«Жан сыры деп жазылған, психология деген пән»

Орал гуманитарлық-техникалық колледжінде жыл сайын студенттердің психология пәніне қызығушылығын ояту мақсатында дәстүрлі түрде психологиялық олимпиада оздырылады. Бұл жылы да бұл дәстүр өзінің жалғасын тапты. Педагогика және психология кафедрасының оқытушылары Г.С.Шотова және Б.Б.Конарованың ұйымдастыруымен «Жан сыры деп жазылған, психология деген пән» тақырыбында колледждің 3 курс топтарының қатысуымен психологиялық олимпиада өткізілді. Олимпиаданың мақсаты: студенттердің психология пәні бойынша теориялық білімдерін және практикалық дағдыларын шыңдау, топтарды ұжымдастыру арқылы жағымды атмосфера құруға, шығармашылықтарын, ізденімпаз қабілеттерін қалыптастыру және дамыту. Олимпиада барысында топтарға бөлініп, топтық жұмыстар орындады. Психологиялық олимпиада мынадай кезеңдерден құралды:

1.“Амандасу” тренингі,

2. Топты таныстыру

3. Тест сұрақтарына жауап беру

4. Психологиялық терминдерден ертегі , әңгіме құрастыру

5. Арттерапия (әйнекке сурет салу, тағы да басқа әдістер)

О лимпиада барысында студенттер мамандық бойынша топтарға бөлініп, психология пәні бойынша тест тапсырмаларын орындады. Арттерапия кезеңінде түрлі түсті бояуларды, тұз, күріш, бидай, бұршақ, қарақұмықтарды қолдана отырып, әйнекке және қағазға өз ойларындағы бейнелерді салды. Топтық жұмыс арқылы студенттер, шығармашылық пен тапқырлық қасиеттерін танытып, психологиялық терминдерден шағын ертегі, әңгімелер құрастырды. Олимпиада аяғында «Еркін микрофон» айдарында студенттер шарадан алған әсерлерімен бөлісіп, бір-біріне жылы тілектерін білдірді.

Орал гуманитарлық-техникалық колледжінің

педагогика және психология пәнінің

оқытушысы Бекзат Конарова