«Жалпыадамзаттық құндылықтар –отбасы тәрбиесінің негізі». ата-ана

Мақсаты: ата-аналарға отбасы тәрбиесінің негізі ретіндегі жалпыадамзаттық құндылықтар туралы түсінік беру.

Міндеттері:

1. Ата-аналарға отбасында балаға рухани-адамгершілік тәрбие берудің мәнін ұғындыру.

2. Бала мен ата-анасының бір-бірін жақын түсінуге көмектесу.

Ресурстары:

Презентация, сандықша, үлестірме қағаздар

Ұйымдастыру кезеңi. Жағымды көңіл күйге келу. «Нұрға бөлену».

Жоспар:

1. «Өзін-өзі тану» рухани-адамгершілік білім беру Бағдарламасының аксиологиялық негіздері

Жалпыадамзаттық құндылықтар - бұл барлық кезеңдегі адамдар үшін шынымен маңызды, сөзсіз қажетті, қалаулы, өткінші емес, жынысына, ұлтына, нәсіліне, азаматтығына, әлеуметтік жағдайына, діни сеніміне және т.с.с. байланыссыз әр адам үшін іс жүзінде мағынасы бар құндылықтар. Осы жалпыадамзаттық құндылықтар көп ұлтты және көп конфессионалды мемлекет жағдайында өтілетін «Өзін – өзі тану» пәнінің мазмұнының жалғыз мүмкін негізі болып табылады. Бұл құндылықтар негізінде ақиқат, дұрыс әрекет, ішкі тыныштық, сүйіспеншілік, қиянат жасамаудың көрінісі ретінде ар-ұждан тұрады.

«Өмір» тақырыбындағы ән жолдарын тыңдайды

2. Тренинг "Сыр сандық"Бұл тренингте ата-аналарға баласын дұрыс жақсы тұлға болып, тәрбиелеу үшін өз бойына қандай қасиеттер, қандай мінез, қандай іс-әрекеттер керек екенін сұрап, үлестірме қағаздарға жаздырып, ортадағы сандықшаның ішіне салдырады.

3. "Мен алмастыра аламын" - тапсырмасының шарттары

Ата-аналар екі топқа бөлінеді. Алдын ала дайындалған таблицадағы бұйрық сөздерді балаларына басқаша қалай жеткізуге болатыны жайында таблицаның екінші жағына жазу керек.

Ата-аналар стикерлерге жазып сандықшаға салады

Үлестірме қағаздағы бұйрық сөзді жай сөзге айналдырады

4. "Менің отбасымның игі дәстүрлері"

Бұл тапсырмада тақтада "Менің отбасымның игі дәстүрлері" деп жазылған үлкен плакат ілулі тұрады. Сол жерге әр ата-ана өздерінің балаларымен бірге атқарылатын іс-әрекеттерін, отбасылық дәстүрлерін жазады.

Отбасының игі дәстүрлерін жазып тақтадағы күн шуағын толықтырады

5.Кері байланыс: «Жүректен жүрекке»

Үлестірме гүлдерге өз жүректерінен шыққан тілектерін айтады

Үйге тапсырма: Балаларының мүмкіндігі мен жан дүниесін түсінуге тырысу. Демалыс уақыттарын отбасына арнау

Жиналыстың қорытынды сәті:

Бүгінгі жиналыстан алған барлық жақсы қасиеттерді жүрегімізге сақтап алайық. Сау болыңыздар! Рақмет!