Жалпыадамзаттық құндылықтар- отбасы тәрбиесінің негізі

Ата-аналар жиналысының жоспары
Мектеп: Т.Шанов атындағы орта мектеп Сынып: 7
Мерзімі: Ата-аналар саны:10
Мұғалім: Тулешова Ақмерей Алибековна
Ата-аналар жиналысының тақырыбы: Жалпыадамзаттық құндылықтар- отбасы тәрбиесінің негізі

Мақсаты:Жас ұрпаққа рухани- адамгершілік тәрбие беру ата-ананың басты парызыекендігін жәнеотбасы тәрбиесі адами биік қасиеттерді қалыптастырудағы негізгі алғашқы сатысы екендігін түсіндіру.
Міндеттері:
Жалпыадамзаттық құндылықтардың отбасы тәрбиесіндегі маңызын ұғындыру.
Ата-аналардың жалпыадамзаттық құндылықтарды бала тәрбиесіне және тұлға бойын дұрыс қалыптастыра білу дағдыларын дамыту.
Ата-аналардың бойында отбасындағы бір-біріне деген сүйіспеншілік, мейірімділік, сыйластық сияқты рухани-адамгершілік қасиеттерді қалыптастыру.
Ресурстары: (материалдары, көздері)
Интерактивті тақта, ән мәтіндері, слайдтар, плакат

Жоспар(жоспардың әрбір пунктін 3-5 сөйлеммен ашу)
Өзін-өзі тану рухани-адамгершілік білім беру бағдарламасының психологиялық-педагогикалық негіздері
Жалпыадамзатттық құндылықтар
Бала тәрбиесіндегі ата-аналардың рөлі. Ұл балалар және қыз балалар тәрбиесі.

Жиналыс барысы:
Тыныштық сәті. Нұрға бөлену

1. Өзін-өзін тану рухани-адамгершілік білім беру бағдарламасының психологиялық-педагогикалық негіздері
Адамгершілік-бұл рухани тәрбие. Руханилық-жеке тұлғаның негізгі сапалық көрсеткіші.

Адамзаттың рухани-адамгершілік құлдырауы.Дағдарыс
Барлық дағдарыстың себебі - адамдардың рухани -
адамгершілігінің төмендеуі.
Үш дағдарысты ойлай келе, адамның санасын өзгерту керек.
Сананың құрылымы. Сананы тазарту.
Білім беру, ойлау және түіну үдерісі-олардың бәрі сананың ішінде болады. Санаға бес сезім мүшесі әсер етеді. Ақпарат бес сезім мүшесі арқылы түпкі санаға келіп түседі.
Біздің санамызды қалай тазарту керек?(стакандағы сумен мысал келтіру)

Жалпыадамзатттық құндылықтар
Ең тиімді құндылықтар жүйесінің жіктемесін ғалым Т.И.Петракова ұсынған, ол құндылықтарды үш түрге: табиғи , жүре пайда болған және абсолюттік деп бөлген.
Абсолютттік жалпыадамзаттық құндылықтар-ол уақытқа бағынбайтын, белгілі бір адамдардың шеңберіне тәуелді емес, бүкіл адамзат үшін маңызды құндылықтар.

Адамның жаны тыныш болса, отбасында татулық орнайды Отбасында тыныштық болса, қоғамда татулық орнайды Қоғамда тыныштық болса, мемлекетте татулық орнайды Мемлекетте тыныштық болса, бүкіл әлемде татулық орнайды.
Сондықтан, Ақиқат, Дұрыс әрекет, Тыныштық, Сүйіспеншілік, Қиянат жасамау сияқты адамгершілік құндылықтарды жете түсінгісі келетін кез келген адам, осы құндылықтарды іс жүзінде қолданып, оларды адал ниетпен және ақ пейілмен таратса, сол адамды нағыз білімді адам деп атауға болады.
3. Бала тәрбиесіндегі ата-аналардың рөлі. Ұл балалар және қыз балалар тәрбиесі.
Бала тәрбиесіндегі алғашқы ұстаз — ата-ана.
Жанұяда жақсы қасиеттер балаға сөзбен, үлкендердің үлгісімен сіңеді, дамиды.
Халықта Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсыңдеп бекер айтылмаған. Сондықтан баланың бойына жастайынан ізгілік, мейірімділік, қарапайымдылық, адамгершілік сияқты құнды қасиеттерді сіңіріп,өз-өзіне сенімділікті тәрбиелеуде отбасы шешуші рөл атқарады.
Талдау

Үйге тапсырма: Құндылыққа толы әңгімелер оқу, әндер айту.

Жиналыстың қорытынды сәті.
Бейнеролик Бала тілегі (Оқушылардың өз ата-аналарына деген ризашылық пен тілектері айтылған бейнеролик) көрсетіледі.
Топпен ән айту.

Қос бәйтерегім
Әкешім пана болған биік шыңым,
Үйреткен мына өмірдің барлық сырын.
Жер бетін кезгенменен, сендердің көздеріңнен,
Төгілген жылылықты ешкімнен сезбедіммен. 2рет

Анашым ақ сүт беріп мәпелеген,
Кешірген көп кетсе де қате менен.
Анамның алақаны, әкемнің қарағаны,
Ұқтырды біз екенін бақытқа балағаны. 2рет

Сендердің арқаларың жүргеніміз
Алаңсыз бұл өмірде күлгеніміз
Менің қос бәйтерегім сендерсіз қайтер едім
Әрқашан бірге болсақ түгел ғой бар керегім.2рет

Құрметті ата –аналар! Өз балаларыңызбен қарым –қатынас жасауда шыдамды болыңыздар. Жай ғана өз балаларыңызды сүйіспеншілікке бөлеңіз, өз сөздеріңізбен, дауыс ырғағыңызбен, құшақтасуларыңызбен және өздеріңіздің іс –әрекеттеріңізбен өзіңіздің оған деген махаббатыңызды көрсете біліңіз.

Сонда барлығы жақсы болады! Көп рахмет!




Мұғалім: А. Тулешова


Мектеп директоры: М.Купесов