуағымсың.

Бағбанымсың - әке, зор бағымсың - әке

Қорғанымсың- әке, шырағымсың.

Қайырмасы:

Ана - аяулым өзіңмен мақтанамын

Ана - мен сені меккеге апарамын

Ана - баланың қолдағың бақ талабын, бұлағымсың.

Әке - бір жылы сөзіңе шаттанамын

Әке - мен сені меккеге апарамын

Әке - биікке самғайды баптағаның, шынарымсың әке

2) Өмір берген маған, көңіл бөлген маған

Сенім берген маған айкүнімсің.

Қамқорларым дана, сүйенішім дара,

Әке менен ана байлығымсың.

Қайырмасы:

Ана - аяулым өзіңмен мақтанамын

Ана - мен сені меккеге апарамын

Ана - баланың қолдағың бақ талабын, бұлағымсың.

Әке - бір жылы сөзіңе шаттанамын

Әке - мен сені меккеге апарамын

Әке - биікке самғайды баптағаның, шынарымсың әке

Қайырмасы:

Ана - аяулым өзіңмен мақтанамын

Ана - мен сені меккеге апарамын

Ана - баланың қолдағың бақ талабын, бұлағымсың.

Әке - бір жылы сөзіңе шаттанамын

Әке - мен сені меккеге апарамын

Әке - биікке самғайды баптағаның, шынарымсың әке

Үй тапсырмасы

«Жанұя» фильмін көріп келуді ұсынамын

Жиналысытың қорытынды сәті.

Жиналыс бойынша ата аналардың пікірін білу.

Құрметті ата - аналар ұлтымыздың қанындағы ізеттілік – дөрекілікке, қайырымдылық - қатыгездікке, жомарттық - тоғышарлыққа, адалдық - арамдыққа, парасаттылық - парықсыздыққа ауыспасын деген үлкен үміт тұр.

Өмірдің өтпелі қиын кезеңінде ұл - қыздарымыздың саналы тәрбие мен нақты білім алуларына күш салайық. Балаға жауапкершілікпен қарап, оқыту мен адамгершілікке тәрбиелеуде отбасының басым рөлін мойындап, бірлесе, ынтымақтаса әрекет етуіміз қажет деп бүгінгі жиналысымызды аяқтағалы отырмыз.

Қатысқандарыңызға рахмет.

Сау болыңыздар!